ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಆಸ್ಪತ್ರೆಗೆ ರಾಹುಲ್ ಭೇಟಿಗೆ ಭದ್ರತೆ: ಚಿಕಿತ್ಸೆ ಸಿಗದೆ ಪೊಲೀಸ್ ಸಾವು
(Rahul Gandhi | Kalka Mail Mishap | Kanpur | Lala Lajpath Roy Hospital)
ಆಸ್ಪತ್ರೆಗೆ ರಾಹುಲ್ ಭೇಟಿಗೆ ಭದ್ರತೆ: ಚಿಕಿತ್ಸೆ ಸಿಗದೆ ಪೊಲೀಸ್ ಸಾವು
PTI
ಕ್ಷಣ ಕ್ಷಣದ ತಾಜಾ ಸುದ್ದಿ, ವಿಶೇಷ ವರದಿ-ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ
ಕಳೆದ ವರ್ಷದ ಜುಲೈ 3ರಂದು ಇದೇ ಊರಿನಲ್ಲಿ ಅಮಾನ್ ಎಂಬ ಬಾಲಕ ಆಟವಾಡುತ್ತಾ, ತಲೆಗೆ ಗಂಭೀರವಾಗಿ ಗಾಯಗೊಂಡಿದ್ದ. ಆದರೆ ಪ್ರಧಾನಮಂತ್ರಿ ಮನಮೋಹನ್ ಭೇಟಿ ಪ್ರಯುಕ್ತ ಭಾರೀ ಭದ್ರತೆ ಏರ್ಪಡಿಸಿದ್ದ ಕಾರಣದಿಂದಾಗಿ ಟ್ರಾಫಿಕ್‌ನಲ್ಲಿ ಸಿಲುಕಿದ್ದ ಈ ಬಾಲಕನಿಗೆ ಸಕಾಲದಲ್ಲಿ ಆಸ್ಪತ್ರೆ ತಲುಪುವುದು ಸಾಧ್ಯವಾಗದೆ ದಾರಿಯಲ್ಲೇ ಮೃತಪಟ್ಟಿದ್ದ.ಮಂಗಳವಾರ ಬಂದಿರುವ ವರದಿಗಳ ಪ್ರಕಾರ, ಅತ್ತಾರ ಪೊಲೀಸ್ ಠಾಣೆಯ 40ರ ಹರೆಯದ ಕಾನ್‌ಸ್ಟೇಬಲ್ ಧರ್ಮೇಂದ್ರ ಕುಮಾರ್ ಎಂಬವರು ಫತೇಪುರದ ಭಿಂಡ್ಕಿ ಎಂಬಲ್ಲಿ ಮಂಗಳವಾರ ಮುಂಜಾನೆ ನಡೆದ ಭೀಕರ ಅಪಘಾತದಿಂದ ಗಂಭೀರವಾಗಿ ಗಾಯಗೊಂಡಿದ್ದರು. ಅವರನ್ನು ಲಾಲಾ ಲಜಪತ್ ರಾಯ್ ಆಸ್ಪತ್ರೆಗೆ ಕರೆತರಲಾಯಿತು. ಆದರೆ ರಾಹುಲ್ ಗಾಂಧಿ ಅವರು ಆಸ್ಪತ್ರೆಯಲ್ಲಿ ದಾಖಲಾಗಿದ್ದ ಗಾಯಾಳುಗಳ ಭೇಟಿಗೆ ಬಂದಿದ್ದರಿಂದ, ಸುಮಾರು 45 ನಿಮಿಷಗಳ ಕಾಲ ಆಸ್ಪತ್ರೆ ಗೇಟಿನಲ್ಲೇ ಕಾಯಬೇಕಾಯಿತು.
ರಾಹುಲ್ ಅವರ ಭದ್ರತಾ ಸಿಬ್ಬಂದಿಗಳು ಧರ್ಮೇಂದ್ರ ಅವರನ್ನು ತುರ್ತು ನಿಗಾ ಘಟಕಕ್ಕೆ ಕರೆದೊಯ್ಯಲು ಅವಕಾಶ ನೀಡಲಿಲ್ಲ ಎಂದು ಸಹ-ಪೊಲೀಸರು ಆರೋಪಿಸಿದ್ದಾರೆ. ಆದರೆ ರಾಹುಲ್ ಬಂದು ಹೋದ ಬಳಿಕವಷ್ಟೇ ಅವರಿಗೆ ಒಳಗೆ ಕರೆದೊಯ್ಯಲು ಅವಕಾಶ ನೀಡಲಾಗಿತ್ತು. ಅಷ್ಟು ಹೊತ್ತಿಗೆ ಧರ್ಮೇಂದ್ರ ಪ್ರಾಣಪಕ್ಷಿ ಹಾರಿಹೋಗಿತ್ತು.
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ರಾಹುಲ್ ಗಾಂಧಿ, ಕಲ್ಕಾ ಮೇಲ್ ದುರಂತ, ಕಾನ್ಪುರ, ಲಾಲಾ ಲಜಪತ ರಾಯ್ ಆಸ್ಪತ್ರೆ, ಕಾಂಗ್ರೆಸ್, ಪೊಲೀಸ್ ಸಾವು
