ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಆಂಧ್ರದಲ್ಲಿ ವೈಎಸ್ಆರ್‌ಗೆ ದೇಗುಲ, ಅಲ್ಲಲ್ಲಿ ಪ್ರತಿಮೆಗಳು!
(YSR | Rajashekhara Reddy | Andhra Pradesh | Congress)
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿಆಂಧ್ರದಲ್ಲಿ ವೈಎಸ್ಆರ್‌ಗೆ ದೇಗುಲ, ಅಲ್ಲಲ್ಲಿ ಪ್ರತಿಮೆಗಳು!
ಹೈದರಾಬಾದ್, ಬುಧವಾರ, 9 ಸೆಪ್ಟೆಂಬರ್ 2009( 13:51 IST )
PTI
ಉತ್ತರ ಪ್ರದೇಶದ ಮುಖ್ಯಮಂತ್ರಿ ಮಾಯಾವತಿ ಅವರು ಆ ರಾಜ್ಯದ ತೆರಿಗೆದಾರರ ಹಣದಲ್ಲಿ ತನ್ನದೂ ಸೇರಿದಂತೆ ಹಲವರ ಪ್ರತಿಮೆ ನಿರ್ಮಾಣ ಯೋಜನೆಗೆ ಸುಪ್ರೀಂಕೋರ್ಟಿನಿಂದ ಈಗಾಗಲೇ ಮುಖಭಂಗಕ್ಕೀಡಾಗಿರುವುದು ಇಲ್ಲಿ ಉಲ್ಲೇಖಾರ್ಹ.
ಈಗ ಹೈದರಾಬಾದ್ ಪ್ರವೇಶಿಸಿದರೆ, ಎಲ್ಲೆಲ್ಲೂ ವೈಎಸ್ಆರ್ ನಗುಮಖದಿಂದ ನಿಮ್ಮನ್ನು ಸ್ವಾಗತಿಸುತ್ತಾರೆ. ಇದೇನು ಇಷ್ಟು ಬೇಗ ಚುನಾವಣೆ ಬಂದಿತೇ? ಎಂದು ಅಲ್ಲಿ ನೋಡಿದವರಿಗೆ ಒಂದು ಬಾರಿ ಅಚ್ಚರಿಯಾಗಬಹುದು. ಇದು ಅಲ್ಲಿನ ಕಟೌಟ್, ಬ್ಯಾನರ್‌ಗಳ ಮಹಿಮೆ. ಅಷ್ಟು ಮಾತ್ರವಲ್ಲದೆ, ರಾಜ್ಯಾದ್ಯಂತ ವೈಎಸ್ಆರ್ ಪ್ರತಿಮೆಗಳನ್ನು ಅಲ್ಲಲ್ಲಿ ನಿರ್ಮಿಸಲು ಅಲ್ಲಿನ ಕಾಂಗ್ರೆಸಿಗರು ಪಣ ತೊಟ್ಟಿದ್ದಾರೆ. ಆಂಧ್ರದ ಕಾಂಗ್ರೆಸ್ ಸಂಸದ ಕನುಮೂರಿ ಬಾಪಿರಾಜು ಈಗಾಗಲೇ ಈ ಕುರಿತು ಹೇಳಿಕೆ ನೀಡಿದ್ದಾರೆ.
ಇದರೊಂದಿಗೆ, ಗುಂಟೂರಿನಲ್ಲಿ ವೈಎಸ್ಆರ್ ಅವರಿಗಾಗಿ ದೇವಾಲಯವೊಂದನ್ನೂ ಸ್ಥಾಪಿಸುವ ಯೋಜನೆ ಭರದ ಸಿದ್ಧತೆಗಳು ನಡೆಯುತ್ತಿದ್ದು, ದೇವಳಕ್ಕೆ ರಾಜಶೇಖರಾಲಯಂ ಎಂದು ಹೆಸರಿಸಲಾಗುತ್ತದೆ ಎಂದು ಮೂಲಗಳು ತಿಳಿಸಿವೆ. ಕಡಪ ಜಿಲ್ಲೆಗಂತೂ ಈಗಾಗಲೇ ರಾಜಶೇಖರ ರೆಡ್ಡಿ ಕಡಪ ಜಿಲ್ಲೆ ಎಂದು ಮರು ನಾಮಕರಣ ಮಾಡಲಾಗಿದೆ!
ವೈಎಸ್ಆರ್ ದುರಂತ ಸಾವಿಗೀಡಾದ ನಲ್ಲಮಾಲ ರಾಜೀವ್ ಗಾಂಧಿ ವ್ಯಾಘ್ರ ಅಭಯಾರಣ್ಯದಲ್ಲಿ ವೈಎಸ್ಆರ್ ಸ್ಮಾರಕ ನಿರ್ಮಿಸುವುದಾಗಿ ಈಗಾಗಲೇ ಅಲ್ಲಿನ ಕಾಂಗ್ರೆಸ್ ಸರಕಾರ ಘೋಷಿಸಿರುವುದಕ್ಕೆ ಈಗಾಗಲೇ ವಿರೋಧವೂ ವ್ಯಕ್ತವಾಗಿದೆ. ಅಲ್ಲಿ ಸ್ಮಾರಕ ನಿರ್ಮಿಸಿದರೆ, ಅಲ್ಲಿ ರಸ್ತೆ ನಿರ್ಮಾಣವಾಗುತ್ತದೆ, ಜನರ ಓಡಾಟ ಹೆಚ್ಚಾಗುತ್ತದೆ, ಇದರಿಂದ ಅಭಯಾರಣ್ಯದೊಳಗಿರುವ ಪ್ರಾಣಿ ಸಂಕುಲಕ್ಕೆ ಅಪಾಯವೂ ಎದುರಾಗುತ್ತದೆ ಎಂಬ ಕಾರಣಕ್ಕೆ ಈ ವಿರೋಧ.
ವೈಎಸ್ಆರ್ ಅಭಿಮಾನಿ ಕಾಂಗ್ರಿಸಿಗರು ಮತ್ತಷ್ಟು ಮುಂದೆ ಹೋಗಿದ್ದಾರೆ. ಸ್ಥಳೀಯಾಡಳಿತ ಸಮಿತಿಗಳು, ಮಾರುಕಟ್ಟೆ ಸಮಿತಿಗಳು, ಪಾರ್ಕುಗಳು, ರಸ್ತೆಗಳಿಗೆಲ್ಲಾ ವೈಎಸ್ಆರ್ ಹೆಸರಿಡುವ ಬಗ್ಗೆ ಕಾಂಗ್ರೆಸ್ ಮುಖಂಡರು ನಿರ್ಧರಿಸಿದ್ದಾರೆ. ಇದಲ್ಲದೆ, ಆಂಧ್ರದಲ್ಲಿ ಈಗ ಯಶಸ್ವಿಯಾಗಿರುವ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಯೋಜನೆ (ಎನ್ಆರ್ಇಜಿಎ)ಗೆ ರಾಜಶೇಖರ ರೆಡ್ಡಿ ಹೆಸರಿಡಬೇಕು ಎಂದು ರಾಜ್ಯ ಕಾಂಗ್ರೆಸ್ ಒತ್ತಾಯಿಸಿದೆ.
• Play Free Online Games Click Here
• Blogs, Videos and More Click Here
• Send Musical and Animated Cards Click Here
• Simple,Fast & Free Email Service Click Here
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ವೈಎಸ್ಆರ್, ರಾಜಶೇಖರ ರೆಡ್ಡಿ, ಆಂಧ್ರ ಪ್ರದೇಶ, ಕಾಂಗ್ರೆಸ್, ಸ್ಮಾರಕ, YSR, Rajashekhara Reddy, Andhra Pradesh, Congress