ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಸುಟ್ಟು ಕರಕಲಾದ ಶವಗಳಿಂದ ಚಿನ್ನ ಎಗರಿಸಿದವ ಸೆರೆ (Mangalore | Bajpe Aircrash | Jewellery Stolen from Dead bodies)
Feedback
Printಸುಟ್ಟು ಕರಕಲಾದ ಶವಗಳಿಂದ ಚಿನ್ನ ಎಗರಿಸಿದವ ಸೆರೆ 
ಮಂಗಳೂರು, ಬುಧವಾರ, 2 ಜೂನ್ 2010( 11:23 IST )
PTI
ಅವಘಡದಲ್ಲಿ ಸುಟ್ಟು ಕರಕಲಾದ ಪ್ರಯಾಣಿಕರ ಶವಗಳ ಮೇಲಿಂದ ಬಂಧಿತ ಆರೋಪಿಯು ಆಭರಣಗಳನ್ನು ಕದ್ದಿದ್ದು, ಆತನಿಂದ 256.9 ಗ್ರಾಂ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ. ಇಷ್ಟು ಮಾತ್ರವಲ್ಲದೆ ಆತನಿಂದ ಸುಮಾರು 6.37 ವಕ್ಷ ರೂಪಾಯಿ ಮೌಲ್ಯದ ಒಂದು ಕಾರನ್ನೂ ವಶಪಡಿಸಿಕೊಳ್ಳಲಾಗಿದೆ.
ಕದ್ದ ಮಾಲು ಮಾರಾಟಕ್ಕೆ ಸೆಂಟ್ರಲ್ ಮಾರ್ಕೆಟ್ ಪ್ರದೇಶಕ್ಕೆ ಬರುತ್ತಾನೆಂಬ ಸುಳಿವು ಪಡೆದ ಪೊಲೀಸರು ಆತನಿಗಾಗಿ ಬಲೆ ಬೀಸಿದ್ದರು. ಆತ ಬಂದ ತಕ್ಷಣವೇ, ಕಾರು ತಡೆದು ಆತನನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ಮಾಡಿದಾಗ, ಒಂದು ಚಿನ್ನದ ಬಳೆ ಮತ್ತು ಸುಟ್ಟು ಕರಕಲಾದ ಕೆಲವು ಆಭರಣಗಳು ದೊರೆತಿದ್ದವು.
ಬಂಧಿತನನ್ನು ಮರವೂರಿನ ಸತ್ತಾರ್ ಎಂದು ಗುರುತಿಸಲಾಗಿದ್ದು, ಆತನನ್ನು ತೀವ್ರವಾಗಿ ವಿಚಾರಣೆಗೊಳಪಡಿಸಿದಾಗ, ಬಡ್ಡುಮಂಡೆ ಅಲಿಯಾಸ್ ಇರ್ಷಾದ್ ಎಂಬ ಜೋಕಟ್ಟೆ ಪ್ರದೇಶದ ರಿಕ್ಷಾ ಚಾಲಕನೊಂದಿಗೆ ಸೇರಿ, ಪರಿಹಾರ ಕಾರ್ಯಾಚರಣೆ ನಡೆಸುವ ನೆಪದಲ್ಲಿ ಹೆಣಗಳ ಮೈಮೇಲಿಂದ ಚಿನ್ನ ಎಗರಿಸಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಮತ್ತಷುಟ ತನಿಖೆ ನಡೆಯುತ್ತಿದೆ.