ಅಫ್ಘಾನ್ ಪರಿಸ್ಥಿತಿ ಸುಧಾರಿಸಿದಲ್ಲಿ ಸೇನೆ ಹಿಂತೆಗೆತ:ಕ್ಲಿಂಟನ್
ವಾಷಿಂಗ್ಟನ್, ಸೋಮವಾರ, 7 ಡಿಸೆಂಬರ್ 2009( 12:02 IST )
ಅಫ್ಘಾನಿಸ್ತಾನದಲ್ಲಿ ಭಧ್ರತಾ ವ್ಯವಸ್ಥೆ ಸೇರಿದಂತೆ ಇತರ ವಿಷಯಗಳಲ್ಲಿ ಸುಧಾರಣೆಯಾದಲ್ಲಿ ಅಮೆರಿಕ ಸೇನಾಪಡೆಗಳು ವಾಪಸ್ ಅಮೆರಿಕೆಗೆ ಮರಳಲಿವೆ ಎಂದು ವಿದೇಶಾಂಗ ಕಾರ್ಯದರ್ಶಿ ಹಿಲೆರಿ ಕ್ಲಿಂಟನ್ ಹೇಳಿದ್ದಾರೆ.
ದೇಶದಲ್ಲಿನ ಸ್ಥಿತಿಗತಿಗಳ ಪರಿಶೀಲನೆಯ ನಂತರ ಅಫ್ಘಾನ್ ಸರಕಾರಕ್ಕೆ ಹೊಣೆಗಾರಿಕೆಯನ್ನು ನೀಡಿ ನಂತರ ಅಮೆರಿಕ ಸೇನಾಪಡೆಗಳು ತವರಿಗೆ ಮರಳಲಿವೆ ಎಂದು ಕ್ಲಿಂಟನ್ ಸ್ಪಷ್ಟಪಡಿಸಿದ್ದಾರೆ.
ಸಂಡೇ ಟಾಕ್ ಶೋನಲ್ಲಿ ಭಾಗವಹಿಸಿದ ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ರಾಬರ್ಟ್ ಗೇಟ್ಸ್ ಮತ್ತು ವಿದೇಶಾಂಗ ಕಾರ್ಯದರ್ಶಿ ಹಿಲೆರಿ ಕ್ಲಿಂಟನ್ ಜಂಟಿಯಾಗಿ ಭಾಗವಹಿಸಿ ಮಾತನಾಡಿ ಅಫ್ಘಾನಿಸ್ತಾನದಿಂದ ಸೇನಾಪಡೆಗಳನ್ನು ವಾಪಸ್ ಕರೆಸಿಕೊಳ್ಳುವ ಬಗ್ಗೆ ಯಾವುದೇ ಗಡುವು ವಿಧಿಸಲಾಗಿಲ್ಲ ಎಂದು ಹೇಳಿದ್ದಾರೆ.
ಅಫ್ಘಾನಿಸ್ತಾನದಲ್ಲಿ ಮುಂಬರುವ ಒಂದೆರಡು ವರ್ಷಗಳ ನಂತರ ಪರಿಸ್ಥಿತಿಯ ಅಧ್ಯಯನ ನಡೆಸಿ ನ್ಯಾಟೋ ಕಮಾಂಡರ್ಗಳು ನಿರ್ಧಾರ ತೆಗೆದುಕೊಳ್ಳಲಿದ್ದಾರೆ ಎಂದು ರಾಬರ್ಟ್ ಗೇಟ್ಸ್ ತಿಳಿಸಿದ್ದಾರೆ.