ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ದೇವೇಗೌಡರು ರಾಷ್ಟ್ರಪತಿಯಾಗ್ತಾರೆ: ಕೋಡಿಶ್ರೀ ಭವಿಷ್ಯ (Deve gowda | JDS | Kodimutta | BJP | Kumaraswamy)
Feedback
Printದೇವೇಗೌಡರು ರಾಷ್ಟ್ರಪತಿಯಾಗ್ತಾರೆ: ಕೋಡಿಶ್ರೀ ಭವಿಷ್ಯ 
ಚನ್ನರಾಯಪಟ್ಟಣ, ಸೋಮವಾರ, 7 ಡಿಸೆಂಬರ್ 2009( 10:07 IST )
PTI
ತಾಲೂಕಿನ ಕತ್ತರಿಘಟ್ಟದ ಮೆಳಿಯಮ್ಮ ಆಧ್ಯಾತ್ಮ ಕೇಂದ್ರದಲ್ಲಿ ಏರ್ಪಡಿಸಿದ್ದ ಮಹಾ ಸುದರ್ಶನ ಹೋಮದಲ್ಲಿ ಪಾಲ್ಗೊಂಡು ಆಶೀರ್ವಚನ ನೀಡಿದ ಸ್ವಾಮೀಜಿ, ದೇವೇಗೌಡರು ರಾಜಕಾರಣದಲ್ಲಿ ಏಳು-ಬೀಳುಗಳನ್ನು ಕಂಡು ದೇಶದ ಪ್ರಧಾನಿಯಾಗಿ ಅಚ್ಚರಿ ಮೂಡಿಸಿದರು. ಮುಂದೆ ಅವರಿಗೆ ರಾಷ್ಟ್ರಾಧ್ಯಕ್ಷರಾಗುವ ಎಲ್ಲಾ ಯೋಗವಿದ್ದು, ಮುಂದಿನ ದಿನಗಳಲ್ಲಿ ಅದು ನಿಜವಾಗುವ ಸಾಧ್ಯತೆ ಇದೆ ಎಂದರು.
ರಾಜಕಾರಣದಲ್ಲಿ ಇರುವವರು ಅಲ್ಪ ಅಧಿಕಾರ ಸಿಕ್ಕಿದರೆ ಗರ್ವದಿಂದ ನಡೆದುಕೊಳ್ಳುತ್ತಾರೆ. ಆದರೆ ದೇವೇಗೌಡರು ತಮ್ಮ ಬದುಕಿನಲ್ಲಿ ಎಲ್ಲಾ ಸಾಧುಗಳು ಹಾಗೂ ಗ್ರಾಮೀಣ ಜನತೆಯ ಜೊತೆ ಸೌಮ್ಯದಲ್ಲಿ ನಡೆದುಕೊಳ್ಳುತ್ತಿದ್ದಾರೆ. ಅಂತಹವರಿಗೆ ರಾಷ್ಟ್ರಪತಿ ಪದವಿ ನೀಡಬೇಕು ಎಂದರು.
ವಿಧಾನಸಭಾ ಪ್ರತಿಪಕ್ಷ ನಾಯಕರಾಗಿರುವ ಸಿದ್ದರಾಮಯ್ಯ ಅವರು ಮುಂದಿನ ದಿನಗಳಲ್ಲಿ ಮುಖ್ಯಮಂತ್ರಿಯಾಗುವ ಯೋಗವಿದೆ ಎಂದು ಇತ್ತೀಚೆಗಷ್ಟೇ ಕೋಡಿಶ್ರೀಗಳು ಭವಿಷ್ಯ ನುಡಿದಿದ್ದನ್ನು ಇಲ್ಲಿ ಸ್ಮರಿಸಿಕೊಳ್ಳಬಹುದು.