ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಆಡ್ವಾಣಿ ಮಾತಿಗೆ ಗೌರವ-ರಾಜೀನಾಮೆ ವಾಪಸ್: ಹೆಗ್ಡೆ (Advani | Santhosh hegde | Lokayuktha | Nithin gadkari | Yeddyurappa)
Feedback
Printಆಡ್ವಾಣಿ ಮಾತಿಗೆ ಗೌರವ-ರಾಜೀನಾಮೆ ವಾಪಸ್: ಹೆಗ್ಡೆ 
ಬೆಂಗಳೂರು, ಶನಿವಾರ, 3 ಜುಲೈ 2010( 17:45 IST )
NRB
ತಾಜಾ ಸುದ್ದಿಗಳು ತಕ್ಷಣ ಲಭ್ಯವಾಗಲು ಟ್ವಿಟ್ಟರ್‌ನಲ್ಲಿ ನಮ್ಮನ್ನು ಫಾಲೋ ಮಾಡಿ
ಇಂದು ಬಿಜೆಪಿಯ ಹಿರಿಯ ಮುಖಂಡರಾದ ಎಲ್.ಕೆ.ಆಡ್ವಾಣಿಯವರು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡುತ್ತ, ನ್ಯಾ.ಸಂತೋಷ್ ಹೆಗ್ಡೆಯವರು ರಾಜೀನಾಮೆಯನ್ನು ವಾಪಸ್ ಪಡೆಯಬೇಕು. ಅಲ್ಲದೇ ಅವರಿಗೆ ಬೇಕಾದ ಎಲ್ಲಾ ರೀತಿಯ ಸಹಕಾರವನ್ನು ರಾಜ್ಯ ಸರ್ಕಾರ ನೀಡಲಿದೆ ಎಂಬ ಭರವಸೆಯನ್ನು ಕೊಟ್ಟಿದ್ದರು.
ಅದಕ್ಕೆ ಪೂರಕ ಎಂಬಂತೆ ಸಂಜೆ ಬಿಜೆಪಿಯ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ಗಡ್ಕರಿ ಮತ್ತು ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಖುದ್ದಾಗಿ ಸಂತೋಷ್ ಹೆಗ್ಡೆಯವರ ನಿವಾಸಕ್ಕೆ ತೆರಳಿ, ರಾಜೀನಾಮೆಯನ್ನು ಹಿಂಪಡೆಯುವಂತೆ ಮನವಿ ಮಾಡಿಕೊಂಡರು. ಅದೇ ರೀತಿ ಲೋಕಾಯುಕ್ತರು ಕೇಳಿದ ಬೇಡಿಕೆಯನ್ನು ಶೀಘ್ರವೇ ಈಡೇರಿಸುವುದಾಗಿಯೂ ಮುಖ್ಯಮಂತ್ರಿಗಳು ಈ ಸಂದರ್ಭದಲ್ಲಿ ಭರವಸೆ ನೀಡಿದ್ದರು.
PTI
ಆಡ್ವಾಣಿ ನನ್ನ ತಂದೆಗೆ ಸಮಾನ-ಹೆಗ್ಡೆ: ಲೋಕಾಯುಕ್ತ ಹುದ್ದೆಗೆ ರಾಜೀನಾಮೆ ಕೊಟ್ಟ ನಂತರ ನನ್ನ ನಿರ್ಧಾರ ಅಚಲ ಎಂದು ಹೇಳಿದ್ದೆ. ಇದೀಗ ಏಕಾಏಕಿ ನನ್ನ ನಿರ್ಧಾರವನ್ನು ನೀವು ಪ್ರಶ್ನಿಸಿಬಹುದು. ನಾನು ಹಿರಿಯರಾದ ಎಲ್.ಕೆ.ಆಡ್ವಾಣಿಯವರ ಮಾತಿಗೆ ಬೆಲೆ ಕೊಟ್ಟು ನನ್ನ ರಾಜೀನಾಮೆ ಹಿಂಪಡೆಯುವ ನಿರ್ಧಾರಕ್ಕೆ ಬಂದಿದ್ದೇನೆ. ಯಾಕೆಂದರೆ ಆಡ್ವಾಣಿ ಅವರು ನನ್ನ ತಂದೆ ಸಮಾನ, ನನ್ನ ತಂದೆಯ ನಿಕಟವರ್ತಿಯಾಗಿದ್ದವರು ಅವರು, ಅವರ ಮಾತನ್ನು ಮೀರಿ ಹೋಗುವಂತಹ ಧೈರ್ಯ, ಉದ್ದಟತನ ನನ್ನಲ್ಲಿ ಇಲ್ಲ ಎಂದು ಸಿಎಂ, ಗಡ್ಡರಿ ಭೇಟಿ ನಂತರ ಸುದ್ದಿಗಾರರೊಂದಿಗೆ ಮಾತನಾಡುತ್ತ ಹೇಳಿದರು.
ಲೋಕಾಯುಕ್ತಕ್ಕೆ ನಾನು ಕೇಳಿದ ಬೇಡಿಕೆಯನ್ನು ಈಡೇರಿಸುವುದಾಗಿ ಸ್ವತಃ ಮುಖ್ಯಮಂತ್ರಿ ಯಡಿಯೂರಪ್ಪ ಭರವಸೆ ನೀಡಿದ್ದಾರೆ. ಇದರಿಂದ ನನಗೆ ಸಂತೋಷವಾಗಿದೆ. ಕೆಲವೊಮ್ಮೆ ಭರವಸೆಯನ್ನು ನಂಬಬೇಕಾಗುತ್ತದೆ. ಹಾಗಾಗಿ ಅವರು ಲೋಕಾಯುಕ್ತ ಸಂಸ್ಥೆಯನ್ನು ಮತ್ತಷ್ಟು ಬಲಪಡಿಸುತ್ತಾರೆಂಬ ನಂಬಿಕೆ ನನಗೆ ಇದೆ ಎಂದರು.
ರಾಜೀನಾಮೆ ವಾಪಸ್ ಪಡೆಯುವ ನಿಟ್ಟಿನಲ್ಲಿ ತಾನು ರಾಜ್ಯಪಾಲ ಹಂಸರಾಜ್ ಭಾರದ್ವಾಜ್ ಅವರನ್ನು ಭೇಟಿಯಾಗಿ, ತನ್ನ ರಾಜೀನಾಮೆ ಹಿಂಪಡೆದು, ಲೋಕಾಯುಕ್ತನಾಗಿ ಮುಂದುವರಿಯುವುದಾಗಿ ಈ ಸಂದರ್ಭದಲ್ಲಿ ಹೇಳಿದರು.
ಸಂಬಂಧಿತ ಮಾಹಿತಿ ಹುಡುಕಿ