ಪಶ್ಛಿಮ ಇರಾಕ್ ನಗರದಲ್ಲಿ ಬುಧವಾರ ಸಂಭವಿಸಿದ ಅವಳಿ ಆತ್ಮಹತ್ಯಾ ಬಾಂಬರ್ ದಾಳಿಯಿಂದಾಗಿ ಪ್ರಾಂತ್ಯೀಯ ರಾಜ್ಯಪಾಲರೊಬ್ಬರು ಗಾಯಗೊಂಡಿದ್ದು, 10ಮಂದಿ ಸಾವನ್ನಪ್ಪಿರುವುದಾಗಿ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಬಾಗ್ದಾದ್ನಿಂದ 60ಕಿ.ಮೀ.ದೂರದಲ್ಲಿರುವ ನಗರವಾದ ರಾಮಾದಿಯಲ್ಲಿ ನಡೆದ ಅವಳಿ ಬಾಂಬರ್ ದಾಳಿಯಲ್ಲಿ ಹತ್ತಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿದ್ದು, 40ಮಂದಿ ಗಾಯಗೊಂಡಿದ್ದಾರೆ.
ಘಟನೆಯಲ್ಲಿ ಅನ್ಬಾರ್ ಪ್ರಾಂತೀಯ ಗವರ್ನರ್ ಆದ ಖಾಸೀಮ್ ಮೊಹಮ್ಮದ್ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದು, ಗಾಯಗೊಂಡ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಸಾವಿನ ಪ್ರಮಾಣ ಖಚಿತವಾಗಿ ತಿಳಿದುಬಂದಿಲ್ಲ ಎಂದಿರುವ ಅಧಿಕಾರಿಗಳು ತಿಳಿಸಿದ್ದಾರೆ.