ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ಅಂತಾರಾಷ್ಟ್ರೀಯ » ಗಾಂಧೀಜಿಯ ಭಾರತದಲ್ಲಿ ಅಮೆರಿಕ ಬೇರುಗಳು: ಒಬಾಮಾ (America | Obama | Gandhi | India)
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿಗಾಂಧೀಜಿಯ ಭಾರತದಲ್ಲಿ ಅಮೆರಿಕ ಬೇರುಗಳು: ಒಬಾಮಾ 
ವಾಷಿಂಗ್ಟನ್, ಶನಿವಾರ, 3 ಅಕ್ಟೋಬರ್ 2009( 10:02 IST )
WD
WDಮಾರ್ಟಿನ್ ಲೂಥರ್ ಕಿಂಗ್ ಜೂ. 1959ರಲ್ಲಿ ಭಾರತದ ಯಾತ್ರೆ ಕೈಗೊಂಡಿದ್ದಾಗ ಅವರು ಹಂಚಿಕೊಂಡ ಮಹಾತ್ಮ ಗಾಂಧಿ ಬೋಧನೆಗಳು ಮತ್ತು ತತ್ವಗಳು ನಾಗರಿಕ ಹಕ್ಕು ಆಂದೋಳನದ ಮ‌ೂಲಕ ಅಮೆರಿಕ ಸಮಾಜದಲ್ಲಿ ಪರಿವರ್ತನೆ ಉಂಟುಮಾಡಿತು ಎಂದು ಮಹಾತ್ಮ ಗಾಂಧೀಜಿಯವರ ಜನ್ಮವಾರ್ಷಿಕೋತ್ಸವದ ಸಂದರ್ಭದಲ್ಲಿ ಒಬಾಮಾ ಸ್ಮರಿಸಿದ್ದು, ಮಹಾತ್ಮ ಗಾಂಧಿಯವರಿಗೆ ಅಮೆರಿಕನ್ನರು ಅಪಾರ ಋಣಿಯಾಗಿದ್ದಾರೆಂದು ನುಡಿದರು.
ಮಹಾತ್ಮ ಗಾಂಧಿಯ ಭಾರತದಲ್ಲಿ ಮತ್ತು ಗಾಂಧೀಜಿಯ ಅಹಿಂಸಾ ಚಳವಳಿಯಲ್ಲಿ ಅಮೆರಿಕದ ಬೇರುಗಳು ಅಡಗಿವೆಯೆಂದು ಒಬಾಮಾ ಹೇಳಿಕೆಯಲ್ಲಿ ತಿಳಿಸಿದರು. ಗಾಂಧೀಜಿಯ ಅಹಿಂಸಾ ಸಂದೇಶವನ್ನು ಬಿಂಬಿಸಲು ಇದು ಮುಖ್ಯ ಕ್ಷಣವಾಗಿದ್ದು, ಜಗತ್ತಿನಾದ್ಯಂತ ಜನರು ಮತ್ತು ರಾಜಕೀಯ ಆಂದೋಳನಗಳಿಗೆ ಅಹಿಂಸಾ ಚಳವಳಿ ಸ್ಫೂರ್ತಿ ನೀಡುವುದನ್ನು ಮುಂದುವರಿಸಿದೆಯೆಂದು ಅವರು ತಿಳಿಸಿದರು.
ನ್ಯಾಯಕ್ಕಾಗಿ ತಮ್ಮ ಜೀವನ ಮುಡುಪಾಗಿಟ್ಟ, ಎಲ್ಲರಿಗೂ ಸಹನಶೀಲರಾದ, ಅಹಿಂಸಾ ಪ್ರತಿಭಟನೆ ಮ‌ೂಲಕ ಪರಿವರ್ತನೆ ಸೃಷ್ಟಿಸಿದ ಮಹಾನ್ ವ್ಯಕ್ತಿಯ ಹುಟ್ಟುಹಬ್ಬದ ಆಚರಣೆಯಲ್ಲಿ ಭಾರತದ ಜನರ ಜತೆಗೂಡುವುದಾಗಿ ಒಬಾಮಾ ಹೇಳಿದರು.