ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಹಾಲಪ್ಪ ದೋಷಮುಕ್ತರಾಗಿ ಹೊರಬರಲಿದ್ದಾರೆ: ರಾಘವೇಂದ್ರ ಭವಿಷ್ಯ (B.Y.Raghavendra | Yadyurappa | Haratal Halappa | Sex Scandal)
Feedback
Printಹಾಲಪ್ಪ ದೋಷಮುಕ್ತರಾಗಿ ಹೊರಬರಲಿದ್ದಾರೆ: ರಾಘವೇಂದ್ರ ಭವಿಷ್ಯ 
ಸೊರಬ, ಭಾನುವಾರ, 30 ಮೇ 2010( 18:20 IST )
NRB
ದಂಡಾವತಿ ಯೋಜನೆ ಆಗದಂತೆ ತಡೆಯಲು ಪರ ರಾಜ್ಯದ ರಾಜಕಾರಣಿಗಳ ಮುಖಾಂತರ ತಡೆಯೊಡ್ಡುವ ಪ್ರಯತ್ನ ಹಾಗೂ ಹಾಲಪ್ಪ ಪ್ರಕರಣದ ವಿಚಾರದಲ್ಲಿ ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪ ಕುಟುಂಬದವರು ವಿಫಲರಾಗಲಿದ್ದಾರೆ. ಹಾಲಪ್ಪ ಕಳಂಕ ಮುಕ್ತರಾಗುವುದು ಹಾಗೂ ದಂಡಾವತಿ ಯೋಜನೆ ಅನುಷ್ಠಾನಗೊಳ್ಳುವುದು ಶತಸಿದ್ಧ ಎಂದರು.
ತಾಲೂಕಿನ 39 ಗ್ರಾ.ಪಂ.ಗಳಲ್ಲಿ 23 ಬಿಜೆಪಿ ವಶವಾಗಿದ್ದು, 250 ಸದಸ್ಯರು ಜಯಗಳಿಸಿದ್ದಾರೆ. ತಾಲೂಕನ್ನು ನಂಜುಂಡಪ್ಪ ವರದಿಯಿಂದ ಹೊರತರಲು ಪಕ್ಷ ಸಂಪೂರ್ಣವಾಗಿ ತೊಡಗಿಸಿಕೊಂಡಿದೆ. ಸರಕಾರದಿಂದ ಬರುವ ಎಲ್ಲ ಸವಲತ್ತುಗಳನ್ನು ಪ್ರಥಮ ಆದ್ಯತೆ ನೀಡಿ ತಾಲೂಕಿಗೆ ತರಲಾಗುತ್ತದೆ. ಇದಕ್ಕಾಗಿ ಉತ್ತಮವಾಗಿ ಕಾರ್ಯ ನಿರ್ವಹಿಸಬೇಕೆಂದು ನೂತನ ಗ್ರಾ.ಪಂ.ಸದಸ್ಯರಿಗೆ ಕಿವಿ ಮಾತು ಹೇಳಿದರು.
ರಾಜ್ಯ ಸರಕಾರದಿಂದ ಅಭಿವೃದ್ದಿ ಅನುದಾನಗಳ ಸುರಿಮಳೆಯಾಗುತ್ತಿದ್ದು, ಅವುಗಳನ್ನು ಸಮರ್ಪಕವಾಗಿ ಜನತೆಗೆ ತಲುಪಿಸಿ ರಾಮರಾಜ್ಯ ನಿರ್ಮಾಣ ಮಾಡುವ ಹೊಣೆ ಸದಸ್ಯರ ಮೇಲಿದೆ ಎಂದರು.