ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ರೇಣುಕಾಚಾರ್ಯ ಪ್ರಮಾಣವಚನ ಸಮಾರಂಭಕ್ಕೆ ಬಹಿಷ್ಕಾರ (Renukacharya | BJP | Congress | JDS | Yeddyurappa)
Feedback
Printರೇಣುಕಾಚಾರ್ಯ ಪ್ರಮಾಣವಚನ ಸಮಾರಂಭಕ್ಕೆ ಬಹಿಷ್ಕಾರ 
ಸಚಿವಸ್ಥಾನಕ್ಕೆ ವಿರೋಧ-ಬೆಂಗಳೂರು ಶಾಸಕರು ಗರಂ...
ಬೆಂಗಳೂರು, ಬುಧವಾರ, 23 ಡಿಸೆಂಬರ್ 2009( 19:09 IST )
NRB
ರೇಣುಕಾಚಾರ್ಯ ಅವರು ಸಚಿವರಾಗುವುದಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿ, ಮಂಗಳವಾರ ಶಾಸಕ ನಂದೀಶ್ ರೆಡ್ಡಿ ನೇತೃತ್ವದಲ್ಲಿ ಸುಮಾರು 28 ಶಾಸಕರು ಸಹಿ ಸಂಗ್ರಹ ನಡೆಸಿದ್ದರು. ಆದರೆ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು ಮಾತುಕತೆ ನಡೆಸುವ ಮೂಲಕ ಭಿನ್ನಮತ ಶಮನಗೊಂಡು ರೇಣುಕಾಚಾರ್ಯ ಸಚಿವಪಟ್ಟದ ಹಾದಿ ಸುಗಮವಾಗಿತ್ತು.
ಇದೀಗ ಬೂದಿಮುಚ್ಚಿದ ಕೆಂಡ ಎಂಬಂತಾಗಿರುವ ಬಿಜೆಪಿಯ ಬೆಂಗಳೂರು ನಗರದ ಶಾಸಕರು ಗರಂ ಆಗಿದ್ದು, ನಾಳೆ ನಡೆಯಲಿರುವ ರೇಣುಕಾಚಾರ್ಯ ಪ್ರಮಾಣವಚನ ಸ್ವೀಕಾರ ಸಮಾರಂಭಕ್ಕೆ ಹೋಗುವುದಿಲ್ಲ ಎಂದು ಶಾಸಕ ಸತೀಶ್ ರೆಡ್ಡಿ ತಿಳಿಸಿದ್ದಾರೆ. ಅಲ್ಲದೇ, ವಿಧಾನಸಭಾ ಅಧಿವೇಶನದಲ್ಲೂ ಭಾಗವಹಿಸುವುದಿಲ್ಲ ಎಂದು ಹೇಳಿದ್ದಾರೆ. ಬೆಳ್ಳುಬ್ಬಿ, ನಾರಾಯಣಸ್ವಾಮಿಯಂತಹ ಹಿರಿಯರು ಇದ್ದಾಗಲೂ ಹೊಸಬರಿಗೆ ಸಚಿವ ಸ್ಥಾನ ನೀಡುವುದು ಸರಿಯಲ್ಲ ಎಂಬುದಾಗಿಯೂ ಅವರು ಈ ಸಂದರ್ಭದಲ್ಲಿ ಅಸಮಾಧಾನ ವ್ಯಕ್ತಪಡಿಸಿದರು.
ಒಂದು ಹಂತದಲ್ಲಿ ಬಿಜೆಪಿಯಲ್ಲಿನ ಭಿನ್ನಮತ ಶಮನಗೊಂಡಂತೆ ಕಂಡರೂ ಕೂಡಾ, ಅತೃಪ್ತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವುದರಿಂದ ಆಡಳಿತಾರೂಢ ಬಿಜೆಪಿ ಸರ್ಕಾರದ ಗಂಡಾಂತರ ಮುಂದುವರಿದಂತಾಗಿದೆ.
ಗುರುವಾರ ಬೆಳಿಗ್ಗೆ 10.30ಕ್ಕೆ ರಾಜಭವನದಲ್ಲಿ ರೇಣುಕಾಚಾರ್ಯ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ. ರೇಣುಕಾಚಾರ್ಯಗೆ ವಸತಿ ಖಾತೆ ದೊರೆಯುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.