ನಗರದ ಹೆಣ್ಣೂರು ಬಳಿಯ ರಾಜ ಕಾಲುವೆಯಲ್ಲಿ ಬುಧವಾರವೂ ಮದ್ರಾಸ್ ಎಂಜಿನಿಯರ್ಸ್ ಗ್ರೂಪ್(ಎಂಇಜಿ) ಯೋಧರು ಹಾಗೂ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಸಿಬ್ಬಂದಿ ತೀವ್ರ ಶೋಧ ನಡೆಸಿದರೂ ಬಾಲಕ ಅಭಿಷೇಕ್ ದೇಹ ಪತ್ತೆಯಾಗಿಲ್ಲ.
ಈ ನಡುವೆ ಪಾಲಿಕೆಯು ಹೆಚ್ಚುವರಿಯಾಗಿ ಮೂರು ಹೂಳೆತ್ತುವ ಯಂತ್ರಗಳನ್ನು ನೀಡಿದೆ. ಯೋಧರು ಮೂರು ದೋಣಿಗಳಲ್ಲಿ ಕಾರ್ಯಾಚರಣೆ ನಡೆಸಿ, ಕಳೆ ತೆರವುಗೊಳಿಸಿದರು. ಬುಧವಾರ ಬೆಳಿಗ್ಗೆ ಎಂಇಜಿ ಯೋಧರು ಕಾರ್ಯಾಚರಣೆ ಆರಂಭಿಸಿದ್ದರು. ಮೂರು ತಂಡಗಳಾಗಿ ವಿಂಗಡಿಸಿಕೊಂಡು ಮೂರು ದೋಣಿಗಳ ನೆರವಿನಿಂದ ಶೋಧ ನಡೆಸಿದರು. ಸಂಜೆ ಕಾರ್ಯಾಚರಣೆ ಪೂರ್ಣಗೊಳಿಸಿದರು.
ಏತನ್ಮಧ್ಯೆ ಲಿಂಗರಾಜಪುರ ಪೆಟ್ರೋಲ್ ಬಂಕ್ ಬಳಿಯ ಕಾಲುವೆಯಲ್ಲಿಯೂ ಹೂಳು ತೆಗೆಯುವ ಕಾರ್ಯ ಆರಂಭಗೊಂಡಿದ್ದು, 40ಮಂದಿ ಕಾರ್ಯನಿರ್ವಹಿಸುತ್ತಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ