ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ನೂತನ ಪಕ್ಷ ರಚನೆಗೆ ಮುಂದಾದ ಜಗನ್; ಆಯೋಗಕ್ಕೆ ಮೊರೆ (Congress | Y S Jaganmohan Reddy | Election Commission | Y S Rajasekhara Reddy)
Feedback
Printನೂತನ ಪಕ್ಷ ರಚನೆಗೆ ಮುಂದಾದ ಜಗನ್; ಆಯೋಗಕ್ಕೆ ಮೊರೆ 
ನವದೆಹಲಿ, ಬುಧವಾರ, 5 ಜನವರಿ 2011( 19:43 IST )
PTI
PTIನೂತನ ಪಕ್ಷದ ನೋಂದಣಿಗೆ ಚುನಾವಣಾ ಆಯೋಗಕ್ಕೆ ಇಂದು ಅರ್ಜಿಯೊಂದನ್ನು ಸಲ್ಲಿಸಲಾಗಿದೆ. ಮೂರು ವಾರಗಳಲ್ಲಿ ಈ ಪ್ರಕ್ರಿಯೆ ಪೂರ್ಣಗೊಳ್ಳುವ ನಿರೀಕ್ಷೆಗಳಿವೆ. ಈ ಅರ್ಜಿಯನ್ನು ಸಲ್ಲಿಸಿರುವುದು ಜಗನ್ ಆಪ್ತ ವೈ.ವಿ. ಸುಬ್ಬಾ ರೆಡ್ಡಿ.
ಪಕ್ಷದ ಹೆಸರೇನು ಎಂದು ಪತ್ರಕರ್ತರು ಪ್ರಶ್ನಿಸಿದ್ದಕ್ಕೆ ವಿವರ ನೀಡಲು ನಿರಾಕರಿಸಿದ ಸುಬ್ಬಾ ರೆಡ್ಡಿ, ಜಗನ್ ತಂದೆ ವೈಎಸ್ಆರ್ ಹೆಸರು ಅದರಲ್ಲಿರುತ್ತದೆ ಎಂದಷ್ಟೇ ತಿಳಿಸಿದರು. ಈ ಕುರಿತ ಪ್ರಕ್ರಿಯೆ ಪೂರ್ಣಗೊಂಡ ಬಳಿಕ ಸಾರ್ವಜನಿಕವಾಗಿ ನೂತನ ಪಕ್ಷದ ಹೆಸರನ್ನು ಪ್ರಕಟಿಸಲಾಗುವುದು ಎಂದರು.
ಕಾಂಗ್ರೆಸ್ ನಾಯಕತ್ವದ ವಿರುದ್ಧ ಬಂಡಾಯ ಎದ್ದು ಪಕ್ಷ ತ್ಯಜಿಸಿದ್ದ ಜಗನ್, ಕಡಪ ಲೋಕಸಭಾ ಕ್ಷೇತ್ರದಿಂದ ಪುನಃ ಚುನಾವಣೆ ಎದುರಿಸುವ ಸಿದ್ಧತೆಯಲ್ಲಿದ್ದು, ಆಂಧ್ರದ ಕಾಂಗ್ರೆಸ್ ಸರಕಾರಕ್ಕೆ ಕುತ್ತು ತರುವ ಯಾವುದೇ ಉದ್ದೇಶ ನನ್ನಲ್ಲಿಲ್ಲ ಎಂದಿದ್ದರು.
ಕಾಂಗ್ರೆಸ್‌ಗೆ ರಾಜೀನಾಮೆ ನೀಡಿದ್ದ ಜಗನ್, ತನ್ನ ಕಡಪ ಲೋಕಸಭಾ ಸ್ಥಾನಕ್ಕೂ ರಾಜೀನಾಮೆ ನೀಡಿದ್ದರು. ಅದೇ ಹೊತ್ತಿಗೆ ಅವರ ತಾಯಿ ವಿಜಯಲಕ್ಷ್ಮಿ ಪುಲಿವೆಂದುಲಾ ವಿಧಾನಸಭಾ ಸದಸ್ಯೆ ಸ್ಥಾನ ತ್ಯಜಿಸಿದ್ದರು. ಈ ಎರಡೂ ಕ್ಷೇತ್ರಗಳಿಗೆ ಶೀಘ್ರದಲ್ಲೇ ಚುನಾವಣೆ ಘೋಷಣೆಯಾಗುವ ಸಾಧ್ಯತೆಗಳಿವೆ.
ಅದಕ್ಕೂ ಮೊದಲು ಪಕ್ಷದ ನೋಂದಣಿ ಕಾರ್ಯಕ್ರಮವನ್ನು ಪೂರ್ಣಗೊಳಿಸುವ ಉತ್ಸುಕತೆಯಲ್ಲಿರುವ ಜಗನ್, ಶೀಘ್ರದಲ್ಲೇ ಪಕ್ಷ ಸಂಘಟನೆಯನ್ನು ಆರಂಭಿಸುವ ನಿರೀಕ್ಷೆಗಳಿವೆ. ಚುನಾವಣೆ ಹೊತ್ತಿಗೆ ವೇದಿಕೆ ಸಿದ್ಧಪಡಿಸುವ ಗುರಿ ಅವರಲ್ಲಿದೆ. ಅದರಲ್ಲೂ ಅವರ ಪ್ರಮುಖ ಗುರಿಯಿರುವುದು 2014ರ ವಿಧಾನಸಭಾ ಚುನಾವಣೆ. ಹೀಗೆಂದು ಅವರೇ ಇತ್ತೀಚೆಗೆ ಹೇಳಿಕೊಂಡಿದ್ದರು.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಕಾಂಗ್ರೆಸ್, ವೈಎಸ್ ಜಗನ್ ಮೋಹನ್ ರೆಡ್ಡಿ, ಚುನಾವಣಾ ಆಯೋಗ, ವೈವಿ ಸುಬ್ಬಾ ರೆಡ್ಡಿ, ವೈಎಸ್ ರಾಜಶೇಖರ ರೆಡ್ಡಿ, ಭಾರತ