ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಸಾಯಿಬಾಬಾ ದೇಹಸ್ಥಿತಿ ಗಂಭೀರ
: ಪುಟ್ಟಪರ್ತಿಯಲ್ಲಿ ನಿಷೇಧಾಜ್ಞೆ (Satya Sai Baba Critical | Putaparthi | Sathya Sai Baba | Health)
 |
PR |
ಅನಾರೋಗ್ಯಕ್ಕೀಡಾಗಿರುವ ಸಾಯಿ ಬಾಬಾ ದರ್ಶನಕ್ಕೆ ಅವಕಾಶ ನೀಡುತ್ತಿಲ್ಲ ಎಂಬ ಕಾರಣಕ್ಕೆ ಕೆಲವು ಮಂದಿ ಭಕ್ತರು ಜಿಲ್ಲಾಧಿಕಾರಿ ಮತ್ತು ಇತರ ಅಧಿಕಾರಿಗಳ ಮೇಲೆ ಹಲ್ಲೆಯನ್ನೂ ನಡೆಸಿದ ಕಾರಣ, ಸೆಕ್ಷನ್ 144 ವಿಧಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಶ್ವಾಸಕೋಶ, ಕಿಡ್ನಿ ಮತ್ತಿತರ ಕೆಲವು ಅಂಗಗಳ ವೈಫಲ್ಯದಿಂದಾಗಿ 85ರ ಹರೆಯದ ಸಾಯಿ ಬಾಬಾ ಅವರನ್ನು ಮಾರ್ಚ್ 28ರಂದು ಪುಟ್ಟಪರ್ತಿ ಪ್ರಶಾಂತಿ ಗ್ರಾಮದ ಸೂಪರ್ ಸ್ಪೆಶಾಲಿಟಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅವರು ಚಿಕಿತ್ಸೆಗೆ ಸ್ಪಂದಿಸುತ್ತಿಲ್ಲ ಎಂದು ಸೋಮವಾರ ಸಂಜೆಯೇ ವೈದ್ಯರು ಘೋಷಿಸಿದ್ದು, ವೆಂಟಿಲೇಟರ್ ಮತ್ತು ಸಿಆರ್ಆರ್‌ಟಿ ಎಂಬ ನಿಧಾನ ಡಯಾಲಿಸಿಸ್ ಪ್ರಕ್ರಿಯೆಯ ಮೂಲಕ ಅವರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ ಎಂದಿದ್ದಾರೆ.
ಅಲ್ಲಿ ನೆರೆದಿರುವ ಭಕ್ತಾದಿಗಳ ಮನಸ್ಥಿತಿಯಿಂದಾಗಿ ಹೆಚ್ಚುವರಿ ಪೊಲೀಸ್ ಪಡೆಗಳನ್ನು ನಿಯೋಜಿಸಲಾಗಿದ್ದು, ಶಾಂತಿ ಕಾಪಾಡಲು ವ್ಯವಸ್ಥೆ ಮಾಡಲಾಗಿದೆ.
ಇದುವರೆಗೆ, ಗಣ್ಯರೆಲ್ಲರೂ ಸಾಯಿ ಬಾಬಾ ದರ್ಶನ ಪಡೆಯುತ್ತಿದ್ದು, ಮಂಗಳವಾರ ಕರ್ನಾಟಕ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರೂ ಪುಟ್ಟಪರ್ತಿಗೆ ತೆರಳುತ್ತಿದ್ದಾರೆ.
ಇವನ್ನೂ ಓದಿ