ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ರಾಸಲೀಲೆ ಪುರಾಣ: ಕೋರ್ಟ್‌ನಲ್ಲೇ ಧ್ಯಾನಮಗ್ನನಾದ ನಿತ್ಯಾನಂದ! (Nithyananda | Court | Tamil nadu | Ranjitha | Karnataka)
Feedback
Printರಾಸಲೀಲೆ ಪುರಾಣ: ಕೋರ್ಟ್‌ನಲ್ಲೇ ಧ್ಯಾನಮಗ್ನನಾದ ನಿತ್ಯಾನಂದ! 
ಬೆಂಗಳೂರು, ಗುರುವಾರ, 29 ಏಪ್ರಿಲ್ 2010( 11:22 IST )
PTI
ಸೋಮವಾರವಷ್ಟೇ ನಿತ್ಯಾನಂದನನ್ನು ಜಿಲ್ಲಾ ಸತ್ರ ನ್ಯಾಯಾಲಯಕ್ಕೆ ಹಾಜರು ಪಡಿಸಿದ ಸಂದರ್ಭದಲ್ಲಿ ಎರಡು ದಿನಗಳ ಕಾಲ ಕಸ್ಟಡಿಗೆ ಒಪ್ಪಿಸಿದ್ದರು. ಆ ಅವಧಿ ಬುಧವಾರ ಅಂತ್ಯಗೊಂಡ ಹಿನ್ನೆಲೆಯಲ್ಲಿ ಸಂಜೆ ಪುನಃ ನ್ಯಾಯಾಲಯಕ್ಕೆ ಹಾಜರುಪಡಿಸಿದಾಗ, ಹೆಚ್ಚಿನ ವಿಚಾರಣೆಗಾಗಿ ಮತ್ತೆರಡು ದಿನ ಕಸ್ಟಡಿ ವಿಸ್ತರಿಸಿ ಆದೇಶ ನೀಡಿದೆ.
ತಾಜಾ ಸುದ್ದಿಗಳು ತಕ್ಷಣ ಲಭ್ಯವಾಗಲು ಟ್ವಿಟ್ಟರ್‌ನಲ್ಲಿ ನಮ್ಮನ್ನು ಫಾಲೋ ಮಾಡಿ
ಕೋರ್ಟ್‌ನಲ್ಲೇ ಧ್ಯಾನ ಮಗ್ನನಾದ ನಿತ್ಯಾನಂದ!: ಬುಧವಾರ ಕೋರ್ಟ್‌ಗೆ ಹಾಜರುಪಡಿಸಿದ ಸಂದರ್ಭದಲ್ಲಿ, ನಿತ್ಯಾನಂದ ಸಿಐಡಿ ಪೊಲೀಸರು ತನ್ನಿಂದ ವಶಪಡಿಸಿಕೊಂಡ ರುದ್ರಾಕ್ಷಿ ಸರವನ್ನು ವಾಪಸು ಕೊಡುವಂತೆ ಸ್ವಾಮಿ ಪರ ವಕೀಲರುಮನವಿ ಮಾಡಿಕೊಂಡರು. ರುದ್ರಾಕ್ಷಿ ಸರದಿಂದ ನಿತ್ಯಾನಂದ ಪ್ರಾಣಕ್ಕೆ ಏನಾದರು ಅಪಾಯ ಮಾಡಿಕೊಳ್ಳಬಹುದೆಂಬ ಮುನ್ನೆಚ್ಚರಿಕೆಯಿಂದ ವಶಕ್ಕೆ ತೆಗೆದುಕೊಳ್ಳಲಾಗಿತ್ತು ಎಂದು ಸಿಐಡಿ ಪರ ವಕೀಲರು ನ್ಯಾಯಾಲಯಕ್ಕೆ ಮನವರಿಕೆ ಮಾಡಿಕೊಟ್ಟರು. ಆ ಸಂದರ್ಭದಲ್ಲೇ ಕೋರ್ಟ್, ಸ್ವಾಮಿಯ ರುದ್ರಾಕ್ಷಿ ಸರ ಹಿಂದಿರುಗಿಸುವ ಬಗ್ಗೆ ಮಧ್ಯಪ್ರವೇಶಿಸುವುದಿಲ್ಲ ಎಂದು ನ್ಯಾಯಪೀಠ ಸ್ಪಷ್ಟಪಡಿಸಿತ್ತು. ಏತನ್ಮಧ್ಯೆ ಅಸಾಮಿ ಕೋರ್ಟ್‌ನಲ್ಲೇ ಧ್ಯಾನಮಗ್ನನಾಗಿಬಿಟ್ಟಿದ್ದ ಘಟನೆಯೂ ನಡೆಯಿತು.
ಕಪಟ ನಾಟಕ ಇನ್ನೂ ಇದೆಯೇ?: ರಾಸಲೀಲೆ ಪ್ರಕರಣದಲ್ಲಿ ಬಂಧಿತನಾಗಿ ಸಿಐಡಿ ಪೊಲೀಸರ ವಶದಲ್ಲಿದ್ದ ಸಂದರ್ಭದಲ್ಲಿ ನಿತ್ಯಾನಂದ ನಿದ್ದೆ, ಧ್ಯಾನ, ಎದೆನೋವು ಎಂಬ ನಾಟಕದ ಮೂಲಕ ವಿಚಾರಣೆಗೆ ಅಡ್ಡಿಪಡಿಸುತ್ತಿದ್ದ. ಇದೀಗ ಕೋರ್ಟ್ ಮತ್ತೆರಡು ದಿನ ಕಸ್ಟಡಿ ಅವಧಿ ವಿಸ್ತರಿಸಿದೆ. ಅಂತೂ ವಿಚಾರಣೆಗೆ ಸಮರ್ಪಕವಾಗಿ ಸಹಕರಿಸಬಾರದೆಂಬ ಕುತಂತ್ರ ಸ್ವಾಮಿಯದ್ದಾಗಿದ್ದರಿಂದ ಎರಡು ದಿನದ ವಿಚಾರಣೆ ಸಂದರ್ಭದಲ್ಲಿ ಮತ್ತೆ ಯಾವ ರೀತಿಯ ನಾಟಕ ಆಡುತ್ತಾನೆ ಎಂಬುದನ್ನು ಕಾದು ನೋಡಬೇಕು.
ಪ್ರಕರಣಕ್ಕೆ ತಿರುವು ನೀಡಿದ ರಂಜಿತಾ: ಏತನ್ಮಧ್ಯೆ ರಾಸಲೀಲೆ ಪ್ರಕರಣದ ಕೇಂದ್ರ ಬಿಂದುವಾಗಿದ್ದ ನಟಿ ರಂಜಿತಾ ಬುಧವಾರ ಸ್ವತಃ ಸಿಐಡಿ ಪೊಲೀಸ್ ಹಿರಿಯ ಅಧಿಕಾರಿಗಳಿಗೆ ದೂರವಾಣಿ ಕರೆ ಮಾಡಿ, ಪ್ರಕರಣಕ್ಕೆ ಸಂಬಂಧಿಸಿದಂತೆ ತಾನು ವಿಚಾರಣೆಗೆ ಸಹಕರಿಸುವುದಾಗಿ ತಿಳಿಸಿದ್ದಾಳೆ ಎನ್ನಲಾಗಿದೆ. ಈಗಾಗಲೇ ನಿತ್ಯಾನಂದನ ಕಾರು ಚಾಲಕ ಲೆನಿನ್ ಕರುಪ್ಪನ್ ವಿಚಾರಣೆ ನಡೆಸಿ, ಸಾಕಷ್ಟು ಮಾಹಿತಿ ಕಲೆಹಾಕಿದ್ದಾರೆ. ಇನ್ನು ನಟಿ ರಂಜಿತಾ ವಿಚಾರಣೆ ಸಂದರ್ಭ ಬಾಯ್ಬಿಡುವ ಅಂಶ ಪ್ರಕರಣಕ್ಕೆ ಮತ್ತಷ್ಟು ಕಾವು ನೀಡಲಿದೆ.