ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಅಕ್ಷರಧಾಮ ದೇಗುಲಕ್ಕೆ ಪರಿಸರ ಅನುಮತಿಯಿಲ್ಲ: ಜೈರಾಮ್ (Akshardham Temple | environmental clearance | Jairam Ramesh | Congress)
Feedback
Printಅಕ್ಷರಧಾಮ ದೇಗುಲಕ್ಕೆ ಪರಿಸರ ಅನುಮತಿಯಿಲ್ಲ: ಜೈರಾಮ್ 
ನವದೆಹಲಿ, ಶುಕ್ರವಾರ, 7 ಜನವರಿ 2011( 20:23 IST )
PTI
PTIಅಕ್ಷರಧಾಮವು ಪರಿಸರ ಇಲಾಖೆಯಿಂದ ಅನುಮತಿ ಪಡೆದಿರಲಿಲ್ಲ. ಅದು ಯಾವುದೇ ಅನುಮತಿ ಪತ್ರಕ್ಕೆ ಅರ್ಜಿ ಸಲ್ಲಿಸಿರಲಿಲ್ಲ ಎಂದು ಸುಮಾರು 30 ಎಕರೆ ಪ್ರದೇಶದಲ್ಲಿ ವಿಸ್ತರಿಸಿರುವ ದೇವಾಲಯದ ಕುರಿತು ಪತ್ರಕರ್ತರಿಗೆ ತಿಳಿಸಿದರು.
ಪರಿಸರ ಇಲಾಖೆಯ ನಿಯಮ ಉಲ್ಲಂಘಿಸಿ ದೇವಾಲಯ ನಿರ್ಮಿಸಲಾಗಿದೆಯೇ ಎಂಬ ಪ್ರಶ್ನೆಗೆ, ಈಗಾಗಲೇ ಉಲ್ಲಂಘಿಸಿಯಾಗಿದೆ ಇನ್ನೇನು ಮಾಡಲು ಸಾಧ್ಯವಿಲ್ಲ. ದೇವಾಲಯದ ಸಂಕೀರ್ಣವನ್ನು ಒಡೆಯಲು ಸಾಧ್ಯವಿಲ್ಲ, ಆದರೆ ಇನ್ನುಳಿದಿರುವ ನದಿ ದಡವನ್ನು ರಕ್ಷಿಸಬೇಕಿದೆ ಎಂದರು.
ಐದು ವರ್ಷಗಳ ಮೊದಲೇ ನಿರ್ಮಾಣಗೊಂಡಿದ್ದರೂ, 2005ರ ನವೆಂಬರ್ 6ರಂದು ಲೋಕಾರ್ಪಣೆಗೊಂಡ ಅಕ್ಷರಧಾಮ ದೇವಾಲಯ ಆರಂಭದಿಂದಲೂ ಪರಿಸರ ಕುರಿತ ಹಲವು ವಿವಾದಗಳಲ್ಲಿ ಸಿಲುಕಿತ್ತು.
ನದಿದಡ ರಕ್ಷಣೆ ಕುರಿತು ಗಂಭೀರವಾಗಿ ಚಿಂತಿಸಲು ಹೊರಟಿರುವ ಸಚಿವ ರಮೇಶ್, ಈಗಾಗಲೇ ಯಮುನಾ ನದಿ ದಡದಲ್ಲಿ ನಿರ್ಮಾಣಗೊಂಡಿರುವ ಕಟ್ಟಡಗಳಿಂದಾಗಿಯಾದರೂ ನಾವು ಎಚ್ಚೆತ್ತುಕೊಳ್ಳಬೇಕಿದೆ. ಅದು ಅಕ್ಷರಧಾಮ ದೇಗುಲವಿರಬಹುದು ಅಥಾವ ಇನ್ಯಾವುದೇ ಕಟ್ಟಡವಿರಬಹುದು. ಮುಂದಿನ ದಿನಗಳಲ್ಲಿ ಹೆಚ್ಚಿನ ಜಾಗರೂಕತೆ ವಹಿಸಬೇಕು, ನದಿತಟವನ್ನು ರಕ್ಷಿಸಬೇಕು ಎಂದರು.
ಅಕ್ಷರಧಾಮದ ಸಮೀಪದಲ್ಲೇ ನಿರ್ಮಿಸಲಾಗಿರುವ ಕಾಮನ್‌ವೆಲ್ತ್ ಗೇಮ್ಸ್ ಕ್ರೀಡಾಗ್ರಾಮ ಕೂಡ ಪರಿಸರ ನಿಯಮವನ್ನು ಉಲ್ಲಂಘಿಸಿದೆಯೇ ಎಂಬ ಪ್ರಶ್ನೆಗೆ, ಹೌದು, ಕ್ರೀಡಾಗ್ರಾಮಕ್ಕೂ ಪರಿಸರ ಇಲಾಖೆ ಪೂರ್ಣವಾಗಿ ಸಮ್ಮತಿ ನೀಡಿರಲಿಲ್ಲ. ಹಳೆಯದನ್ನು ಕೆದಕಲು ಇಷ್ಟವಿಲ್ಲ, ಈ ಸಂಬಂಧ ಎಲ್ಲಾ ಅನುಮತಿಗಳನ್ನು ಪತ್ರಗಳನ್ನು ಗೇಮ್ಸ್ ಸಮಿತಿ ಪಡೆದಿತ್ತು ಎಂದರು.