ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಚೆನ್ನೈ, ಆಂಧ್ರ ತೀರದಲ್ಲಿ ಚಂಡಮಾರುತ, ಭಾರೀ ಮಳೆ ಸಂಭವ (Cyclone Laila | Rains | Tamil Nadu | Andhra coasts)
Feedback
Printಚೆನ್ನೈ, ಆಂಧ್ರ ತೀರದಲ್ಲಿ ಚಂಡಮಾರುತ, ಭಾರೀ ಮಳೆ ಸಂಭವ 
ನವದೆಹಲಿ, ಮಂಗಳವಾರ, 18 ಮೇ 2010( 16:42 IST )
PTI
ಬಂಗಾಳ ಕೊಲ್ಲಿಯಲ್ಲಿ ವಾಯುಭಾರ ಕುಸಿದಿದ್ದು ಲೈಲಾ ಚಂಡಮಾರುತ ಅಪ್ಪಳಿಸುವ ಸಂಭವವಿದೆ. ಚೆನ್ನೈ ಸೇರಿದಂತೆ ಆಂಧ್ರ ಹಾಗೂ ತಮಿಳುನಾಡು ತೀರದ 700 ಕಿಮೀ ವಿಸ್ತಾರದಲ್ಲಿ ಭಾರೀ ಮಳೆ ಸುರಿಯಲಿದೆ ಎಂದು ಮುನ್ಸೂಚನೆ ನೀಡಿದೆ.
ಗಂಟೆಗೆ 65ರಿಂದ 75 ಕಿಮೀ ವೇಗದಲ್ಲಿ ಚಂಡಮಾರುತ ಅಪ್ಪಳಿಸಲಿದ್ದು, ಮೀನುಗಾರರು ಇಂಥಾ ಸಮಯದಲ್ಲಿ ನೀರಿಗಿಳಿಯದಿರುವಂತೆ ಇಲಾಖೆ ಮುನ್ನೆಚ್ಚರಿಕೆ ನೀಡಿದೆ.
ಅಂಡಮಾನ್ ನಿಕೋಬಾರ್ ದ್ವೀಪ ಸಮೂಹವೂ ಸೇರಿದಂತೆ ಪೂರವ ಕರಾವಳಿ ತೀರದಲ್ಲಿ ಭಾರೀ ಮಳೆಯಾಗಲಿದೆ. ಕಳೆದ ವರ್ಷವೂ ಇದೇ ಸಮಯದಲ್ಲಿ ಐಲಾ ಎಂಬ ಚಂಡಮಾರುತ ಅಪ್ಪಳಿಸಿದ್ದು, ಇದು ವಾತಾವರಣದ ಹೆಚ್ಚಿನ ಆದ್ರತೆಯನ್ನು ತನ್ನ ಜೊತೆ ಹೊತ್ತೊಯ್ದು ಮಳೆಯ್ನನು ಇನ್ನೂ ತಡವಾಗಿಸಿತ್ತು. ಇದರಿಂದ ಒರಿಸ್ಸಾ ಹಾಗೂ ಪಶ್ಚಿಮ ಬಂಗಳಾದಲ್ಲಿ ಸಕಾಲದಲ್ಲಿ ಮಳೆ ಬಾರದೆ ತತ್ತರಿಸಿದ್ದರು.