ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಚಂದ್ರಯಾನವೊಂದು ಅದ್ಭುತ ಯಶಸ್ಸು: ಯುರೋಪ್ ವಿಜ್ಞಾನಿ (Moon | Chandrayaan | Scientist | ISRO)
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿಚಂದ್ರಯಾನವೊಂದು ಅದ್ಭುತ ಯಶಸ್ಸು: ಯುರೋಪ್ ವಿಜ್ಞಾನಿ 
ಬೆಂಗಳೂರು, ಭಾನುವಾರ, 13 ಸೆಪ್ಟೆಂಬರ್ 2009( 15:12 IST )
WD
ಚಂದ್ರಯಾನದ ಬದುಕು ಅಲ್ಪಾವಧಿಗೆ ಇಳಿದಿದ್ದರೂ ಇಸ್ರೋದ ಚಂದ್ರಯಾನ-1 ಒಂದು ಅದ್ಭುತವಾದ ಯಶಸ್ಸು ಎಂಬುದಾಗಿ ಯುರೋಪಿನ ಚಂದ್ರಯಾನ-1ರ ವಿಜ್ಞಾನಿ ಡೆಟ್‌ಲೆಫ್ ಕೋಶ್ಚಿನಿ ಅವರು ಇ-ಮೇಲ್ ಸಂದರ್ಶನ ಒಂದರಲ್ಲಿ ಹೇಳಿದ್ದಾರೆ. ಚಂದ್ರಯಾನವು ಯುರೋಪ್ ಬಾಹ್ಯಾಕಾಶ ಸಂಸ್ಥೆಯ ಮೂರು ವೈಜ್ಞಾನಿಕ ಪೇಲೋಡ್‌ಗಳನ್ನು ಹೊತ್ತೊಯ್ದಿತ್ತು.
ತಮಗೆ ಲಭಿಸಿದ ಫಲಿತಾಂಶದಿಂದ ಯುರೋಪಿನ ಎಲ್ಲಾ ತಂಡಗಳು ಅತ್ಯಂತ ಸಂಭ್ರಮಗೊಂಡಿರುವುದಾಗಿ ಅವರು ಹೇಳಿದ್ದಾರೆ. "ಇಸ್ರೋವನ್ನು ತೆಗಳುವುದನ್ನು ಭಾರತೀಯ ವಿಜ್ಞಾನಿಗಳು ನಿಲ್ಲಿಸಬೇಕು. ಬದಲಿಗೆ, ನಿಮ್ಮ ಬಾಹ್ಯಾಕಾಶ ಸಂಸ್ಥೆಯು ಮಾಡಿರುವ ಅದ್ಭುತ ಯಶಸ್ಸುಗಳನ್ನು ಸ್ವೀಕರಿಸುವ ಕೆಲಸ ಮಾಡಬೇಕು" ಎಂಬುದಾಗಿ ಅವರು ಹಲವು ಸಾಧನೆಗಳ ಪಟ್ಟಿ ಮಾಡಿದ್ದಾರೆ.
"ನೀವು ಚಂದ್ರನ ಬಳಿಗೆ ಆಕಾಶನೌಕೆಯನ್ನು ಕಳುಹಿಸಿದ್ದು, ಇದು ಅತ್ಯಂತ ಕೆಳಕಕ್ಷೆಯನ್ನು ಪ್ರವೇಶಿಸಿದೆ. ಇದೊಂದು ಅತ್ಯಂತ ಸವಾಲಿನ ಕಾರ್ಯವಾಗಿದ್ದು, ಬಹು ದೊಡ್ಡ ಯಶಸ್ಸು ಎಂಬುದಾಗಿ ಅವರು ಸುದ್ದಿಸಂಸ್ಥೆಯೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಹೇಳಿದ್ದಾರೆ.
ಎರಡನೆಯದಾಗಿ, ವೈಜ್ಞಾನಿಕ ಉಪಕರಣಗಳು ಯಾವುದೇ ತಡೆಯಿಲ್ಲದ ಕಾರ್ಯ ಎಸಗಿವೆ. ನಾಲ್ಕು ಲಕ್ಷ ಕಿಲೋಮೀಟರ್ ದೂರದಿಂದ ಮಾಹಿತಿ ಬಂದಿದ್ದು ಇವುಗಳನ್ನು ಚಿತ್ರಗಳ ಮೂಲಕ ಹಾಗೂ ಪರಮಾಣು ಲೆಕ್ಕಾಚಾರದ ಮೂಲಕ ಒಟ್ಟು ಮಾಡಲಾಗಿದೆ.
ಅಂತಹ ವಾತಾವರಣದಲ್ಲಿ ಬಾಹ್ಯಾಕಾಶ ನೌಕೆಯೊಂದು ಅಷ್ಟು ಸುದೀರ್ಘ ಕಾಲ ಉಳಿಯುವುದು ತಮಾಷೆಯ ಮಾತಲ್ಲ. ಇದಕ್ಕಾಗಿ ನೀವು ಇಸ್ರೋವನ್ನು ಶ್ಲಾಘಿಸಬೇಕು ಎಂಬುದಾಗಿ ವಿಜ್ಞಾನಿ ಹೇಳಿದ್ದಾರೆ.
ಕಾಮೆಂಟ್ ಮಾಡುವ ಮೊದಲು ಇಲ್ಲಿ ಓದಿ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಚಂದ್ರಯಾನ, ಇಸ್ರೋ, ಯುರೋಪ್ ವಿಜ್ಞಾನಿ, ಯುರೋಪ್ ಬಾಹ್ಯಾಕಾಶ ಸಂಸ್ಥೆ, ಭಾರತೀಯ ಮಾಧ್ಯಮ, Moon, Chandrayaan, Scientist, ISRO