ಎಫ್-16 ಭಾರತದ ವಿರುದ್ಧ ಬಳಸಿದ್ರೆ ಜಾಗ್ರತೆ:ಪಾಕ್ಗೆ ಅಮೆರಿಕ
ಇಸ್ಲಾಮಾಬಾದ್, ಮಂಗಳವಾರ, 15 ಜೂನ್ 2010( 13:26 IST )
ಪಾಕಿಸ್ತಾನಕ್ಕೆ ಎಫ್-16 ಯುದ್ಧ ವಿಮಾನಗಳನ್ನು ಮಾರುವಾಗ ಅಮೆರಿಕ ಷರತ್ತು ವಿಧಿಸಿದ್ದು, ಭಾರತ ಮತ್ತು ಪಾಕಿಸ್ತಾನದ ನಡುವಿನ ಯಾವುದೇ ಜಗಳದಲ್ಲಿ ಇವುಗಳನ್ನು ಬಳಸಬಾರದಂತೆ ಕಟ್ಟಪ್ಪಣೆ ಮಾಡಿದೆ.
ಜೂನ್ ತಿಂಗಳಾಂತ್ಯದಲ್ಲಿ ಅಮೆರಿಕ ಪಾಕಿಸ್ತಾನಕ್ಕೆ 18 ಎಫ್-16 ಯುದ್ಧ ವಿಮಾನಗಳನ್ನು ಕಳುಹಿಸಲಿದೆ. ಇತ್ತೀಚೆಗೆ ಭಾರತ ಮತ್ತು ಅಮೆರಿಕ ದೇಶಗಳ ನಡುವೆ ನಡೆದ ದ್ವಿಪಕ್ಷೀಯ ಮಾತುಕತೆಯಲ್ಲಿ ಅಮೆರಿಕ ಪಾಕಿಸ್ತಾನಕ್ಕೆ ಯುದ್ಧ ವಿಮಾನಗಳನ್ನು ಮಾರುವ ಮೂಲಕ ಪಾಕಿಸ್ತಾನಕ್ಕೆ ಹೆಚ್ಚಿನ ರಕ್ಷಣಾ ಸಹಾಯ ನೀಡುತ್ತಿದೆ ಎಂದು ಆಕ್ಷೇಪಗಳು ಬಂದ ಹಿನ್ನೆಲೆಯಲ್ಲಿ ಈ ಷರತ್ತುಗಳನ್ನು ವಿಧಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಅಮೆರಿಕ ಅಧ್ಯಕ್ಷ ಭಾರತ ಪಾಕಿಸ್ತಾನಕ್ಕೆ ಮಾರುತ್ತಿರುವ ಯುದ್ಧ ವಿಮಾನಗಳಿಂದ ಯಾವುದೇ ದುರುಪಯೋಗ ಮಾಡಿಕೊಳ್ಳದಂತೆ ಪಾಕ್ಗೆ ತಾಕೀತು ಮಾಡಲಾಗುವುದು ಎಂದು ಭರವಸೆ ನೀಡಿದ್ದರು.
ಎಫ್-16 ವಿಮಾನಗಳು ಪಾಕಿಸ್ತಾನ ವಾಯು ನೆಲೆಯಲ್ಲಿ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂದು ಪರಿಶೀಲಿಸುವುದಲ್ಲದೇ, ತಾಲಿಬಾನ್ ಮತ್ತು ಅಲ್ ಖಾಯಿದಾ ವಿರುದ್ಧ ಹೇಗೆ ಬಳಸಲಾಗುವುದು ಎಂದು ಗಮನಿಸಲಾಗುವುದು ಎಂದು ಅಮೆರಿಕ ತಿಳಿಸಿದೆ.