ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಮೈಮಾಟಕ್ಕೆ ಮರುಳಾಗದಿರಿ, ಆಕೆ ಮೋಸಗಾತಿಯಾಗಿದ್ದರೆ?
(Model | Hem Kumari | Priya Acharya | Navi Mumbai)
Feedback
Printಮೈಮಾಟಕ್ಕೆ ಮರುಳಾಗದಿರಿ, ಆಕೆ ಮೋಸಗಾತಿಯಾಗಿದ್ದರೆ?
ಮುಂಬೈ, ಬುಧವಾರ, 5 ಜನವರಿ 2011( 11:03 IST )
ಜಗದೇಕ ಸುಂದರಿಯಲ್ಲ, ಆದರೆ ಯಾವ ದಿಕ್ಕಿನಿಂದ ನೋಡಿದರೂ ನಯನ ಮನೋಹರಿ ಅಲ್ಲ ಎಂದು ಹೇಳುವಂತಿಲ್ಲ. ಅಂತಹ ಹುಡುಗಿ ತಾನಾಗಿ ಬಂದು ಮುಗುಳ್ನಗೆ ಬೀರಿ, ಸ್ನೇಹ ಬಯಸಿದರೆ ಯಾರು ತಾನೇ ಬಿಟ್ಟಾರು? ಆಕೆ ಮೊಬೈಲ್ ನಂಬರನ್ನೂ ಪಡೆಯುತ್ತಾಳೆ, ನಿಮ್ಮ ರೂಮಿಗೂ ಬರುತ್ತಾಳೆ. ಆದರೆ ನೆನಪಿಡಿ, ಆಕೆ ಬರೀ ಹುಡುಗಿಯಲ್ಲ, ದರೋಡೆಕೋರೆ!
ಇದೊಂದು ಉದಾಹರಣೆ ಮಾತ್ರ. ಇಂತಹ ಹುಡುಗಿಯರು ಮುಂಬೈಯಲ್ಲೇ ಇರಬೇಕಾಗಿಲ್ಲ. ನಿಮ್ಮ ಆಸುಪಾಸಿನಲ್ಲೇ ಇರಬಹುದು. ತಾನಾಗಿ ಮೈಮೇಲೆ ಬಿದ್ದು ಅಸಹಜ ರೀತಿಯಲ್ಲಿ ಸ್ನೇಹಕ್ಕೆ ಕೈ ಚಾಚುತ್ತಾರೆ ಎಂಬ ಹೊತ್ತಿನಲ್ಲಿ ಕೊಂಚ ಎಚ್ಚರಿಕೆಯಿಂದ ಇರಿ ಎಂದಷ್ಟೇ ಇದರಿಂದ ಕಲಿಯಬಹುದಾದ ಪಾಠ. ಮತ್ತೊಮ್ಮೆ ಕೇಳಿಸಿಕೊಳ್ಳಿ, ಇಂತಹ ಹುಡುಗಿಯರು ಇರುವುದು ಅಪರೂಪ ಎಂದು.
ವಾಸ್ತವದಲ್ಲಿ ಆಕೆಗೊಂದು ನೆಟ್ಟಗಿನ ಹೆಸರೇ ಇಲ್ಲ. ಹೇಮಾ ಕುಮಾರಿ, ಅಂಜಲಿ, ಪೂಜಾ, ಪ್ರಿಯಾ ಆಚಾರ್ಯ ಎಂದೆಲ್ಲ ಕರೆಸಿಕೊಳ್ಳುತ್ತಾಳೆ. ಅದಕ್ಕೆ ಸಂಬಂಧಪಟ್ಟ ಹಲವು ದಾಖಲೆಗಳೂ ಅವಳಲ್ಲಿ ಲಭ್ಯ. ವಯಸ್ಸು 28. ರೂಪದರ್ಶಿ ಆಗಬೇಕೆಂದು ಅಂದುಕೊಂಡವಳು. ಕಾನೂನು ವಿದ್ಯಾರ್ಥಿನಿ ಬೇರೆ. ಖಂಡಿತಕ್ಕೂ ಅವಿವಾಹಿತೆಯಲ್ಲ, ಶ್ರೀಮತಿ.
ಈಗ ಸಿಕ್ಕಿ ಬಿದ್ದಿರುವುದು ನವಿ ಮುಂಬೈ ಉದ್ಯಮಿಯೊಬ್ಬನಿಗೆ ಮತ್ತು ಬರಿಸುವ ಪಾನೀಯ ಕೊಟ್ಟು ಐದು ಲಕ್ಷ ರೂಪಾಯಿ ಮೌಲ್ಯದ ಚಿನ್ನಾಭರಣ ದೋಚಿರುವುದಕ್ಕಾಗಿ.
2010ರ ಅಕ್ಟೋಬರ್ ತಿಂಗಳ ಒಂದು ದಿನ ಡಿಪಾರ್ಟ್‌ಮೆಂಟಲ್ ಸ್ಟೋರ್ ಹೊರಗಡೆ ಶ್ರೀಮತಿ ಆಚಾರ್ಯ ಯಾರಿಗೋ ಕಾಯುತ್ತಿದ್ದಳು. ಆಗ ಐದು ಚಿನ್ನದ ಚೈನು ಹಾಕಿಕೊಂಡು, ಸ್ಕೋಡಾ ಕಾರನ್ನು ಚಲಾಯಿಸಿಕೊಂಡು ಉದ್ಯಮಿಯೊಬ್ಬ ಅಲ್ಲಿಗೆ ಬಂದಿದ್ದ.
ಹತ್ತಿರಕ್ಕೆ ಹೋದ ಆಚಾರ್ಯ, ಲಿಫ್ಟ್ ಕೇಳಿದ್ದಲ್ಲದೆ ಫ್ರೆಂಡ್‌ಶಿಪ್ ಆಹ್ವಾನವನ್ನೂ ನೀಡಿದಳು. ಮೊಬೈಲ್ ನಂಬರು ಅದಲು ಬದಲು ಕೂಡ ನಡೆಯಿತು. ಆಕೆ ಎಷ್ಟು ಚಾಣಾಕ್ಷ ಹುಡುಗಿ ಎಂದರೆ, ನಕಲಿ ದಾಖಲೆಗಳನ್ನು ಕೊಟ್ಟು ಪಡೆದಿದ್ದ ಮೊಬೈಲ್ ನಂಬರನ್ನೇ ಉದ್ಯಮಿಗೆ ನೀಡಿದ್ದಳು.
ನಂತರದ ಹಂತ ಒಡನಾಟ ಬೆಳೆಸುವುದು. ಇಬ್ಬರೂ ಗಂಟೆಗಟ್ಟಲೆ ಖಾಸಗಿಯಾಗಿ ಮಾತನಾಡಲು ಆರಂಭಿಸಿದರು. ಕೊನೆಗೊಂದು ದಿನ ಜೋಗೇಶ್ವರಿ ಸಮೀಪದ ಹೊಟೇಲೊಂದರಲ್ಲಿ ಸೇರಿದರು.
ಈ ಹೊತ್ತಿನಲ್ಲಿ ಟೀಗೆ ಆರ್ಡರ್ ಮಾಡಿದ ಆಚಾರ್ಯ, ಅದಕ್ಕೆ ಅಮಲು ಪದಾರ್ಥವನ್ನು ಮಿಶ್ರಣ ಮಾಡಿ ಉದ್ಯಮಿಗೆ ನೀಡಿದ್ದಳು. ಇದನ್ನು ಕುಡಿದಿದ್ದ ಉದ್ಯಮಿ ಪ್ರಜ್ಞೆ ಕಳೆದುಕೊಂಡಿದ್ದ. ತಕ್ಷಣವೇ ಆತನಲ್ಲಿದ್ದ ಚಿನ್ನದ ಚೈನುಗಳನ್ನು ಎಗರಿಸಿದ್ದ ಆಕೆ ಪರಾರಿಯಾಗಿದ್ದಳು.
ಪೊಲೀಸರಿಗೆ ಗೊತ್ತಾದರೆ ಅಪಮಾನವಾಗುತ್ತದೆ ಎಂದು ಉದ್ಯಮಿ ಆರಂಭದಲ್ಲಿ ಸುಮ್ಮನಿದ್ದ. ಆದರೆ ಚೈನುಗಳು ಮಾಯವಾಗಿರುವುದು ಮನೆಯವರಿಗೆ ತಿಳಿದ ನಂತರ ಅವರ ಒತ್ತಾಯಕ್ಕೆ ಮಣಿದು ಪೊಲೀಸರಿಗೆ ದೂರು ನೀಡಿದ್ದ. ಎಂದಿನಂತೆ ಎಲ್ಲಾ ತಂತ್ರಗಳನ್ನು ಬಳಸಿ ಮೋಸಗಾತಿಯನ್ನು ಖಾಕಿಗಳು ಪತ್ತೆ ಮಾಡಿದ್ದಾರೆ.
ಹೊಸ ವರ್ಷದ ಮೊದಲ ದಿನ ಶ್ರೀಮತಿ ಆಚಾರ್ಯ ಜೈಲು ಸೇರಿದ್ದಾಳೆ. ದುಬಾರಿ ಒಡವೆ ಮತ್ತು ಬಟ್ಟೆಗಳನ್ನು ಖರೀದಿಸುವ ಸಲುವಾಗಿ ನಾನು ಈ ರೀತಿಯಾಗಿ ಕಳ್ಳತನ-ದರೋಡೆ ಮಾಡುತ್ತೇನೆ ಎಂದು ಸ್ವೀಟ್ ಪಾಯ್ಸನ್ ಹೇಳಿಕೊಂಡಿದ್ದಾಳೆ.
ಇದೊಂದು ಉದಾಹರಣೆ ಮಾತ್ರ. ಇಂತಹ ಹುಡುಗಿಯರು ಮುಂಬೈಯಲ್ಲೇ ಇರಬೇಕಾಗಿಲ್ಲ. ನಿಮ್ಮ ಆಸುಪಾಸಿನಲ್ಲೇ ಇರಬಹುದು. ತಾನಾಗಿ ಮೈಮೇಲೆ ಬಿದ್ದು ಅಸಹಜ ರೀತಿಯಲ್ಲಿ ಸ್ನೇಹಕ್ಕೆ ಕೈ ಚಾಚುತ್ತಾರೆ ಎಂಬ ಹೊತ್ತಿನಲ್ಲಿ ಕೊಂಚ ಎಚ್ಚರಿಕೆಯಿಂದ ಇರಿ ಎಂದಷ್ಟೇ ಇದರಿಂದ ಕಲಿಯಬಹುದಾದ ಪಾಠ. ಮತ್ತೊಮ್ಮೆ ಕೇಳಿಸಿಕೊಳ್ಳಿ, ಇಂತಹ ಹುಡುಗಿಯರು ಇರುವುದು ಅಪರೂಪ ಎಂದು.
WD
ವಾಸ್ತವದಲ್ಲಿ ಆಕೆಗೊಂದು ನೆಟ್ಟಗಿನ ಹೆಸರೇ ಇಲ್ಲ. ಹೇಮಾ ಕುಮಾರಿ, ಅಂಜಲಿ, ಪೂಜಾ, ಪ್ರಿಯಾ ಆಚಾರ್ಯ ಎಂದೆಲ್ಲ ಕರೆಸಿಕೊಳ್ಳುತ್ತಾಳೆ. ಅದಕ್ಕೆ ಸಂಬಂಧಪಟ್ಟ ಹಲವು ದಾಖಲೆಗಳೂ ಅವಳಲ್ಲಿ ಲಭ್ಯ. ವಯಸ್ಸು 28. ರೂಪದರ್ಶಿ ಆಗಬೇಕೆಂದು ಅಂದುಕೊಂಡವಳು. ಕಾನೂನು ವಿದ್ಯಾರ್ಥಿನಿ ಬೇರೆ. ಖಂಡಿತಕ್ಕೂ ಅವಿವಾಹಿತೆಯಲ್ಲ, ಶ್ರೀಮತಿ.
ಈಗ ಸಿಕ್ಕಿ ಬಿದ್ದಿರುವುದು ನವಿ ಮುಂಬೈ ಉದ್ಯಮಿಯೊಬ್ಬನಿಗೆ ಮತ್ತು ಬರಿಸುವ ಪಾನೀಯ ಕೊಟ್ಟು ಐದು ಲಕ್ಷ ರೂಪಾಯಿ ಮೌಲ್ಯದ ಚಿನ್ನಾಭರಣ ದೋಚಿರುವುದಕ್ಕಾಗಿ.
2010ರ ಅಕ್ಟೋಬರ್ ತಿಂಗಳ ಒಂದು ದಿನ ಡಿಪಾರ್ಟ್‌ಮೆಂಟಲ್ ಸ್ಟೋರ್ ಹೊರಗಡೆ ಶ್ರೀಮತಿ ಆಚಾರ್ಯ ಯಾರಿಗೋ ಕಾಯುತ್ತಿದ್ದಳು. ಆಗ ಐದು ಚಿನ್ನದ ಚೈನು ಹಾಕಿಕೊಂಡು, ಸ್ಕೋಡಾ ಕಾರನ್ನು ಚಲಾಯಿಸಿಕೊಂಡು ಉದ್ಯಮಿಯೊಬ್ಬ ಅಲ್ಲಿಗೆ ಬಂದಿದ್ದ.
ಹತ್ತಿರಕ್ಕೆ ಹೋದ ಆಚಾರ್ಯ, ಲಿಫ್ಟ್ ಕೇಳಿದ್ದಲ್ಲದೆ ಫ್ರೆಂಡ್‌ಶಿಪ್ ಆಹ್ವಾನವನ್ನೂ ನೀಡಿದಳು. ಮೊಬೈಲ್ ನಂಬರು ಅದಲು ಬದಲು ಕೂಡ ನಡೆಯಿತು. ಆಕೆ ಎಷ್ಟು ಚಾಣಾಕ್ಷ ಹುಡುಗಿ ಎಂದರೆ, ನಕಲಿ ದಾಖಲೆಗಳನ್ನು ಕೊಟ್ಟು ಪಡೆದಿದ್ದ ಮೊಬೈಲ್ ನಂಬರನ್ನೇ ಉದ್ಯಮಿಗೆ ನೀಡಿದ್ದಳು.
ನಂತರದ ಹಂತ ಒಡನಾಟ ಬೆಳೆಸುವುದು. ಇಬ್ಬರೂ ಗಂಟೆಗಟ್ಟಲೆ ಖಾಸಗಿಯಾಗಿ ಮಾತನಾಡಲು ಆರಂಭಿಸಿದರು. ಕೊನೆಗೊಂದು ದಿನ ಜೋಗೇಶ್ವರಿ ಸಮೀಪದ ಹೊಟೇಲೊಂದರಲ್ಲಿ ಸೇರಿದರು.
ಈ ಹೊತ್ತಿನಲ್ಲಿ ಟೀಗೆ ಆರ್ಡರ್ ಮಾಡಿದ ಆಚಾರ್ಯ, ಅದಕ್ಕೆ ಅಮಲು ಪದಾರ್ಥವನ್ನು ಮಿಶ್ರಣ ಮಾಡಿ ಉದ್ಯಮಿಗೆ ನೀಡಿದ್ದಳು. ಇದನ್ನು ಕುಡಿದಿದ್ದ ಉದ್ಯಮಿ ಪ್ರಜ್ಞೆ ಕಳೆದುಕೊಂಡಿದ್ದ. ತಕ್ಷಣವೇ ಆತನಲ್ಲಿದ್ದ ಚಿನ್ನದ ಚೈನುಗಳನ್ನು ಎಗರಿಸಿದ್ದ ಆಕೆ ಪರಾರಿಯಾಗಿದ್ದಳು.
ಪೊಲೀಸರಿಗೆ ಗೊತ್ತಾದರೆ ಅಪಮಾನವಾಗುತ್ತದೆ ಎಂದು ಉದ್ಯಮಿ ಆರಂಭದಲ್ಲಿ ಸುಮ್ಮನಿದ್ದ. ಆದರೆ ಚೈನುಗಳು ಮಾಯವಾಗಿರುವುದು ಮನೆಯವರಿಗೆ ತಿಳಿದ ನಂತರ ಅವರ ಒತ್ತಾಯಕ್ಕೆ ಮಣಿದು ಪೊಲೀಸರಿಗೆ ದೂರು ನೀಡಿದ್ದ. ಎಂದಿನಂತೆ ಎಲ್ಲಾ ತಂತ್ರಗಳನ್ನು ಬಳಸಿ ಮೋಸಗಾತಿಯನ್ನು ಖಾಕಿಗಳು ಪತ್ತೆ ಮಾಡಿದ್ದಾರೆ.
ಹೊಸ ವರ್ಷದ ಮೊದಲ ದಿನ ಶ್ರೀಮತಿ ಆಚಾರ್ಯ ಜೈಲು ಸೇರಿದ್ದಾಳೆ. ದುಬಾರಿ ಒಡವೆ ಮತ್ತು ಬಟ್ಟೆಗಳನ್ನು ಖರೀದಿಸುವ ಸಲುವಾಗಿ ನಾನು ಈ ರೀತಿಯಾಗಿ ಕಳ್ಳತನ-ದರೋಡೆ ಮಾಡುತ್ತೇನೆ ಎಂದು ಸ್ವೀಟ್ ಪಾಯ್ಸನ್ ಹೇಳಿಕೊಂಡಿದ್ದಾಳೆ.