ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಹಗರಣ ನಡೆದಿಲ್ಲವಾದ್ರೆ ಸಿಎಂ ಮನೆ ಆಳಾಗ್ತೇನೆ: ಉಗ್ರಪ್ಪ (Ugrappa | Congress | Yeddyurappa | JDS | Karnataka legislative council)
Feedback
Printಹಗರಣ ನಡೆದಿಲ್ಲವಾದ್ರೆ ಸಿಎಂ ಮನೆ ಆಳಾಗ್ತೇನೆ: ಉಗ್ರಪ್ಪ 
ಮೇಲ್ಮನೆಯಲ್ಲಿ ಕೋಲಾಹಲ ಸೃಷ್ಟಿಸಿದ ಸೈಕಲ್ ಖರೀದಿ ಹಗರಣ...
ಬೆಂಗಳೂರು, ಮಂಗಳವಾರ, 22 ಡಿಸೆಂಬರ್ 2009( 16:28 IST )
NRB
ಮಂಗಳವಾರ ಮೇಲ್ಮನೆ ಕಲಾಪದಲ್ಲಿ ಸೈಕಲ್ ಹಗರಣ ಸಾಕಷ್ಟು ಕೋಲಾಹಲ ಸೃಷ್ಟಿಸಿತು. ಕೇವಲ 2,100ರೂಪಾಯಿಗೆ ಸಿಗುವ ಸೈಕಲನ್ನು2,400ರೂ.ಗೆ ಖರೀದಿ ಮಾಡಲಾಗಿದೆ. ಕಳೆದ ವರ್ಷ ಸಹ ಇದೇ ರೀತಿಯಾಗಿತ್ತು. ಆ ಸಂದರ್ಭದಲ್ಲಿ ಮುಖ್ಯಮಂತ್ರಿ ಯಡಿಯೂರಪ್ಪ ಅವರು ನನ್ನ ನೇತೃತ್ವದಲ್ಲಿ ಸಮಿತಿ ರಚಿಸುವುದಾಗಿ ತಿಳಿಸಿದ್ದರು. ಒಂದು ವರ್ಷವಾದರೂ ಈ ಬಗ್ಗೆ ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಆರೋಪಿಸಿದರು.
ಉಗ್ರಪ್ಪ ಅವರ ಆರೋಪಕ್ಕೆ ಪ್ರತಿಕ್ರಿಯಿಸಿದ ಸಿಎಂ, ಸೈಕಲ್ ಖರೀದಿಯಲ್ಲಿ ಯಾವುದೇ ಹಗರಣ ನಡೆದಿಲ್ಲ, ಈ ವಿಷಯದಲ್ಲಿ ಸರ್ಕಾರ ಪಾರದರ್ಶಕವಾಗಿ ನಡೆದುಕೊಂಡಿದೆ. ಟೆಂಡರ್ ಕರೆದು ನೆಗೋಷಿಯೇಟ್ ಮಾಡಿ ದೇಶದ ಹಲವು ಭಾಗಗಳಲ್ಲಿ ವಿಚಾರಿಸಿ ಅತ್ಯಂತ ಕಡಿಮೆ ಬೆಲೆಗೆ ಸೈಕಲ್ ಖರೀದಿಸಲಾಗಿದೆ. ಈ ಬಗ್ಗೆ ಯಾವುದೇ ತನಿಖೆಗೂ ಸಿದ್ದ ಎಂಬುದಾಗಿಯೂ ಹೇಳಿದರು.
ಮುಖ್ಯಮಂತ್ರಿಗಳ ಸಮಜಾಯಿಷಿ ಕೇಳಿ ಆಕ್ರೋಶಗೊಂಡ ಉಗ್ರಪ್ಪ,ಸೈಕಲ್ ಖರೀದಿಯಲ್ಲಿ ಹಗರಣ ನಡೆದಿಲ್ಲ ಎಂದಾದರೆ ತಾನು ರಾಜಕೀಯ ಸನ್ಯಾಸ ತೆಗೆದುಕೊಂಡು, ಸಿಎಂ ಮನೆಯಲ್ಲಿ ಆಳಾಗಿ ದುಡಿಯುತ್ತೇನೆ ಎಂದು ಸವಾಲು ಹಾಕಿದರು.
ಸೈಕಲ್ ಖರೀದಿ ಹಗರಣದ ಆರೋಪ-ಪ್ರತ್ಯಾರೋಪ ನಡೆಯುತ್ತಿರುವ ನಡುವೆಯೇ ಜೆಡಿಎಸ್ ಸದಸ್ಯರೂ ಧ್ವನಿಗೂಡಿಸಿದರು. ನಂತರ ಪ್ರತಿಪಕ್ಷಗಳ ಒತ್ತಡಕ್ಕೆ ಮಣಿದ ಮುಖ್ಯಮಂತ್ರಿಗಳು ಸೈಕಲ್ ಖರೀದಿ ಹಗರಣ ಕುರಿತು ತನಿಖೆ ನಡೆಸಲು ಜಂಟಿ ಸದನ ಸಮಿತಿ ರಚಿಸುವುದಾಗಿ ಹೇಳಿದರು.