ಚರ್ಮದ ಹೊಳಪು ಹೆಚ್ಚಿಸಲು ಮನೆಯಲ್ಲಿಯೇ ಇದೆ ಮದ್ದು

ನಮ್ಮ ದೇಹ ಸೌಂದರ್ಯದಲ್ಲಿ ನಮ್ಮ ಮೈ ಮೇಲಿನ ಚರ್ಮ ಹಾಗು ನಮ್ಮ ತಲೆ ಮೇಲಿನ ಕೂದಲು ಪ್ರಮುಖ ಪಾತ್ರ ವಹಿಸುತ್ತವೆ. ಹಾಗಾಗಿ ನಾವು ನಮ್ಮ ದೇಹದ ಆರೋಗ್ಯದ ವಿಚಾರವಾಗಿ ಎಷ್ಟು ಕಾಳಜಿ ವಹಿಸುತ್ತೇವೆಯೋ ಅಷ್ಟೇ ಪ್ರಮಾಣದಲ್ಲಿ ನಮ್ಮ ಚರ್ಮದ ಹೊಳಪು ಮತ್ತು ಸೌಂದರ್ಯವನ್ನು ಹಾಗೆ ನಮ್ಮ ಕೂದಲಿನ ಸಮೃದ್ಧತೆಯನ್ನು ಹೆಚ್ಚಿಸಿಕೊಳ್ಳುವ ನಿಟ್ಟಿನಲ್ಲಿ ಆಲೋಚನೆ ಮಾಡಬೇಕು.

photo credit social media

ನಮ್ಮ ಆಹಾರ ಪದ್ಧತಿಯಲ್ಲಿ ಕೆಲವೊಂದು ಹಣ್ಣು- ತರಕಾರಿಗಳನ್ನು ಸೇರಿಸಿ ದಿನ ನಿತ್ಯ ಸೇವಿಸುವುದರಿಂದ ನಮ್ಮ ಚರ್ಮದ ಹಾಗೂ ಕೂದಲಿನ ಅನೇಕ ಸಮಸ್ಯೆಗಳಿಂದ ಪಾರಾಗಬಹುದು. ಹಾಗಾಗಿ ನಮ್ಮ ಸೌಂದರ್ಯ ವರ್ಧನೆಯಲ್ಲಿ ಬಹು ಮುಖ್ಯ ಪಾತ್ರ ವಹಿಸುವ ಕೆಲವು ಬಗೆಯ ಹಣ್ಣು ಮತ್ತು ತರಕಾರಿಗಳು ಯಾವುವು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಬಹುದು.

ಕ್ಯಾರೆಟ್ ತರಕಾರಿಗಳಲ್ಲಿ ಹೆಚ್ಚಿನ ಪ್ರಮಾಣದ ಬೀಟಾ - ಕ್ಯಾರೋಟಿನ್ ಅಂಶ ಇರುವುದು ತಿಳಿದು ಬಂದಿದೆ ಇದರ ಜೊತೆಗೆ ವಿಟಮಿನ್ ' ಎ ' ಅಂಶ ಕೂಡ ಹೆಚ್ಚಾಗಿರುವುದರಿಂದ ಕೂದಲಿನ ಆರೋಗ್ಯಕ್ಕೆ ತುಂಬಾ ಸಹಕಾರಿ ಎಂದು ಹೇಳಬಹುದು.

ಅನಾರೋಗ್ಯದಿಂದ ಬಾಡಿರುವ ಕೂದಲನ್ನು ಒಮ್ಮೆಲೇ ಪುನಶ್ಚೇತನಗೊಳಿಸಿ ಆರೋಗ್ಯಕರವಾಗಿ ಮತ್ತು ಸೊಂಪಾಗಿ ಬೆಳೆಯುವಂತೆ ನೋಡಿಕೊಳ್ಳುತ್ತದೆ. ಇದರ ಜೊತೆಗೆ ನೆತ್ತಿಯ ಮೇಲೆ ಕಂಡು ಬರುವ ಫಂಗಸ್ ಸೋಂಕು ಮುಂದಿನ ದಿನಗಳಲ್ಲಿ ಕಾಣಿಸಿಕೊಳ್ಳದಂತೆ ನಿರ್ವಹಣೆ ಮಾಡುತ್ತದೆ.

ಕುಂಬಳಕಾಯಿ ಬೀಜಗಳಲ್ಲಿ ಯಥೇಚ್ಛ ಪ್ರಮಾಣದ ಜಿಂಕ್, ಸಲ್ಫರ್ ಮತ್ತು ವಿಟಮಿನ್ ' ಎ ' ಅಂಶ ಇರುವುದರಿಂದ ಮತ್ತು ಈ ಮೂರೂ ಅಂಶಗಳ ಏಕಕಾಲದ ಪ್ರಭಾವದಿಂದ ಅತ್ಯಂತ ಸದೃಢವಾದ, ಸೊಂಪಾದ ಮತ್ತು ಆರೋಗ್ಯಕರವಾದ ಕೂದಲು ನಿಮ್ಮದಾಗುತ್ತದೆ.

ಸೌಂದರ್ಯ ಪ್ರಜ್ಞೆ ಹೊಂದಿರುವ ಯಾವುದೇ ಪುರುಷ ಅಥವಾ ಮಹಿಳೆ ತಮ್ಮ ಆಹಾರ ಪದಾರ್ಥಗಳಲ್ಲಿ ' ಸಿಲಿಕಾ ' ಅಂಶ ಹೆಚ್ಚಿದೆಯೇ ಅಥವಾ ಇಲ್ಲವೇ ಎಂಬುದನ್ನು ತಿಳಿದುಕೊಳ್ಳಬೇಕು.

ನಮಗೆ ಮಾರುಕಟ್ಟೆಗಳಲ್ಲಿ ಸುಲಭವಾಗಿ ಸಿಗುವ ಹಸಿರು ಎಲೆ - ತರಕಾರಿಗಳಲ್ಲಿ ಹೆಚ್ಚಿನ ಪ್ರಮಾಣದ ಖನಿಜಾಂಶ, ವಿಟಮಿನ್ ಅಂಶ ಇರುವ ಕಾರಣ ನಮ್ಮ ದೇಹದ ಚರ್ಮ ಆರೋಗ್ಯಕರವಾಗಿ ಹೊಳಪಿನಿಂದ ಕೂಡಿರುವುದು ಮಾತ್ರವಲ್ಲದೆ, ಆರೋಗ್ಯಕರವಾದ ಉಗುರು ಮತ್ತು ಕೂದಲನ್ನು ನಮಗೆ ನೀಡುತ್ತದೆ.

ನಮಗೆ ಮಾರುಕಟ್ಟೆಗಳಲ್ಲಿ ಸುಲಭವಾಗಿ ಸಿಗುವ ಹಸಿರು ಎಲೆ - ತರಕಾರಿಗಳಲ್ಲಿ ಹೆಚ್ಚಿನ ಪ್ರಮಾಣದ ಖನಿಜಾಂಶ, ವಿಟಮಿನ್ ಅಂಶ ಇರುವ ಕಾರಣ ನಮ್ಮ ದೇಹದ ಚರ್ಮ ಆರೋಗ್ಯಕರವಾಗಿ ಹೊಳಪಿನಿಂದ ಕೂಡಿರುವುದು ಮಾತ್ರವಲ್ಲದೆ, ಆರೋಗ್ಯಕರವಾದ ಉಗುರು ಮತ್ತು ಕೂದಲನ್ನು ನಮಗೆ ನೀಡುತ್ತದೆ.