ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಮಹಿಳಾ ಮೀಸಲಾತಿ ಮಸೂದೆಗೆ ಜಯ ದೊರೆಯುವುದೇ? (Women's Reservation Bill | UPA | Lalu Prasad | BJP)
Feedback
Printಮಹಿಳಾ ಮೀಸಲಾತಿ ಮಸೂದೆಗೆ ಜಯ ದೊರೆಯುವುದೇ? 
ಯುಪಿಎ ಸರ್ಕಾರದ ಐತಿಹಾಸಿಕ ಹೆಜ್ಜೆ...
ನವದೆಹಲಿ, ಸೋಮವಾರ, 8 ಮಾರ್ಚ್ 2010( 12:12 IST )
PTI
ಇಂದು ರಾಜ್ಯ ಸಭೆಯಲ್ಲಿ ಕೇಂದ್ರ ಕಾನೂನು ಸಚಿವ ಎಂ.ವೀರಪ್ಪ ಮೊಯ್ಲಿ ಮಹಿಳಾ ಮೀಸಲಾತಿ ಮಸೂದೆಯನ್ನು ಮಂಡಿಸಲಿದ್ದಾರೆ. ಆ ನಿಟ್ಟಿನಲ್ಲಿ ಸಂಸತ್‌ನ ಉಭಯ ಸದನಗಳಲ್ಲಿ ನಂಬರ್ ಗೇಮ್ ಮುಖ್ಯವಾಗಿದೆ. ಆ ನಿಟ್ಟಿನಲ್ಲಿಯೂ ಯುಪಿಎಗೆ ಬಹುತೇಕ ಬೆಂಬಲ ವ್ಯಕ್ತವಾಗಿರುವ ಹಿನ್ನೆಲೆಯಲ್ಲಿ ಸುಮಾರು 13ವರ್ಷಗಳಿಂದ ಜಾರಿಯಾಗದೆ ವಿವಾದಕ್ಕೆ ಎಡೆಮಾಡಿಕೊಟ್ಟಿರುವ ಮಸೂದೆ ಜಾರಿಯಾಗುವುದು ನಿಶ್ಚಿತವಾಗಿದೆ.
ಬಿಜೆಪಿ-ಎಡಪಕ್ಷ ಸಾಥ್: ಮಹಿಳಾ ಮೀಸಲಾತಿ ಮಸೂದೆಗೆ ಭಾರತೀಯ ಜನತಾ ಪಕ್ಷ ಹಾಗೂ ಎಡಪಕ್ಷಗಳು ಪೂರ್ಣ ಬೆಂಬಲ ಘೋಷಿಸಿವೆ. ಅಲ್ಲದೇ ಮೀಸಲಾತಿ ಪರ ಮತ ಚಲಾಯಿಸುವಂತೆ ಬಿಜೆಪಿ ಈಗಾಗಲೇ ಸದಸ್ಯರಿಗೆ ವಿಪ್ ಜಾರಿ ಮಾಡಿದೆ.
ದೇವೇಗೌಡರ ಕಾಲದಲ್ಲಿ ಮಂಡನೆ: ಮಹಿಳೆಯರಿಗೆ ಲೋಕಸಭೆ ಹಾಗೂ ರಾಜ್ಯ ವಿಧಾನಸಭೆಯಲ್ಲಿ ಶೇ.33ರಷ್ಟು ಮೀಸಲಾತಿ ನೀಡಬೇಕೆಂಬ ಮಹತ್ವದ ನಿರ್ಧಾರದೊಂದಿಗೆ ಎಚ್.ಡಿ.ದೇವೇಗೌಡರು ಪ್ರಧಾನಿಯಾಗಿದ್ದ ಕಾಲದಲ್ಲಿ 1996 ಸೆಪ್ಪೆಂಬರ್ 12ರಂದು ಮೊದಲ ಬಾರಿಗೆ ಸಂಸತ್‌ನ ಮುಂದೆ ಬಂದಿತ್ತು. ಆದರೆ ಆ ಸಂದರ್ಭದಲ್ಲಿಯೇ ಕಾಂಗ್ರೆಸ್ ಮತ್ತು ಬಿಜೆಪಿ ತೀವ್ರ ವಿರೋಧ ವ್ಯಕ್ತಪಡಿಸಿದ್ದ ಪರಿಣಾಮ ಮಸೂದೆ ಜಾರಿಗೆ ಹಿನ್ನಡೆಯಾಗಿತ್ತು.
ಬಳಿಕ ಮತ್ತೆ 1998-99ರಲ್ಲಿ ವಾಜಪೇಯಿ ನೇತೃತ್ವದ ಸರ್ಕಾರ ಅಸ್ತಿತ್ವದಲ್ಲಿದ್ದಾಗ ಮಹಿಳಾ ಮೀಸಲಾತಿ ಮಸೂದೆ ಜಾರಿಗೆ ಒಮ್ಮತದ ಬೆಂಬಲ ಸಿಗದೆ ಉಳಿದಿತ್ತು. ಇದೀಗ 2010ರಲ್ಲಿ ಯುಪಿಎ ನೇತೃತ್ವದ ಸರ್ಕಾರ ಮಹಿಳಾ ಮೀಸಲಾತಿ ಮಸೂದೆ ಜಾರಿಗೆ ಮುಂದಾಗಿದೆ.
ಮಸೂದೆ ಮಂಡನೆಗೆ ನಂಬರ್ ಗೇಮ್ ಎಷ್ಟು?: 233 ಸದಸ್ಯ ಬಲ ಹೊಂದಿರುವ ರಾಜ್ಯ ಸಭೆಯಲ್ಲಿ ಮಹಿಳಾ ಮೀಸಲಾತಿ ಮಸೂದೆಗೆ 155 ಸದಸ್ಯರು ಬೆಂಬಲ ಬೇಕಾಗಿದ್ದು, ಒಟ್ಟು 164ಸದಸ್ಯರು ಬೆಂಬಲ ಸೂಚಿಸಿದ್ದಾರೆ.
ಕಾಂಗ್ರೆಸ್- 71
ಬಿಜೆಪಿ- 45
ಎಡಪಕ್ಷ- 22
ಇನ್ನಿತರ- 26
ಮಸೂದೆಗೆ ವಿರೋಧ:
ಸಮಾಜವಾದಿ- 12
ಜೆಡಿಯು- 07
ಆರ್‌ಜೆಡಿ- 04
ಎಲ್‌ಜೆಪಿ- 01
ಬಿಎಸ್‌ಪಿ- 21
ಸಂಸತ್‌ನಲ್ಲಿನ ಬೆಂಬಲ: ಅದೇ ರೀತಿ 544 ಸದಸ್ಯ ಬಲ ಹೊಂದಿರುವ ಸಂಸತ್‌ನಲ್ಲಿಯೂ ಮಸೂದೆ ಪರವಾಗಿ 363ರ ಸಂಸದರು ಬೆಂಬಲ ಬೇಕಾಗಿದ್ದು, ಒಟ್ಟು 410 ಸಂಸದರು ಪೂರ್ಣ ಬೆಂಬಲ ಸೂಚಿಸಿದ್ದಾರೆ. ಉಭಯ ಸದನಗಳಲ್ಲಿ ಮಸೂದೆ ಮಂಡನೆಯಾಗಬೇಕಿದ್ದರೆ 2/3 ಬೆಂಬಲ ಅಗತ್ಯವಾಗಿದೆ. ಈಗಾಗಲೇ ಮಸೂದೆಗೆ ಹೆಚ್ಚಿನ ಬೆಂಬಲ ವ್ಯಕ್ತವಾಗಿರುವ ಹಿನ್ನೆಲೆಯಲ್ಲಿ ವಿಶ್ವ ಮಹಿಳಾ ದಿನಾಚರಣೆಯಂದೇ ಮಹಿಳೆಯರಿಗೆ ಜಾಕ್ ಪಾಟ್ ಕೊಡುಗೆ ನೀಡಲು ಯುಪಿಎ ಸರ್ಕಾರ ನಿರ್ಧರಿಸಿದೆ.