ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಯಾವನ್ರಿ ಸಿಎಂ ಬ್ಲಡಿ ಬಾಸ್ಟರ್ಡ್!: ದೇವೇಗೌಡ ಉವಾಚ (Deve gowda | Yeddyurappa | BJP | JDS | Congress)
Feedback
Printಯಾವನ್ರಿ ಸಿಎಂ ಬ್ಲಡಿ ಬಾಸ್ಟರ್ಡ್!: ದೇವೇಗೌಡ ಉವಾಚ 
ದೇವೇಗೌಡರ ಹೇಳಿಕೆಯಿಂದ ಮನಸ್ಸಿಗೆ ನೋವಾಗಿದೆ-ಸಿಎಂ
ಬೆಂಗಳೂರು, ಭಾನುವಾರ, 10 ಜನವರಿ 2010( 18:34 IST )
PTI
ದೊಡ್ಡತೋಗೂರಿನಲ್ಲಿ ರೈತರನ್ನು ಉದ್ದೇಶಿಸಿ ದೇವೇಗೌಡರು ಮಾತನಾಡುತ್ತ, ಮುಖ್ಯಮಂತ್ರಿ ವಿರುದ್ಧ ಅಸಭ್ಯ ಶಬ್ದ ಪ್ರಯೋಗದೊಂದಿಗೆ ಆಕ್ರೋಶ ವ್ಯಕ್ತಪಡಿಸಿದ್ದರು. ನೈಸ್‌ಗಾಗಿ ರೈತರ ಭೂಮಿ ಕಬಳಿಸುತ್ತಿರುವ ವಿರುದ್ಧ ನಿಜವಾದ ಯುದ್ಧ ಈಗ ಆರಂಭವಾಗಿದೆ. ರೈತರಿಗೆ ನ್ಯಾಯ ಸಿಗುವವರೆಗೂ ಹೋರಾಟ ಮಾಡುವುದಾಗಿ ಘೋಷಿಸಿದರು.
ನಾ ಯಡಿಯೂರಪ್ಪಗೆ ಬೈದಿಲ್ಲ-ದೇವೇಗೌಡ: ನಾನು ಯಡಿಯೂರಪ್ಪನವರಿಗೆ ಕೆಟ್ಟ ಪದಗಳಿಂದ ಬೈದಿಲ್ಲ ಎಂದಿರುವ ದೇವೇಗೌಡರು, ರಾಜ್ಯದ ಪತ್ರಿಕೆಯೊಂದರಲ್ಲಿ ಪ್ರಕಟವಾದ ಕಾರ್ಟೂನ್ ಬರೆದಿರುವ ಬಗ್ಗೆ, ಆ ಪತ್ರಿಕೆಯ ಮಾಲೀಕ, ರಾಜ್ಯದ ಅಡ್ವೊಕೇಟ್ ಜನರಲ್ ಅಶೋಕ್ ಹಾರ್ನಳ್ಳಿಗೆ ಬೈದಿರುವುದಾಗಿ ಸ್ಪಷ್ಟನೆ ನೀಡಿದ್ದಾರೆ. ಆ ನಿಟ್ಟಿನಲ್ಲಿ ನಾನು ಯಡಿಯೂರಪ್ಪನವರಿಗೆ ಬೈದಿದ್ದರೆ ಕ್ಷಮೆ ಕೇಳಬಹುದಿತ್ತು ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.
NRB
ಹಿರಿಯರಾದ ಗೌಡರ ಬಗ್ಗೆ ಅಪಾರವಾದ ಗೌರವವಿದೆ. ಆದರೆ ರಾಜ್ಯದ ಜನತೆ ಎಲ್ಲವನ್ನೂ ಗಮನಿಸುತ್ತಿದ್ದಾರೆ ಎಂಬ ಅರಿವು ಅವರಿಗೆ ಇರಬೇಕು ಎಂದು ಹೇಳಿದರು.
ಗೌಡರು ಬೇಷರತ್ ಕ್ಷಮೆ ಕೇಳ್ಬೇಕು-ಧನಂಜಯ್ ಕುಮಾರ್: ಮಾಜಿ ಪ್ರಧಾನಿಯಾಗಿ ಇಷ್ಟು ಅಸಭ್ಯ ಪದ ಬಳಸುವುದು ಅವರಿಗೆ ಶೋಭೆ ತರುವದಲ್ಲ. ಇದಕ್ಕಿಂತ ಕೀಳು ಮಟ್ಟದ ರಾಜಕೀಯ ಸಂಸ್ಕೃತಿ ಇನ್ನಿಲ್ಲ ಎಂದು ಪಕ್ಷದ ವಕ್ತಾರ ಧನಂಜಯ್ ಕುಮಾರ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ದೇವೇಗೌಡರು ಬಳಸಿರುವ ಪದ ಅವರ ಪಕ್ಷದ ಸಂಸ್ಕೃತಿಯನ್ನು ಬಿಂಬಿಸುತ್ತದೆ. ಮುಖ್ಯಮಂತ್ರಿಗಳ ವಿರುದ್ಧ ಕೆಟ್ಟ ಪದ ಬಳಕೆ ಮಾಡಿರುವ ದೇವೇಗೌಡರು ಬೇಷರತ್ ಆಗಿ ಕ್ಷಮೆಯಾಚಿಸಬೇಕು, ಇಲ್ಲದಿದ್ದರೆ ಕಾನೂನು ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು ಎಚ್ಚರಿಸಿದ್ದಾರೆ.
ಆ ರೀತಿ ಹೇಳಬಾರದು-ದತ್ತ: ಮುಖ್ಯಮಂತ್ರಿಗಳ ವಿರುದ್ಧ ದೇವೇಗೌಡರು ಯಾವ ಭಾಷೆ ಬಳಸಿದ್ದಾರೆ ಎಂದು ಗೊತ್ತಿಲ್ಲ, ಆದರೆ ಮಾಜಿ ಪ್ರಧಾನಿಗಳಾದ ಗೌಡರು ತಮ್ಮ ಸುದೀರ್ಘ ರಾಜಕೀಯ ಜೀವನದಲ್ಲಿ ಈವರೆಗೂ ಅಂತಹ ಕೆಟ್ಟ ಪದ ಬಳಕೆ ಮಾಡಿದವರಲ್ಲ, ಬಹುಶ ಆವೇಶಕ್ಕೊಳಗಾಗಿ ಅಂತಹ ಪದ ಬಳಸಿರಬಹುದೇನೋ. ಆದರೂ ಕೆಟ್ಟ ಪದ ಬಳಕೆ ಸರಿಯಲ್ಲ ಎಂದು ಜೆಡಿಎಸ್ ವಕ್ತಾರ ವೈಎಸ್‌ವಿ ದತ್ತ ಪ್ರತಿಕ್ರಿಯಿಸಿದ್ದಾರೆ.