ಇನ್ನು ಮುಂದೆ ಮಾಲ್ಗಳಲ್ಲಿ, ವೈನ್ಸ್ಟೋರ್ಗಳಲ್ಲಿ ಮಾತ್ರವಲ್ಲ ಇತರ ಅಂಗಡಿಗಳಲ್ಲೂ ವೈನ್ ಖರೀದಿಸಬಹುದು ಆದರೆ ಕುಡಿಯುವುದು ಮಾತ್ರ ಸಾಧ್ಯವಿಲ್ಲ. ಹೌದು ಹೀಗೆಂದು ನಿರ್ಧಾರ ತೆಗೆದುಕೊಂಡಿರುವುದು ವೈನ್ ಮಂಡಳಿ.ದ್ರಾಕ್ಷಾರಸ ಮಂಡಳಿ ಅಧ್ಯಕ್ಷರೂ ಹಾಗೂ ಸರ್ಕಾರದ ಅಪರ ಮುಖ್ಯ ಕಾರ್ಯದರ್ಶಿ ಎಲ್. ಶಾಂತಕುಮಾರಿ ಹಾಗೂ ಮಂಡಳಿ ವ್ಯವಸ್ಥಾಪಕ ನಿರ್ದೇಶಕರೂ ಆಗಿರುವ ಡಾ| ಬಿ. ಕೃಷ್ಣ ಅವರು ನಡೆಸಿದ ಜಂಟಿ ಪತ್ರಿಕಾಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ್ದಾರೆ.ವೈನ್ ಉದ್ಯಮವನ್ನು ಅಭಿವೃದ್ದಿಪಡಿಸುವ ನಿಟ್ಟಿನಲ್ಲಿ ಎಲ್ಲಾ ಕಡೆಗಳಲ್ಲೂ ದೊರಕುವಂತೆ ಈ ಕ್ರಮ ಕೈಗೊಳ್ಳಲಾಗಿದೆ. ಆದರೆ ಮಾಲ್ಗಳಲ್ಲಿ ವೈನ್ ಕುಡಿಯುವ ಅವಕಾಶವಿಲ್ಲ. ಕೇವಲ ಮಾರಾಟ ಮಾತ್ರ ಮಾಡಬಹುದಾಗಿದೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.ವೈನ್ ಉದ್ಯಮಕ್ಕೆ ಮತ್ತಷ್ಟು ಉತ್ತೇಜನ ನೀಡುವ ಉದ್ದೇಶದಿಂದ ಜುಲೈ 10ರಿಂದ 12ರವರೆಗೆ ಮೂರು ದಿನಗಳ ಕಾಲ ನಗರದ ಲಾಲ್ಬಾಗ್ನ ಲ್ಲಿ ದ್ರಾಕ್ಷಿ ಮೇಳ ಮತ್ತು ವಿಚಾರ ಸಂಕಿರಣ ಆಯೋಜಿಸಲಾಗಿದೆ ಎಂದು ತಿಳಿಸಿದ್ದಾರೆ. |