ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಪದವಿ ಬೇಕು, ಸಭೆ ಬೇಡ; ಇದು ಸಂಪುಟ ಸಚಿವರ ವೈಖರಿ!
(Central govt | Cabinet Ministers | India | SM Krishna)
Feedback
Printಪದವಿ ಬೇಕು, ಸಭೆ ಬೇಡ; ಇದು ಸಂಪುಟ ಸಚಿವರ ವೈಖರಿ!
ನವದೆಹಲಿ, ಗುರುವಾರ, 24 ಜೂನ್ 2010( 16:34 IST )
| ಸಚಿವರು | ಚಕ್ಕರ್ | ಹಾಜರಿ |
| ಎಂ.ಕೆ. ಅಳಗಿರಿ | 37 | 14 |
| ಮಮತಾ ಬ್ಯಾನರ್ಜಿ | 32 | 19 |
| ಸುಬೋಧ್ ಕಾಂತ್ ಸಹಾಯ್ | 28 | 23 |
| ವಯಲಾರ್ ರವಿ | 25 | 26 |
| ಎಸ್.ಎಂ. ಕೃಷ್ಣ | 24 | 27 |
| ಫಾರೂಕ್ ಅಬ್ದುಲ್ಲಾ | 22 | 29 |
| ಮನಮೋಹನ್ ಸಿಂಗ್ | 1 | 50 |
| ಪ್ರಣಬ್ ಮುಖರ್ಜಿ | 3 | 48 |
| ಅಂಬಿಕಾ ಸೋನಿ | 5 | 46 |
| ವೀರಪ್ಪ ಮೊಯ್ಲಿ | 5 | 46 |
| ಪಿ. ಚಿದಂಬರಂ | 8 | 43 |
| ಮಲ್ಲಿಕಾರ್ಜುನ ಖರ್ಗೆ | 8 | 43 |
| ಕಪಿಲ್ ಸಿಬಲ್ | 8 | 43 |
ಈ ಸಾಲಿನಲ್ಲಿ ನಮ್ಮ ಕರ್ನಾಟಕದವರೇ ಆದ ವಿದೇಶಾಂಗ ಸಚಿವ ಎಸ್.ಎಂ. ಕೃಷ್ಣರ ಹೆಸರೂ ರಾರಾಜಿಸುತ್ತಿದೆ. ಆದರೆ ಅವರು ಹೆಚ್ಚಿನ ಕಾಲ ಪ್ರವಾಸದಲ್ಲಿರುವುದರಿಂದ ಸಮರ್ಥನೆಗೆ ಕಾರಣವೂ ಇದೆ. ಸಂಪುಟ ಸಭೆಗೆ ಅವರ ಹಾಜರಾತಿ ಶೇ.47.
ಕಾಂಗ್ರೆಸ್ ನೇತೃತ್ವದ ಯುಪಿಎ-II ಅಧಿಕಾರಾವಧಿಯಲ್ಲಿ ಮೇ 30ರವರೆಗೆ ನಡೆದ ಒಟ್ಟು ಸಂಪುಟ ಸಭೆಗಳ ಸಂಖ್ಯೆ 51. ವರದಿಯೊಂದರ ಪ್ರಕಾರ ಈ ಸಭೆಗೆ ಅರ್ಧಕ್ಕಿಂತಲೂ ಹೆಚ್ಚು ಸಚಿವರುಗಳು ಚಕ್ಕರ್ ಹಾಕಿದ್ದೇ ಹೆಚ್ಚು.
ಸಂಪುಟ ಸಭೆಗಳಿಗೆ ಗರಿಷ್ಠವಾಗಿ ಗೈರು ಹಾಜರಾಗಿರುವುದು ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವ ಎಂ.ಕೆ. ಅಳಗಿರಿ, ರೈಲ್ವೇ ಖಾತೆ ಸಚಿವೆ ಮಮತಾ ಬ್ಯಾನರ್ಜಿ, ಆಹಾರ ಸಂಸ್ಕರಣೆ ಸಚಿವ ಸುಬೋಧ್ ಕಾಂತ್ ಸಹಾಯ್ ಹಾಗೂ ಸಾಗರೋತ್ತರ ವ್ಯವಹಾರಗಳ ಸಚಿವ ವಯಲಾರ್ ರವಿ. ಈ ನಾಲ್ವರು ಸಚಿವರ ಹಾಜರಿ ಶೇ.50ರ ಆಸುಪಾಸಿನಲ್ಲಿದೆ.
ಒಟ್ಟು 32 ಸಂಪುಟ ಸಚಿವರಲ್ಲಿ 12 ಮಂದಿ ಅಂದರೆ ಸರಿಸುಮಾರು ಮೂರನೇ ಒಂದು ಭಾಗದಷ್ಟು ಸಚಿವರು 51 ಸಭೆಗಳಲ್ಲಿ ಇದುವರೆಗೆ 15ಕ್ಕೂ ಹೆಚ್ಚು ಸಭೆಗಳಿಗೆ ಚಕ್ಕರ್ ಹಾಕಿದ್ದಾರೆ.
ಒಂಬತ್ತು ಸಚಿವರು ಶೇ.80ಕ್ಕಿಂತಲೂ ಹೆಚ್ಚು ಸಂಪುಟ ಸಭೆಗಳಿಗೆ ಹಾಜರಾಗಿದ್ದಾರೆ. ಇವರಲ್ಲಿ ಪ್ರಧಾನ ಮಂತ್ರಿ ಮನಮೋಹನ್ ಸಿಂಗ್, ವಿತ್ತ ಸಚಿವ ಪ್ರಣಬ್ ಸಿಂಗ್ ಪ್ರಮುಖರು. ಇಲ್ಲಿ ಕರ್ನಾಟಕದವರೇ ಆದ ಕಾರ್ಮಿಕ ಸಚಿವ ಮಲ್ಲಿಕಾರ್ಜುನ ಖರ್ಗೆಯವರದ್ದೂ ಅತ್ಯುತ್ತಮ ಸಾಧನೆಯಿದೆ.
ಜವಳಿ ಖಾತೆ ಸಚಿವ ದಯಾನಿಧಿ ಮಾರನ್ ಮತ್ತು ನೌಕಾಯಾನ ಸಚಿವ ಜಿ.ಕೆ. ವಾಸನ್ ತಲಾ 19 ಸಭೆಗಳಿಂದ ದೂರ ಉಳಿದಿದ್ದಾರೆ. ನೂತನ ಮತ್ತು ಪುನರ್ ನವೀಕರಿಸಬಹುದಾದ ಇಂಧನ ಖಾತೆ ಸಚಿವ ಫಾರೂಕ್ ಅಬ್ದುಲ್ಲಾ 22 ಸಭೆಗಳಿಗೆ ಚಕ್ಕರ್ ಹಾಕಿದ್ದಾರೆ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಕೇಂದ್ರ ಸರಕಾರ, ಸಂಪುಟ ಸಚಿವರು, ಭಾರತ, ಎಸ್ಎಂ ಕೃಷ್ಣ, ಮಲ್ಲಿಕಾರ್ಜುನ ಖರ್ಗೆ, ಎಂಕೆ ಅಳಗಿರಿ, ಮಮತಾ ಬ್ಯಾನರ್ಜಿ