ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ಅಂತಾರಾಷ್ಟ್ರೀಯ » 'ವಿಕಿಲೀಕ್ಸ್' ಅಸ್ಸಾಂಜೆ ಜೈಲು ಪಾಲಾಗುವುದು ಇಷ್ಟವಿಲ್ಲ: ತಾಯಿ (WikiLeaks | Interpol alert | Australia | Julian Assange)
Feedback
Print'ವಿಕಿಲೀಕ್ಸ್' ಅಸ್ಸಾಂಜೆ ಜೈಲು ಪಾಲಾಗುವುದು ಇಷ್ಟವಿಲ್ಲ: ತಾಯಿ 
ಸಿಡ್ನಿ, ಬುಧವಾರ, 1 ಡಿಸೆಂಬರ್ 2010( 16:07 IST )
PTI
ಸ್ವೀಡನ್‌ನಲ್ಲಿ ಲೈಂಗಿಕ ಕಿರುಕುಳ ನೀಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜೂಲಿಯನ್ ಅಸ್ಸಾಂಜೆಯನ್ನು ಬಂಧಿಸುವಂತೆ ಇಂಟರ್ಪೋಲ್ ಆದೇಶ ಹೊರಡಿಸಿದೆ. ಪ್ರಸಕ್ತ ವಾರದಲ್ಲಿ ಅಸ್ಸಾಂಜೆ ವಿಕಿಲೀಕ್ಸ್ ಮೂಲಕ 250,000 ದಾಖಲೆ ಹೊರಹಾಕಿದ ನಂತರ ಈ ಬೆಳವಣಿಗೆ ನಡೆದಿದೆ.
'ನನಗೆ ನನ್ನ ಮಗನ ಒಳಿತೆ ಮುಖ್ಯ ಎಂದು ಅಸ್ಸಾಂಜೆ ತಾಯಿ ಕ್ರಿಸ್ಟಿಯನ್ ಅಸ್ಸಾಂಜೆ ಎಬಿಸಿ ರೇಡಿಯೋ ಜತೆ ಮಾತನಾಡುತ್ತ ತಿಳಿಸಿದ್ದು, ಆತ ನನ್ನ ಮಗ, ನನಗೆ ಅವನೆಂದರೆ ತುಂಬಾ ಪ್ರೀತಿ. ಹಾಗಾಗಿ ಆತ ಸೆರೆಸಿಕ್ಕಿ ಜೈಲು ಸೇರುವುದನ್ನು ನಾನು ಬಯಸುವುದಿಲ್ಲ' ಎಂದು ಅಲವತ್ತುಕೊಂಡಿದ್ದಾರೆ.
ಜೂಲಿಯನ್ ಅಸ್ಸಾಂಜೆ ಬಂಧನದ ಕುರಿತಂತೆ ಅಮೆರಿಕ ಮತ್ತು ಆಸ್ಟ್ರೇಲಿಯ ಸರಕಾರದ ನಡುವೆ ಯಾವುದೇ ಚರ್ಚೆ ನಡೆದಿಲ್ಲ ಎಂದು ಅಮೆರಿಕ ರಾಯಭಾರಿ ಜೆಫ್ ಬ್ಲೈಚ್ ತಿಳಿಸಿದ್ದಾರೆ. ಈ ಬಗ್ಗೆ ಕಾನೂನು ಸಚಿವಾಲಯ ಮುಂದಿನ ಕ್ರಮ ಕೈಗೊಳ್ಳುತ್ತದೆ ಎಂದು ಕ್ಯಾನ್‌ಬೆರ್ರಾದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡುತ್ತ ಪ್ರತಿಕ್ರಿಯಿಸಿದ್ದಾರೆ.
ಸಂಬಂಧಿತ ಮಾಹಿತಿ ಹುಡುಕಿ