ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಅಯೋಧ್ಯೆ: ಮಾತು ತಪ್ಪಿದ ಬಿಜೆಪಿ; ಪೂರ್ವಯೋಜಿತ - ಚಿದು (Ayodhya | Ram Mandir | Babri Masjid | Liberhan Commission Report | Chidambaram)
Feedback
Printಅಯೋಧ್ಯೆ: ಮಾತು ತಪ್ಪಿದ ಬಿಜೆಪಿ; ಪೂರ್ವಯೋಜಿತ - ಚಿದು 
ನವದೆಹಲಿ, ಮಂಗಳವಾರ, 8 ಡಿಸೆಂಬರ್ 2009( 20:16 IST )
PTI
ಪೂರ್ವ ಯೋಜಿತ: ಸದನದ ವೇದಿಕೆಯ ಮುಂಭಾಗದಲ್ಲಿ ಧರಣಿ ಕುಳಿತ ಪ್ರತಿಪಕ್ಷಗಳ 'ಜೈಜೈ ಅಟಲ್‌ಜೀ' ಗದ್ದಲದ ಘೋಷಣೆಗಳ ನಡುವೆಯೇ ಮಾತು ಮುಂದುವರಿಸಿದ ಚಿದಂಬರಂ, ಉತ್ತರ ಪ್ರದೇಶದ ಬಿಜೆಪಿ ಸರಕಾರವನ್ನು ನಂಬಿ ನರಸಿಂಹ ರಾವ್ ಸರಕಾರವು ದೊಡ್ಡ ತಪ್ಪೆಸಗಿತು ಮತ್ತು ಅದಕ್ಕೆ ಸೂಕ್ತ ಪ್ರತಿಫಲವನ್ನೂ ಪಡೆಯಿತು. ಈ ಕಟ್ಟಡವನ್ನು ರಕ್ಷಿಸುವುದಾಗಿ (ಅಂದಿನ ಉ.ಪ್ರ. ಮುಖ್ಯಮಂತ್ರಿ) ಕಲ್ಯಾಣ್ ಸಿಂಗ್ ಸುಪ್ರೀಂ ಕೋರ್ಟಿಗೆ ಸುಳ್ಳು ಹೇಳಿದರು ಎಂದರಲ್ಲದೆ, ಸಂಘ ಪರಿವಾರವು ಪೂರ್ವಯೋಜಿತವಾಗಿಯೇ ಈ ಬಾಬರಿ ಮಸೀದಿ ಧ್ವಂಸ ಕಾರ್ಯವನ್ನು ರೂಪಿಸಿತ್ತು ಎಂದರು. ಅಲ್ಲದೆ, ಬಾಬರಿ ಮಸೀದಿ ರಕ್ಷಣೆ ಕಾರ್ಯವು ಸಂಪೂರ್ಣವಾಗಿ ಅಂದಿನ ಕಲ್ಯಾಣ್ ಸಿಂಗ್ ಸರಕಾರದ ಹೊಣೆಯಾಗಿತ್ತು ಎಂದೂ ಹೇಳಿದರು.
ಆಡ್ವಾಣಿಗೆ ಎಲ್ಲ ಗೊತ್ತಿತ್ತು: ಆಡ್ವಾಣಿ ಹೇಳಿದಂತೆ ಇದು ಆ ಕ್ಷಣದ ಪ್ರತಿಕ್ರಿಯೆ ಆಗಿರಲಿಲ್ಲ. ಕರ ಸೇವಕರು 1992ರ ಡಿಸೆಂಬರ್ 6ರಂದು ಸಕಲ ರೀತಿಯಲ್ಲಿ ಸಜ್ಜಾಗಿಯೇ ಬಂದಿದ್ದರು. ಅಂದು ಏನು ನಡೆಯುತ್ತಿದೆ ಎಂಬ ಮಾಹಿತಿ ಎಲ್ಲವೂ ಆಡ್ವಾಣಿಗೆ ತಿಳಿದಿತ್ತು ಎಂದು ಹೇಳಿದ ಚಿದಂಬರಂ, 1992ರ ಡಿಸೆಂಬರ್ 6ರ ಅಪರಾಹ್ನ 12.15ಕ್ಕೆ ಸರಿಯಾಗಿ ಧ್ವಂಸ ಕಾರ್ಯ ಆರಂಭವಾಯಿತು. ಕರೆ ಸೇವಕರು ಗುಮ್ಮಟದ ಮೇಲಿನಿಂದ ರಂಧ್ರ ಕೊರೆದು ಹಗ್ಗ ಕಟ್ಟಿ ಒಳಗಿನಿಂದಲೇ ಗೋಪುರವನ್ನು ಬೀಳಿಸಿದರು ಎಂದು ನುಡಿದರು.
ಸುಮಾರು ಒಂದು ಗಂಟೆ ಕಾಲ ಪ್ರತಿಪಕ್ಷಗಳ ಘೋಷಣೆಯ ನಡುವೆಯೇ ಚಿದಂಬರಂ ಅವರು ಸದನದಲ್ಲಿ ಮಾತು ಮುಂದುವರಿಸಿದರು.
ಆಡ್ವಾಣಿ ಮುಸ್ಲಿಮರಿಗೆ ಹೆದರಿ ಓಡಿ ಬಂದವರು ಕ್ಲಿಕ್ ಮಾಡಿ.
ತಿರುಚಿದ ವರದಿ ವಜಾ ಮಾಡಲು ಬಿಜೆಪಿ ಆಗ್ರಹ ಕ್ಲಿಕ್ ಮಾಡಿ
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಅಯೋಧ್ಯೆ, ಬಾಬರಿ ಮಸೀದಿ, ರಾಮ ಮಂದಿರ, ಕರಸೇವಕ, ಕಾಂಗ್ರೆಸ್, ಲಿಬರ್ಹಾನ್ ಆಯೋಗ, ಬಿಜೆಪಿ, ಲೋಕಸಭೆ, ಚಿದಂಬರಂ