ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಷ್ಟ್ರೀಯ » ಲೋಕಪಾಲ್ ಬಿಲ್: ಪ್ರತಿಗಳಿಗೆ ಬೆಂಕಿ ಹಚ್ಚಿದ 'ಅಣ್ಣಾ ಟೀಮ್' (Team Anna | Lokpal Bill | Anna Hazare | Burns copies | Parliament)
ಲೋಕಪಾಲ್ ಬಿಲ್: ಪ್ರತಿಗಳಿಗೆ ಬೆಂಕಿ ಹಚ್ಚಿದ 'ಅಣ್ಣಾ ಟೀಮ್'
ನವದೆಹಲಿ, ಗುರುವಾರ, 4 ಆಗಸ್ಟ್ 2011( 20:32 IST )
PTI
ಲೋಕಸಭೆಯಲ್ಲಿ ಇಂದು ಮಂಡಿಸಲಾದ ಸರಕಾರಿ ಲೋಕಪಾಲ ಮಸೂದೆಯ ಪ್ರತಿಗಳನ್ನು ಅಣ್ಣಾ ಹಜಾರೆ ತಂಡದ ಸದಸ್ಯರು ಬೆಂಕಿ ಹಚ್ಚಿ ಪ್ರತಿಭಟನೆ ನಡೆಸಿದ್ದಾರೆ.
ಹಜಾರೆ ತಂಡದ ಸದಸ್ಯರು ರೂಪಿಸಿರುವ ಹಲವಾರು ಸಲಹೆಗಳನ್ನು ಸರಕಾರ ತಿರಸ್ಕರಿಸಿದ್ದರಿಂದ, ಅಣ್ಣಾ ಹಜಾರೆ ಅಮರಣ ನಿರಶನ ಆರಂಭಿಸುವ ಆಗಸ್ಟ್ 16ರ ವರೆಗೆ ಸಾಂಕೇತಿಕ ಪ್ರತಿಭಟನೆ ಮುಂದುವರಿಯಲಿದೆ ಎಂದು ಮೂಲಗಳು ತಿಳಿಸಿವೆ.
ಲೋಕಸಭೆಯಲ್ಲಿ ಇಂದು ಮಂಡಿಸಲಾದ ಲೋಕಪಾಲ ಮಸೂದೆಯಲ್ಲಿ ಪ್ರಧಾನಿ ವ್ಯಾಪ್ತಿಗೆ ಬರುವುದಿಲ್ಲ. ಪ್ರಧಾನಿ ಅಧಿಕಾರದಿಂದ ನಿರ್ಗಮಿಸಿದಾಗ ಮಾತ್ರ ಲೋಕಪಾಲ ಮಸೂದೆ ವ್ಯಾಪ್ತಿಗೆ ಒಳಪಡುತ್ತಾರೆ. ನ್ಯಾಯಾಂಗ ಮತ್ತು ಸಂಸದರು ಕೂಡಾ ಲೋಕಪಾಲ ವ್ಯಾಪ್ತಿಗೊಳಪಡುವುದಿಲ್ಲ ಎಂದು ಅಣ್ಣಾ ಹಜಾರೆ ಟೀಕಿಸಿದ್ದಾರೆ.
ಸರಕಾರ ದುರ್ಬಲ ಲೋಕಪಾಲ ಮಸೂದೆಯನ್ನು ಜಾರಿಗೆ ತರಲು ಪ್ರಯತ್ನಿಸುತ್ತಿರುವುದನ್ನು ವಿರೋಧಿಸಿ, ಇಂದಿನಿಂದ ಸರಕಾರಿ ಲೋಕಪಾಲ ಮಸೂದೆಯ ಪ್ರತಿಗಳಿಗೆ ಬೆಂಕಿ ಹಚ್ಚಲಾಗುವುದು ಎಂದು ನಾಗರಿಕ ಸಮಿತಿ ಸದಸ್ಯ ಅರವಿಂದ್ ಕೇಜ್ರಿವಾಲ್ ಕಿಡಿಕಾರಿದ್ದಾರೆ.