ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ದೇಶವನ್ನು ಬ್ರಿಟಿಷರಿಗಿಂತಲೂ ಹೆಚ್ಚು ದೋಚಿದ ರಾಜಾ: ಜಯಾ
(Jayalalithaa | A Raja | Telecom | 2G Spectrum Scam | UPA | DMK | Congress)
Feedback
Printದೇಶವನ್ನು ಬ್ರಿಟಿಷರಿಗಿಂತಲೂ ಹೆಚ್ಚು ದೋಚಿದ ರಾಜಾ: ಜಯಾ
ಚೆನ್ನೈ, ಗುರುವಾರ, 11 ನವೆಂಬರ್ 2010( 13:28 IST )
PTI
ರಾಜಾ ಕಿತ್ತೊಗೆಯುವ ಪ್ರತಿಪಕ್ಷಗಳ ತಾರಕ ಸ್ವರಕ್ಕೆ ಧ್ವನಿಗೂಡಿಸಿರುವ ಜಯಲಲಿತಾ, ಬ್ರಿಟಿಷರು 1857ರಿಂದ 1947ರ ಅವಧಿಯಲ್ಲಿ ಭಾರತವನ್ನು ದೋಚಿದ ಮೊತ್ತವನ್ನು ಇಂದಿನ ರೂಪಾಯಿ ಬೆಲೆಗೆ ಹೋಲಿಸಿದರೆ ಸುಮಾರು 900 ಕೋಟಿ ರೂ. ಮಾತ್ರ. ಈ ಕಾರಣಕ್ಕೆ ಇಡೀ ದೇಶವೇ ಇಂಗ್ಲೆಂಡ್ ವಿರುದ್ಧ ಸಿಡಿದೆದ್ದಿತು. ಈ ಆಕ್ರೋಶದ ಬೆಂಕಿ ಸ್ವಾತಂತ್ರ್ಯ ದೊರೆಯುವವರೆಗೂ ಶಮನವಾಗಿರಲಿಲ್ಲ ಎಂದರು.
ಆದರೆ ನೈತಿಕತೆಯೇ ಇಲ್ಲದಿರುವ ಪಕ್ಷದಿಂದ ಬಂದಿರುವ ರಾಜಾ ಅವರ ಈ ಹಗರಣವನ್ನು ಎಲ್ಲ ಹಗರಣಗಳ ತಾಯಿ ಎಂದೇ ಕರೆಯಬಹುದಾಗಿದ್ದು, 2ಜಿ ಸ್ಪೆಕ್ರ್ಟಂ ಹರಾಜು ಹಾಕುವ ಬದಲು, ತೀರಾ ಕಡಿಮೆ ಬೆಲೆಗೆ ತಮಗೆ ಬೇಕಾದವರಿಗೆ ಮಾತ್ರ ಹಂಚಿ ಖಜಾನೆಗೆ 1,76,379 ಕೋಟಿ ರೂಪಾಯಿ ನಷ್ಟವಾಗುವಂತೆ ಮಾಡಿದ್ದಾರೆ ಎಂದು ಸಿಎಜಿ ವರದಿಯೇ ಹೇಳಿದೆ. ಅಂದರೆ, ಬ್ರಿಟಿಷರಿಗಿಂತಲೂ 200 ಪಟ್ಟು ಹೆಚ್ಚು ಲೂಟಿ ಮಾಡಿದ್ದಾರೆ ಅವರು ಎಂದು ಜಯಾ ಕೆಂಡ ಕಾರಿದರು.
ಇದೇ ಹಣ ಈಗ ಕೇಂದ್ರ ಸರಕಾರದ ಬಳಿ ಇದ್ದಿದ್ದರೆ, ನಮಗೆ ಪೆಟ್ರೋಲಿಯಂ ದರ ಏರಿಕೆ ಮಾಡಬೇಕಾಗುತ್ತಿರಲಿಲ್ಲ, ಜನ ಸಾಮಾನ್ಯರು ಬೆಲೆ ಏರಿಕೆಯಿಂದ ತತ್ತರಿಸಬೇಕಾಗಿರುತ್ತಿರಲಿಲ್ಲ, ಸುಮಾರು 2 ಕೋಟಿ ಬಡವರಿಗೆ 1 ಲಕ್ಷ ರೂಪಾಯಿಯಲ್ಲಿ ಮನೆಗಳನ್ನು ನಿರ್ಮಿಸಿ ನೀಡಬಹುದಾಗಿತ್ತು, ಗಂಗಾ ನದಿಯನ್ನೂ ಶುದ್ಧೀಕರಿಸಬಹುದಿತ್ತು. ಕೇಂದ್ರೀಯ ವಿಚಕ್ಷಣಾ ದಳ (ಸಿವಿಸಿ), ದೆಹಲಿ ಹೈಕೋರ್ಟ್, ಸುಪ್ರೀಂ ಕೋರ್ಟ್, ಸಿಎಜಿ... ಇವೆಲ್ಲವೂ ಛೀಮಾರಿ ಹಾಕಿದ್ದರೂ, ಕಾಂಗ್ರೆಸ್ ಪಕ್ಷವು ಈ ಹಗರಣಕೋರನನ್ನು ರಕ್ಷಿಸುತ್ತಿರುವುದು ದುರ್ದೈವ ಎಂದು ಜಯಲಲಿತಾ ಹೇಳಿದ್ದಾರೆ.
ಈ ದೇಶವನ್ನು ರಕ್ಷಿಸಬೇಕಿದ್ದರೆ, ನನ್ನ ಪಕ್ಷೀಯರು, ತಮಿಳರು ಮಾತ್ರವೇ ಅಲ್ಲ, ಇಡೀ ದೇಶದ ಪ್ರಜೆಗಳು ಎ.ರಾಜಾ ಉಚ್ಚಾಟಿಸುವಂತೆ ಕೋರಿ ರಾಷ್ಟ್ರಪತಿಯವರಿಗೆ ಟೆಲಿಗ್ರಾಂಗಳನ್ನು ಕಳುಹಿಸಬೇಕೆಂದು ಕರೆ ನೀಡುತ್ತಿರುವುದಾಗಿ ಹೇಳಿರುವ ಜಯಲಲಿತಾ, ಜನರ ಶಕ್ತಿಯೊಂದೇ ಈ ದೇಶವನ್ನು ರಕ್ಷಿಸಬಲ್ಲುದು ಎಂದು ತಿಳಿಸಿದರು.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಬ್ರಿಟಿಷ್ ಲೂಟಿ, ಟೆಲಿಕಾಂ ಸಚಿವ, ಎ ರಾಜಾ, 2ಜಿ ಸ್ಪೆಕ್ಟ್ರಂ ಹಗರಣ, ಯುಪಿಎ, ಡಿಎಂಕೆ, ಕಾಂಗ್ರೆಸ್