ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಅಣಜಿಯ 'ಸುಗ್ರೀವ': 18 ತಾಸಿನಲ್ಲಿ ಮುಗಿದ ದಾಖಲೆಯ ಚಿತ್ರೀಕರಣ (Anaji Nagaraj | Sugreeva | Shivaraj Kumar | Yajna Shetty)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಅಣಜಿಯ 'ಸುಗ್ರೀವ': 18 ತಾಸಿನಲ್ಲಿ ಮುಗಿದ ದಾಖಲೆಯ ಚಿತ್ರೀಕರಣ (Anaji Nagaraj | Sugreeva | Shivaraj Kumar | Yajna Shetty)
Feedback
Print
ಅಣಜಿಯ 'ಸುಗ್ರೀವ': 18 ತಾಸಿನಲ್ಲಿ ಮುಗಿದ ದಾಖಲೆಯ ಚಿತ್ರೀಕರಣ 
MOKSHA
ಹೌದು, ಅಂದುಕೊಂಡಂತೆ ಭಾರೀ ಸುದ್ದಿ ಮಾಡಿದ್ದ 'ಸುಗ್ರೀವ' ಚಿತ್ರದ ಚಿತ್ರೀಕರಣವನ್ನು 18 ತಾಸುಗಳಲ್ಲಿ ಪೂರ್ಣಗೊಳಿಸಲಾಗಿದೆ. ಆದರೆ ತಾಂತ್ರಿಕ ಕಾರಣಗಳಿಂದಾಗಿ ಇದು ಗಿನ್ನೆಸ್ ದಾಖಲೆಗೆ ಸೇರ್ಪಡೆಯಾಗುವುದಿಲ್ಲ. ಆದ್ದರಿಂದ ಭಾರತ ಗಿನ್ನಿಸ್ ಎಂದು ಖ್ಯಾತಿ ಪಡೆದಿರುವ ಲಿಮ್ಕಾ ದಾಖಲೆಗೆ ಅರ್ಜಿ ಸಲ್ಲಿಸಲು ಚಿತ್ರತಂಡ ನಿರ್ಧರಿಸಿದೆ.
MOKSHA
ಮುಖ್ಯ ನಿರ್ದೇಶಕ ಪ್ರಶಾಂತ್ ನೇತೃತ್ವದಲ್ಲಿ ಇನ್ನೂ 9 ನಿರ್ದೇಶಕರು, 10 ಮೇಕಪ್ ಮ್ಯಾನ್‌ಗಳು, 10 ಕಾಸ್ಟ್ಯೂಮ್ ಡಿಸೈನರ್‌ಗಳು, 30 ಸಹ ನಿರ್ದೇಶಕರು, ಆರು ಸ್ಟಿಲ್ ಫೋಟೋಗ್ರಾಫರ್‌ಗಳು, 10 ಪ್ರೊಡಕ್ಷನ್ ಮ್ಯಾನೇಜರ್‌ಗಳು, 40 ಕ್ಯಾಮರಾ ಸಹಾಯಕರು, 60 ಪ್ರೊಡಕ್ಷನ್ ಸಹಾಯಕರು, 120 ಲೈಟ್ ಸಹಾಯಕರು, 20 ಕಲಾ ಸಹಾಯಕರು, 30 ಸೆಟ್ ಸಹಾಯಕರು, ಒಬ್ಬ ಸ್ಟಂಟ್ ಮಾಸ್ಟರ್, 8 ಫೈಟರ್‌ಗಳು, ಒಬ್ಬ ಡ್ಯಾನ್ಸ್ ಮಾಸ್ಟರ್‌ಗಳನ್ನು ಬಳಸಲಾಗಿದೆ. ಇಡೀ ಶೂಟಿಂಗ್‌ಗೆ ಒಂದು ಸಾವಿರ ಜ್ಯೂನಿಯರ್ ಕಲಾವಿದರು ದುಡಿಯುವ ಮೂಲಕ ಸುಗ್ರೀವ ಚಿತ್ರೀಕರಣ ಮುಗಿಯಿತು.
MOKSHA
ಚಿತ್ರದಲ್ಲಿರುವ 66 ದೃಶ್ಯಗಳ ಪೈಕಿ 44 ದೃಶ್ಯಗಳಲ್ಲಿ ಶಿವರಾಜ್‌ಕುಮಾರ್ ಅವರ ಪಾತ್ರ ಇತ್ತು. ಹಾಗಾಗಿ ಶಿವಣ್ಣ ತರಾತುರಿಯಲ್ಲಿ ಶೂಟಿಂಗ್ ಸಂದರ್ಭ ಒಂದು ತಂಡದಿಂದ ಇನ್ನೊಂದು ತಂಡಕ್ಕೆ ಓಡುವುದು, ಮಾರ್ಗ ಮಧ್ಯದಲ್ಲೇ ಮೇಕಪ್ ಮಾಡಿಕೊಳ್ಳುವುದು, ಕಾಸ್ಟ್ಯೂಮ್ ಬದಲಾಯಿಸಿಕೊಳ್ಳುವುದು ಎಲ್ಲವೂ ಗಡಿಬಿಡಿಯಲ್ಲೇ ಸಾಗಿತ್ತು.
ನಟಿಸಿದ ಮೇಲೆ ಮಾತನಾಡಿದ ಶಿವಣ್ಣ, ಇದೊಂದು ಅದ್ಬುತ ಅನುಭವ. ಎಷ್ಟೋ ಚಿತ್ರಗಳಲ್ಲಿ ಅಭಿನಯಿಸಿದ್ದರೂ ಈ ಚಿತ್ರದ ಬಗ್ಗೆ ವಿಪರೀತ ಟೆನ್‌ಶನ್ ಇತ್ತು. ಒಂದು ನಿಮಿಷ ಸಹ ಪೋಲಾಗಬಾರದು ನೋಡಿ ಎಂದು ಮುಗುಳ್ನಗುತ್ತಾ ಹೇಳಿದರು ನಟ ಶಿವರಾಜ್ ಕುಮಾರ್.
ಪೂರಕ ಮಾಹಿತಿಗೆ ಇದನ್ನೂ ಓದಿ- 18 ಗಂಟೆಯಲ್ಲಿ ಕನ್ನಡ ಚಿತ್ರ ನಿರ್ಮಾಣದ ದಾಖಲೆ!