ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ನಕಲಿ ಸೆಕ್ರೆಟರಿ: ಜನತೆಗೆ ಲತಾ ಮಂಗೇಷ್ಕರ್ ಎಚ್ಚರಿಕೆ
(Lata Mangeshkar | Singer | Fraud Secretary)
Feedback
Printನಕಲಿ ಸೆಕ್ರೆಟರಿ: ಜನತೆಗೆ ಲತಾ ಮಂಗೇಷ್ಕರ್ ಎಚ್ಚರಿಕೆ
ಮುಂಬೈ, ಬುಧವಾರ, 26 ಜನವರಿ 2011( 08:54 IST )
PR
ಸುನಿಲ್ ಚೌಹಾಣ್ ಹೆಸರಿನ ವ್ಯಕ್ತಿಯೊಬ್ಬ, ಲತಾ ಜೊತೆಗೆ ಕುಳಿತಿರುವಂತೆ ಇರುವ ನಕಲಿ ಭಾವಚಿತ್ರವೊಂದನ್ನು ಜನರಿಗೆ ತೋರಿಸಿ, ಲತಾ ಮಂಗೇಷ್ಕರ್ ಅವರ ಗಾಯನ ಕಾರ್ಯಕ್ರಮ ಮಾಡಿಸುತ್ತಿದ್ದೇನೆ ಎನ್ನುತ್ತಾ ಜನರಿಂದ ಹಣ ಸುಲಿಗೆ ಮಾಡುತ್ತಿದ್ದ. ಈ ವಿಷಯವು ಲತಾ ಅವರ ಗಮನಕ್ಕೆ ಬಂದಿದ್ದು, ಟ್ವಿಟರ್‌ನಲ್ಲಿ ಈ ಕುರಿತು ಅಭಿಮಾನಿಗಳಿಗೆ ಎಚ್ಚರಿಕೆ ನೀಡಿದ್ದಾರೆ.
ಈ ಸುಳ್ಳನ ಕೃತ್ಯದಿಂದ ತನಗೆ ನಿಜಕ್ಕೂ ಆಘಾತವಾಗಿದೆ. ತಾನು ಆತನಿಗಾಗಿ ಯಾವುದೇ ಸಂಗೀತ ಕಾರ್ಯಕ್ರಮ ನೀಡುತ್ತಿಲ್ಲ, ಅಥವಾ ಆತನೊಂದಿಗೆ ಯಾವುದೇ ರೀತಿಯ ಸಂಪರ್ಕವೂ ತನಗಿಲ್ಲ. ಈ ನಕಲಿ ಫೋಟೋ ತೋರಿಸುತ್ತಾ ಆತ ಜನರನ್ನು ಮರುಳು ಮಾಡುತ್ತಿದ್ದಾನೆ ಎಂದಿರುವ ಲತಾ, ಆತನ ವಿರುದ್ಧ ಕಾನೂನು ಕ್ರಮ ಜರುಗಿಸುವುದಾಗಿಯೂ, ಈ ವಂಚಕನ ಬಲೆಗೆ ಯಾರೂ ಬೀಳದಂತೆಯೂ ಟ್ವಿಟರ್‌ನಲ್ಲಿ ಮನವಿ ಮಾಡಿಕೊಂಡಿದ್ದಾರೆ. ಆತ ಜನರಿಗೆ ತೋರಿಸುತ್ತಿದ್ದ ಫೋಟೋವನ್ನು ಕೂಡ ಲತಾ ಅವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.