ಪೋರ್ಟ್-ಒ-ಪ್ರಿನ್ಸ್ , ಗುರುವಾರ, 14 ಜನವರಿ 2010( 11:47 IST )
ಎರಡು ಶತಮಾನಗಳಲ್ಲಿ ಭೀಕರ ಎನ್ನಬಹುದಾದ ಭೂಕಂಪಕ್ಕೆ ಸುಮಾರು ಒಂದು ಲಕ್ಷ ಜನರು ಬಲಿಯಾಗಿರಬಹುದು ಎಂದು ಹೈಟಿಯ ಪ್ರಧಾನಿ ಆತಂಕ ವ್ಯಕ್ತಪಡಿಸಿದ್ದಾರೆ.
ಭೂಕಂಪದ ಹೊಡೆತಕ್ಕೆ ಶಾಲಾ ಕಾಲೇಜು, ಕಚೇರಿಗಳು ಮನೆಗಳು ಸಾವಿರಾರು ಸಂಖ್ಯೆಯಲ್ಲಿ ಕುಸಿದಿದ್ದರಿಂದ ಹಲವಾರು ಜನ ಕಟ್ಟಡದ ಅವಶೇಷದೊಳಗೆ ಸಿಲುಕಿರಬಹುದು ಎಂದು ಮೂಲಗಳು ತಿಳಿಸಿವೆ.
ಭೂಕಂಪದ ನಂತರ ಮೊದಲ ಬಾರಿಗೆ ಮಾಧ್ಯಮಗಳಿಗೆ ಸಂದರ್ಶನ ನೀಡಿದ ಪ್ರಧಾನಿ, 7.0 ರಿಯಾಕ್ಟರ್ ಮಾಪಕದಲ್ಲಿ ಸಂಭವಿಸಿದ ಭೂಕಂಪದಿಂದಾಗಿ ಹೈಟಿ ರಾಜಧಾನಿ ಪೋರ್ಟ್-ಒ-ಪ್ರಿನ್ಸ್ ಉಹೆಗೂ ಮೀರಿ ಸಂಪೂರ್ಣ ನಾಶವಾದಂತಾಗಿದೆ ಎಂದು ಕಂಬನಿ ಮಿಡಿದಿದ್ದಾರೆ.
ಸಂಸತ್ ಭವನ, ಸರಕಾರಿ ಕಚೇರಿಗಳು ಶಾಲಾ ಕಾಲೇಜು ಹಾಗೂ ಆಸ್ಪತ್ರೆ ಕಟ್ಟಡಗಳು ಸಂಪೂರ್ಣವಾಗಿ ಕುಸಿದಿವೆ. ಭೀಕರ ಭೂಕಂಪದಲ್ಲಿ ಸುಮಾರು ಒಂದು ಲಕ್ಷ ಜನ ಮೃತರಾಗಿರುವ ಶಂಕೆಯಿದೆ ಎಂದು ಪ್ರಧಾನಿ ತಿಳಿಸಿದ್ದಾರೆ