ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ಅಂತಾರಾಷ್ಟ್ರೀಯ » ಪಾಕ್:ರೈಲ್ವೆ ಎಂಜಿನ್ ಗುತ್ತಿಗೆ ಯತ್ನ-ಪ್ರಕರಣ ಕೋರ್ಟ್ಗೆ
(Pakistan Railways | Indian engines | Lahore High Court | Latest News in Kannada)
ಪಾಕ್:ರೈಲ್ವೆ ಎಂಜಿನ್ ಗುತ್ತಿಗೆ ಯತ್ನ-ಪ್ರಕರಣ ಕೋರ್ಟ್ಗೆ
ಲಾಹೋರ್, ಗುರುವಾರ, 15 ಸೆಪ್ಟೆಂಬರ್ 2011( 15:21 IST )
ಪಾಕಿಸ್ತಾನ ರೈಲ್ವೆ ಇಲಾಖೆಗೆ ಇಂಜಿನ್ಗಳ ಕೊರತೆ ಕಾಡುತ್ತಿರುವ ಹಿನ್ನೆಲೆಯಲ್ಲಿ ಭಾರತದ ರೈಲ್ವೆ ಇಲಾಖೆಯಿಂದ 50 ಎಂಜಿನ್ಗಳನ್ನು ಗುತ್ತಿಗೆ ಆಧಾರದ ಮೇಲೆ ಪಡೆಯಲು ಯತ್ನಿಸಿತ್ತು. ಆದರೆ ಇದನ್ನು ನ್ಯಾಯಾಲಯದಲ್ಲಿ ಪ್ರಶ್ನಿಸಿದ್ದರಿಂದಾಗಿ ಇದು ಕಾರ್ಯ ರೂಪಕ್ಕೆ ಬರುವುದು ಅಸಾಧ್ಯವಾಗಿದೆ.
ಪಾಕಿಸ್ತಾನ ರೈಲ್ವೆ ಇಲಾಖೆ ಭಾರತದಿಂದ 50 ಎಂಜಿನ್ಗಳನ್ನು ಗುತ್ತಿಗೆ ಆಧಾರದ ಮೇಲೆ ಪಡೆಯಲು ನಿರ್ಧರಿಸಿರುವುದನ್ನು ಲಾಹೋರ್ ಹೈಕೋರ್ಟ್ನಲ್ಲಿ ವಕೀಲ ಅನ್ಸರ್ ಜಸ್ಪಾಲ್ ಪ್ರಶ್ನಿಸಿದ್ದಾರೆ.
ರೈಸಾಲ್ಪುರ್ ಕಾರ್ಖಾನೆಯು ವಾರ್ಷಿಕವಾಗಿ 25 ರೈಲ್ವೆ ಎಂಜಿನ್ಗಳನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿರುವುದರಿಂದ ಭಾರತದಿಂದ ನೆರವು ಕೋರುವ ಬದಲು ನಮ್ಮ ಸ್ವಂತ ಸಂಪನ್ಮೂಲಗಳನ್ನು ಬಳಸಿಕೊಳ್ಳಬಹುದು ಎಂದು ಅರ್ಜಿಯಲ್ಲಿ ತಿಳಿಸಿದ್ದಾರೆ.
ಭಾರತದಿಂದ ರೈಲ್ವೆ ಇಂಜಿನ್ ಗುತ್ತಿಗೆ ಪಡೆಯುವುದಕ್ಕೆ ತಡೆಯೊಡ್ಡುವುದರೊಂದಿಗೆ ಪಾಕಿಸ್ತಾನದಲ್ಲಿರುವ ಸಂಪನ್ಮೂಲಗಳನ್ನೇ ಸದ್ಬಳಕೆ ಮಾಡಿಕೊಳ್ಳುವಂತೆ ಪಾಕಿಸ್ತಾನ ರೈಲ್ವೆ ಇಲಾಖೆಗೆ ನಿರ್ದೇಶನ ನೀಡುವಂತೆಯೂ ಅವರು ಅರ್ಜಿಯಲ್ಲಿ ಕೋರಿದ್ದಾರೆ.
ಇದರೊಂದಿಗೆ ಹಾಳಾಗಿರುವ 450 ರೈಲ್ವೆ ಎಂಜಿನ್ಗಳನ್ನು ದುರಸ್ತಿ ಮಾಡಿಸುವಂತೆಯೂ ರೈಲ್ವೆ ಇಲಾಖೆಗೆ ಆದೇಶ ನೀಡುವಂತೆಅರ್ಜಿದಾರರು ಕೋರಿದ್ದಾರೆ.