ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ದೇವರೇ ದೇವೇಗೌಡರಿಗೆ ಒಳ್ಳೆ ಬುದ್ಧಿ ಕೊಡಪ್ಪಾ! (Deve gowda | MLA Ravi | BJP | JDS | Yeddyurappa)
Feedback
Printದೇವರೇ ದೇವೇಗೌಡರಿಗೆ ಒಳ್ಳೆ ಬುದ್ಧಿ ಕೊಡಪ್ಪಾ! 
ಶಾಸಕ ಸಿ.ಟಿ.ರವಿ ನೇತೃತ್ವದಲ್ಲಿ ಗಣಪತಿಗೆ ಪೂಜೆ...
ಚಿಕ್ಕಮಗಳೂರು, ಸೋಮವಾರ, 22 ಫೆಬ್ರವರಿ 2010( 12:54 IST )
NRB
ಚಿಕ್ಕಮಗಳೂರಿನ ಗಣಪತಿ ದೇವಸ್ಥಾದಲ್ಲಿ ಶಾಸಕ ರವಿ ತಮ್ಮ ಬೆಂಬಲಿಗರೊಂದಿಗೆ ಆಗಮಿಸಿ, ಗೌಡರಿಗೆ ಒಳ್ಳೆಯ ಬುದ್ಧಿ ಕೊಡು ಎಂದು ಪ್ರಾರ್ಥಿಸಿ ಪೂಜೆ ಸಲ್ಲಿಸಿದರು.
ಪೂಜೆಯ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಗೌಡರಿಂದ ಅಭಿವೃದ್ಧಿಗೂ ವಿಘ್ನ, ಸಾಮರಸ್ಯಕ್ಕೂ ವಿಘ್ನ, ಒಳ್ಳೆ ಸರ್ಕಾರಕ್ಕೂ ಅಡ್ಡಗಾಲು ಹೀಗೆ ಪ್ರತಿಯೊಂದಕ್ಕೂ ವಿಘ್ನ ಒಡ್ಡುತ್ತಿರುವ ಮಾಜಿ ಪ್ರಧಾನಿ ಗೌಡರಿಗೆ ಈ ಇಳಿವಯಸ್ಸಿನಲ್ಲಿ ದೇವರಾದರು ಒಳ್ಳೆಯ ಬುದ್ದಿ ಕೊಡಲೆಂದು ಪ್ರಾರ್ಥಿಸಿ ಪೂಜೆ ನೀಡಿರುವುದಾಗಿ ಹೇಳಿದರು.
ರಾಜ್ಯದಲ್ಲಿ ಗೋ ಹತ್ಯೆ ನಿಷೇಧ ಜಾರಿಗೆ ನಿರ್ಧಾರ ಕೈಗೊಂಡಾಗ ಅದಕ್ಕೂ ಗೌಡರು ವಿರೋಧಿಸಿದರು, ನಂತರ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪನವರ ವಿರುದ್ಧವೇ ಕೀಳುಮಟ್ಟದ ಭಾಷೆ ಉಪಯೋಗಿಸಿ ವಾಗ್ದಾಳಿ ನಡೆಸಿದರು. ಅಡ್ವೊಕೇಟ್ ಜನರಲ್ ಅಶೋಕ್ ಹಾರ್ನಳ್ಳಿಗೂ ಬೈಗುಳ, ಇದೀಗ ಧರ್ಮಸ್ಥಳದ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆಯವರ ವಿರುದ್ಧವೇ ಹೇಳಿಕೆ ನೀಡುತ್ತಿದಾರೆಂದ ಮೇಲೆ ಅವರಿಗೆ ಅರಳುಮರುಳು ಆಗಿರಬೇಕು ಎಂದು ಹೇಳಿದರು.
ಈ ಇಳಿ ವಯಸ್ಸಿನಲ್ಲಿ ಹಿರಿಯ ರಾಜಕಾರಣಿಯಾಗಿರುವ ದೇವೇಗೌಡರು ಎಡಬಿಡಂಗಿತನದ ಹೇಳಿಕೆ ನೀಡುವುದನ್ನು ಬಿಟ್ಟು ಇನ್ನಾದರೂ ಒಳ್ಳೆಯ ರೀತಿಯ ಮನುಷ್ಯರಾಗಲಿ ಎಂದು ಪ್ರಾರ್ಥಿಸಿ ದೇವರ ಮೊರೆ ಹೋಗಿರುವುದಾಗಿ ರವಿ ತಿಳಿಸಿದರು.
ಸಿ.ಟಿ.ರವಿ ವಿರುದ್ಧ ಜೆಡಿಎಸ್ ಧರಣಿ: ಮಾಜಿ ಪ್ರಧಾನಿ ದೇವೇಗೌಡರಿಗೆ ಸದ್ಭುದ್ದಿ ನೀಡಲಿ ಎಂದು ಶಾಸಕ ಸಿ.ಟಿ.ರವಿ ಗಣಪತಿ ದೇವರಿಗೆ ಪೂಜೆ ಸಲ್ಲಿಸಿರುವುದನ್ನು ವಿರೋಧಿಸಿ ಚಿಕ್ಕಮಗಳೂರು ಜೆಡಿಎಸ್ ಜಿಲ್ಲಾಧ್ಯಕ್ಷ ಬೋಜೆಗೌಡ ನೇತೃತ್ವದಲ್ಲಿ ಗಣಪತಿ ದೇವಸ್ಥಾನ ಸಮೀಪ ಧರಣಿ ನಡೆಸಿದರು.
ದೇವರ ಹೆಸರಲ್ಲಿ ವೀರೇಂದ್ರ ಹೆಗ್ಗಡೆ ಶೋಷಣೆ: ದೇವೇಗೌಡ