ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಭಾರತೀಯ ಜಿಹಾದಿಗಳಿಗೆ ತರಬೇತಿ ಕೊಡುತ್ತಿದೆ ಪಾಕಿಸ್ತಾನ
(Pakistan | intelligence agency | ISI | Indian jihadis)
Feedback
Printಭಾರತೀಯ ಜಿಹಾದಿಗಳಿಗೆ ತರಬೇತಿ ಕೊಡುತ್ತಿದೆ ಪಾಕಿಸ್ತಾನ
ನವದೆಹಲಿ, ಸೋಮವಾರ, 1 ಫೆಬ್ರವರಿ 2010( 11:30 IST )
ಭಾರತದಲ್ಲಿ ಭಯೋತ್ಪಾದನಾ ಕೃತ್ಯಗಳನ್ನು ನಡೆಸಲು ಯೋಜಿಸುತ್ತಿರುವ ಪಾಕಿಸ್ತಾನವು, ಭಾರತೀಯ ಜಿಹಾದಿಗಳಿಗೆ ಕರಾಚಿಯಲ್ಲಿ ತನ್ನ ಗುಪ್ತಚರ ಸಂಸ್ಥೆ ಐಎಸ್ಐ ಮೂಲಕ ತರಬೇತಿ ನೀಡುತ್ತಿದೆ ಎಂದು ವರದಿಗಳು ಹೇಳಿವೆ.
ಡೇವಿಡ್ ಕೋಲ್ಮನ್ ಹೆಡ್ಲಿ ಮತ್ತು ಮೊಹಮ್ಮದ್ ಅಹ್ಮದ್ ಖ್ವಾಜಾ ಈ ವಿಧ್ವಂಸಕ ಕೃತ್ಯಗಳ ಯೋಜನೆಯನ್ನು ಪೊಲೀಸರಲ್ಲಿ ಬಾಯ್ಬಿಟ್ಟಿದ್ದಾರೆ ಎಂದು ಹೇಳಲಾಗಿದೆ.
ಹೆಡ್ಲಿಯನ್ನು ಕಳೆದ ವರ್ಷ ಅಮೆರಿಕಾದ ಎಫ್‌ಬಿಐ ಚಿಕಾಗೋದಲ್ಲಿ ಬಂಧಿಸಿತ್ತು. ಆತ 2008ರ ಮುಂಬೈ ದಾಳಿಗಾಗಿ ಪಾಕಿಸ್ತಾನ ಮೂಲದ ಲಷ್ಕರ್ ಇ ತೋಯ್ಬಾ ಉಗ್ರ ಸಂಘಟನೆಯ ಪರವಾಗಿ ಕೆಲಸ ಮಾಡಿದ್ದ ಹಾಗೂ ಮುಂಬೈ ಮತ್ತು ಇನ್ನಿತರ ಭಾರತೀಯ ನಗರಗಳಲ್ಲಿ ಸ್ಫೋಟ ನಡೆಸಲು ಯೋಜನೆಗಳನ್ನು ರೂಪಿಸಿದ್ದ ಎಂದು ಆರೋಪಿಸಲಾಗಿದೆ.
ಬಾಂಗ್ಲಾದೇಶ ಮೂಲಕ ಹರ್ಕತ್ ಉಲ್ ಜಿಹಾದ್ ಇ ಇಸ್ಲಾಮಿ (ಹುಜಿ) ಸಂಘಟನೆಯ ಸದಸ್ಯ ಹಾಗೂ ದಕ್ಷಿಣ ಭಾರತ ಕಮಾಂಡರ್ ಎಂದು ಹೇಳಲಾಗಿರುವ ಖ್ವಾಜಾನನ್ನು ಇದೇ ವರ್ಷದ ಜನವರಿ 18ರಂದು ಹೈದರಾಬಾದ್ ಪೊಲೀಸರು ಚೆನ್ನೈಯಲ್ಲಿ ಬಂಧಿಸಿದ್ದರು. ಪ್ರಸಕ್ತ ಆತ ಆಂಧ್ರಪ್ರದೇಶ ಪೊಲೀಸರ ವಶದಲ್ಲಿದ್ದಾನೆ.
ಭಾರತದಲ್ಲಿ ನಡೆಸುವ ಈ ವಿಧ್ವಂಸಕ ಕೃತ್ಯಕ್ಕೆ 'ಕರಾಚಿ ಪ್ರೊಜೆಕ್ಟ್' ಎಂದು ಹೆಸರಿಡಲಾಗಿದೆ ಎಂದು ಹೆಡ್ಲಿ ಎಫ್‌ಬಿಐ ಅಧಿಕಾರಿಗಳಲ್ಲಿ ಬಹಿರಂಗಪಡಿಸಿದ್ದಾನೆ. ಭಾರತದೊಂದಿಗೆ ನಿರಂತರ ಮಾಹಿತಿಗಳನ್ನು ಹಂಚಿಕೊಳ್ಳುತ್ತಿರುವ ಎಫ್‌ಬಿಐ ಈ ವಿವರಗಳನ್ನು ನವದೆಹಲಿಗೆ ಹಸ್ತಾಂತರಿಸಿದೆ.
ಆತನ ಪ್ರಕಾರ ಭಾರತೀಯ ಪ್ರಜೆಗಳಿಗೆ ಸತತವಾಗಿ ಐಎಸ್ಐ ಮತ್ತು ಲಷ್ಕರ್ ಇ ತೋಯ್ಬಾಗಳು ಭಾರೀ ಮಟ್ಟದಲ್ಲಿ ವಿಧ್ವಂಸಕ ಕೃತ್ಯಗಳನ್ನು ನಡೆಸಲು ತರಬೇತಿ ನೀಡುತ್ತಿವೆ. ಒಂದು ಬಾರಿ ತರಬೇತಿ ಮುಗಿದ ನಂತರ ತಮಗೆ ಒಪ್ಪಿಸಲಾಗುವ ಭಯೋತ್ಪಾದನಾ ಕೃತ್ಯಗಳನ್ನು ನಡೆಸಲು ಈ ಭಾರತೀಯ ಜಿಹಾದಿಗಳನ್ನು ಭಾರತಕ್ಕೆ ಮರಳಿ ಕಳುಹಿಸಲಾಗುತ್ತದೆ ಎಂದು ಹೆಡ್ಲಿ ತಿಳಿಸಿದ್ದಾನೆಂದು ಮೂಲಗಳು ಹೇಳಿವೆ.
ಸೌದಿ ಅರೇಬಿಯಾದಿಂದ ಪಾಕಿಸ್ತಾನದ ಪಾಸ್‌ಪೋರ್ಟ್ ಮೂಲಕ ಭಾರತಕ್ಕೆ ಮರಳಿದ್ದ ಖ್ವಾಜಾ ಕೂಡ ಐಎಸ್ಐ ಮತ್ತು ಲಷ್ಕರ್ ಇ ತೋಯ್ಬಾದ ಜಂಟಿ ಯೋಜನೆ 'ಕರಾಚಿ ಪ್ರೊಜೆಕ್ಟ್' ಬಗ್ಗೆ ಮಾಹಿತಿ ನೀಡಿದ್ದಾನೆ.
ಭಾರತದ ಉಗ್ರನೇ ಆಗಿರುವ ಖ್ವಾಜಾ ಪ್ರಕಾರ, ಕರಾಚಿಯಲ್ಲಿ ಭಾರೀ ಮಟ್ಟದಲ್ಲಿ ಭಾರತೀಯರಿಗೆ ಜಿಹಾದಿ ತರಬೇತಿ ನೀಡಲಾಗುತ್ತಿದೆ ಮತ್ತು ಅವರು ಉತ್ಕಷ್ಟ ಗುಣಮಟ್ಟವನ್ನು ಹೊಂದಿದ್ದಾರೆ.
ಡೇವಿಡ್ ಕೋಲ್ಮನ್ ಹೆಡ್ಲಿ ಮತ್ತು ಮೊಹಮ್ಮದ್ ಅಹ್ಮದ್ ಖ್ವಾಜಾ ಈ ವಿಧ್ವಂಸಕ ಕೃತ್ಯಗಳ ಯೋಜನೆಯನ್ನು ಪೊಲೀಸರಲ್ಲಿ ಬಾಯ್ಬಿಟ್ಟಿದ್ದಾರೆ ಎಂದು ಹೇಳಲಾಗಿದೆ.
ಹೆಡ್ಲಿಯನ್ನು ಕಳೆದ ವರ್ಷ ಅಮೆರಿಕಾದ ಎಫ್‌ಬಿಐ ಚಿಕಾಗೋದಲ್ಲಿ ಬಂಧಿಸಿತ್ತು. ಆತ 2008ರ ಮುಂಬೈ ದಾಳಿಗಾಗಿ ಪಾಕಿಸ್ತಾನ ಮೂಲದ ಲಷ್ಕರ್ ಇ ತೋಯ್ಬಾ ಉಗ್ರ ಸಂಘಟನೆಯ ಪರವಾಗಿ ಕೆಲಸ ಮಾಡಿದ್ದ ಹಾಗೂ ಮುಂಬೈ ಮತ್ತು ಇನ್ನಿತರ ಭಾರತೀಯ ನಗರಗಳಲ್ಲಿ ಸ್ಫೋಟ ನಡೆಸಲು ಯೋಜನೆಗಳನ್ನು ರೂಪಿಸಿದ್ದ ಎಂದು ಆರೋಪಿಸಲಾಗಿದೆ.
ಬಾಂಗ್ಲಾದೇಶ ಮೂಲಕ ಹರ್ಕತ್ ಉಲ್ ಜಿಹಾದ್ ಇ ಇಸ್ಲಾಮಿ (ಹುಜಿ) ಸಂಘಟನೆಯ ಸದಸ್ಯ ಹಾಗೂ ದಕ್ಷಿಣ ಭಾರತ ಕಮಾಂಡರ್ ಎಂದು ಹೇಳಲಾಗಿರುವ ಖ್ವಾಜಾನನ್ನು ಇದೇ ವರ್ಷದ ಜನವರಿ 18ರಂದು ಹೈದರಾಬಾದ್ ಪೊಲೀಸರು ಚೆನ್ನೈಯಲ್ಲಿ ಬಂಧಿಸಿದ್ದರು. ಪ್ರಸಕ್ತ ಆತ ಆಂಧ್ರಪ್ರದೇಶ ಪೊಲೀಸರ ವಶದಲ್ಲಿದ್ದಾನೆ.
ಭಾರತದಲ್ಲಿ ನಡೆಸುವ ಈ ವಿಧ್ವಂಸಕ ಕೃತ್ಯಕ್ಕೆ 'ಕರಾಚಿ ಪ್ರೊಜೆಕ್ಟ್' ಎಂದು ಹೆಸರಿಡಲಾಗಿದೆ ಎಂದು ಹೆಡ್ಲಿ ಎಫ್‌ಬಿಐ ಅಧಿಕಾರಿಗಳಲ್ಲಿ ಬಹಿರಂಗಪಡಿಸಿದ್ದಾನೆ. ಭಾರತದೊಂದಿಗೆ ನಿರಂತರ ಮಾಹಿತಿಗಳನ್ನು ಹಂಚಿಕೊಳ್ಳುತ್ತಿರುವ ಎಫ್‌ಬಿಐ ಈ ವಿವರಗಳನ್ನು ನವದೆಹಲಿಗೆ ಹಸ್ತಾಂತರಿಸಿದೆ.
ಆತನ ಪ್ರಕಾರ ಭಾರತೀಯ ಪ್ರಜೆಗಳಿಗೆ ಸತತವಾಗಿ ಐಎಸ್ಐ ಮತ್ತು ಲಷ್ಕರ್ ಇ ತೋಯ್ಬಾಗಳು ಭಾರೀ ಮಟ್ಟದಲ್ಲಿ ವಿಧ್ವಂಸಕ ಕೃತ್ಯಗಳನ್ನು ನಡೆಸಲು ತರಬೇತಿ ನೀಡುತ್ತಿವೆ. ಒಂದು ಬಾರಿ ತರಬೇತಿ ಮುಗಿದ ನಂತರ ತಮಗೆ ಒಪ್ಪಿಸಲಾಗುವ ಭಯೋತ್ಪಾದನಾ ಕೃತ್ಯಗಳನ್ನು ನಡೆಸಲು ಈ ಭಾರತೀಯ ಜಿಹಾದಿಗಳನ್ನು ಭಾರತಕ್ಕೆ ಮರಳಿ ಕಳುಹಿಸಲಾಗುತ್ತದೆ ಎಂದು ಹೆಡ್ಲಿ ತಿಳಿಸಿದ್ದಾನೆಂದು ಮೂಲಗಳು ಹೇಳಿವೆ.
ಸೌದಿ ಅರೇಬಿಯಾದಿಂದ ಪಾಕಿಸ್ತಾನದ ಪಾಸ್‌ಪೋರ್ಟ್ ಮೂಲಕ ಭಾರತಕ್ಕೆ ಮರಳಿದ್ದ ಖ್ವಾಜಾ ಕೂಡ ಐಎಸ್ಐ ಮತ್ತು ಲಷ್ಕರ್ ಇ ತೋಯ್ಬಾದ ಜಂಟಿ ಯೋಜನೆ 'ಕರಾಚಿ ಪ್ರೊಜೆಕ್ಟ್' ಬಗ್ಗೆ ಮಾಹಿತಿ ನೀಡಿದ್ದಾನೆ.
ಭಾರತದ ಉಗ್ರನೇ ಆಗಿರುವ ಖ್ವಾಜಾ ಪ್ರಕಾರ, ಕರಾಚಿಯಲ್ಲಿ ಭಾರೀ ಮಟ್ಟದಲ್ಲಿ ಭಾರತೀಯರಿಗೆ ಜಿಹಾದಿ ತರಬೇತಿ ನೀಡಲಾಗುತ್ತಿದೆ ಮತ್ತು ಅವರು ಉತ್ಕಷ್ಟ ಗುಣಮಟ್ಟವನ್ನು ಹೊಂದಿದ್ದಾರೆ.
ಸಂಬಂಧಿತ ಮಾಹಿತಿ ಹುಡುಕಿ