ಕೆಟ್ಟ ಕೊಲೆಸ್ಟ್ರಾಲ್, ಕೊಬ್ಬನ್ನು ಕರಗಿಸಲು ಮೊಳಕೆ ಸೇವಿಸಿ

ಮೊಳಕೆ ಭರಿಸಿದ ಕಾಳುಗಳು ಅತ್ಯಂತ ಆರೋಗ್ಯಕರ ಆಹಾರ ಪದಾರ್ಥಗಳಲ್ಲಿ ಒಂದು. ಮೊಳಕೆ ಭರಿಸಿದ ಕಾಳುಗಳು ಸಂಪೂರ್ಣ ಪೋಷಕಾಂಶಳಿಂದ ಕೂಡಿದ್ದು, ಆರೋಗ್ಯಕ್ಕೆ ಅಗತ್ಯವಾದ ಶಕ್ತಿ ಹಾಗೂ ಪೋಷಣೆಯನ್ನು ನೀಡುವುದು. ಕಾಳುಗಳಲ್ಲಿ ವಿಭಿನ್ನತೆಯನ್ನು ಕಾಣಬಹುದು. ಪ್ರತಿಯೊಂದು ಕಾಳುಗಳು ಭಿನ್ನವಾಗಿದ್ದು, ತನ್ನದೇ ಆದ ವಿಶೇಷ ಪೋಷಣೆಯನ್ನು ನೀಡುತ್ತವೆ.

photo credit social media

ಹೆಸರು ಕಾಳಿನಲ್ಲಿ ಕಡಿಮೆ ಪ್ರಮಾಣದ ಕ್ಯಾಲೋರಿಗಳಿರುತ್ತವೆ. ಒಂದು ಕಪ್ ಮೊಳಕೆ ಭರಿಸಿದ ಹೆಸರುಕಾಳಿನಲ್ಲಿ ಕೇವಲ 31 ಕ್ಯಾಲೋರಿಗಳಿರುತ್ತವೆ. ಅವುಗಳೊಂದಿಗೆ ಕಾಬ್ರ್ಸ್, ಪ್ರೋಟೀನ್‍ಗಳು, ಪೋಲೇಟ್, ವಿಟಮಿನ್ ಸಿ ಮತ್ತು ಕಬ್ಬಿಣಾಂಶ ಇರುತ್ತದೆ.

ಗಣನೀಯವಾಗಿ ಸೇವಿಸುವುದರಿಂದ ಉತ್ಕರ್ಷಣ ನೀರೋಧಕ ಶಕ್ತಿಯು ಹೆಚ್ಚುವುದು. ಜೊತೆಗೆ ಕ್ಯಾನ್ಸರ್ ನಂತಹ ಪ್ರಾಣಾಂತಿಕ ಕಾಯಿಲೆಯನ್ನು ತಡೆಯಲು ಸಹಾಯ ಮಡುವುದು. ಈ ಕಾಳನ್ನು ಬೇಯಿಸುವುದು ಅಥವಾ ಮೊಳಕೆ ಭರಿಸುವುದರ ಮೂಲಕ ವಿವಿಧಾಹಾರ ಪದಾರ್ಥಗಳಜೊತೆಗೆ ಸೇರಿಸಿ ಸವಿಯಬಹುದು.

ರಾಜ್ಮಾ ಕಾಳನ್ನು ಕಿಡ್ನಿ ಬೀನ್ಸ್ ಎಂದು ಸಹ ಕರೆಯಲಾಗುವುದು. ಇದು ನೋಡಲು ಇತರ ಬೀನ್ಸ್ ಅಥವಾ ಬೀಜಗಳಿಗಿಂತ ದೊಡ್ಡದು. ಬಣ್ಣದಲ್ಲಿ ಗಾಢವಾದ ಕಂದು ಬಣ್ಣವನ್ನು ಹೊಂದಿದ್ದು, ಕಡಿಮೆ ಪ್ರಮಾಣದ ಕ್ಯಾಲೋರಿಯಿಂದ ಕೂಡಿರುತ್ತವೆ. ಅಧಿಕ ಪ್ರಮಾಣದ ಪ್ರೋಟೀನ್, ಕಡಿಮೆ ಕೊಬ್ಬು, ಫೋಲೇಟ್, ವಿಟಮಿನ್ ಸಿ ಮತ್ತು ಮೆಲಟೋನಿನ್ ಅಧಿಕವಾಗಿರುತ್ತದೆ.

ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರ ಜೊತೆಗೆ ದೇಹದಲ್ಲಿ ಜೀವಸತ್ವ ಹಾಗೂ ಪೋಷಕಾಂಶಗಳ ಕೊರತೆ ಉಂಟಾಗದಂತೆ ಕಾಪಾಡುವುದು. ಇದನ್ನು ಟೈಪ್-2 ಡಯಾಬಿಟಿಸ್, ಹೃದಯ ರೋಗ ಸಮಸ್ಯೆಗಳನ್ನು ನಿಯಂತ್ರಣದಲ್ಲಿ ಇಡಲು ಸಹಾಯ ಮಾಡುವುದು.

ಬೆಂಗಾಲ ಗ್ರಾಮ್, ಕಡ್ಲೆ ಕಾಳು ಮತ್ತು ಕಪ್ಪು ಕಟ್ಲೇ ಎಂದು ಕರೆಯಲ್ಪಡುವ ಈ ಕಾಳು ಆರೋಗ್ಯಕ್ಕೆ ಅತ್ಯುತ್ತಮವಾದುದ್ದು. ಈ ಕಾಳಿನಲ್ಲಿ ಹತ್ತು ಮೊಟ್ಟೆಯ ಶಕ್ತಿ ಇರುತ್ತದೆ ಎಂದು ಸಹ ಹೇಳಲಾಗುವುದು. ಮೊಳಕೆ ಭರಿಸಿದ ಕಡ್ಲೇ ಕಾಳಿನಲ್ಲಿ ಕಾರ್ಬೋಹೈಡ್ರೇಟ್ ಮತ್ತು ವಿಟಮಿನ್ ಬಿ6 ಅಧಿಕವಾಗಿರುತ್ತದೆ.

ಈ ಮೊಳಕೆ ಕಾಳಿನ ವಿಶೇಷವೆಂದರೆ ಇದು ಕೊಲೆಸ್ಟ್ರಾಲ್ ಪ್ರಮಾಣವನ್ನು ಹೆಚ್ಚಿಸುವುದಿಲ್ಲ. ಬದಲಿಗೆ ಕೆಟ್ಟ ಕೊಲೆಸ್ಟ್ರಾಲ್ ಅಥವಾ ಕೊಬ್ಬನ್ನು ಕರಗಿಸಲು ಸಹಾಯ ಮಾಡುವುದು. ಮೊಳಕೆ ಬರಿಸಿದ ಕಡ್ಲೆಯನ್ನು ಚಾಟ್ ತಿಂಡಿಗಳೊಂದೊಗೆ ಅಥವಾ ಬೇಯಿಸಿ ಒಗ್ಗರಣೆ ಮಾಡಿಕೊಂಡು ಸವಿಯಬಹುದು.

ಬಟಾಣಿ ನೈಸರ್ಗಿಕವಾಗಿಯೇ ಸಿಹಿ ಅಂಶವನ್ನು ಹೊಂದಿರುತ್ತದೆ. ಇದರಲ್ಲಿ ಹಸಿರು ಮತ್ತು ಹಳದಿ ಎನ್ನುವ ಎರಡು ಬಗೆಯ ಬಟಾಣಿಯನ್ನು ಕಾಣಬಹುದು. ಎರಡೂ ಬಗೆಯ ಬಟಾಣಿಗಳು ಬಣ್ಣಗಳಲ್ಲಿ ಭಿನ್ನತೆ ಇದೆ ಎನ್ನುವುದನ್ನು ಬಿಟ್ಟರೆ ಪೋಷಕಾಂಶಗಳು ಹಾಗೂ ಜೀವಸತ್ವಗಳನ್ನು ಒಂದೇ ಬಗೆಯಲ್ಲಿ ಹೊಂದಿರುತ್ತವೆ.