ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » 'ರಾಸಲೀಲೆ ನಿತ್ಯಾನಂದ' ಪ್ರವಚನಕ್ಕೆ 'ಹೈಕೋರ್ಟ್ ಅಸ್ತು' (Nithyanada | Halappa | High court | Police | Ranjith)
Feedback
Print'ರಾಸಲೀಲೆ ನಿತ್ಯಾನಂದ' ಪ್ರವಚನಕ್ಕೆ 'ಹೈಕೋರ್ಟ್ ಅಸ್ತು' 
ಹಾಲಪ್ಪಗೂ ವಿಧಿಸಿದ ಷರತ್ತು ಸಡಿಲಿಕೆ...
ಬೆಂಗಳೂರು, ಶನಿವಾರ, 10 ಜುಲೈ 2010( 10:33 IST )
NRB
ತಾಜಾ ಸುದ್ದಿಗಳು ತಕ್ಷಣ ಲಭ್ಯವಾಗಲು ಟ್ವಿಟ್ಟರ್‌ನಲ್ಲಿ ನಮ್ಮನ್ನು ಫಾಲೋ ಮಾಡಿ
ಅತ್ಯಾಚಾರ ಆರೋಪಕ್ಕೆ ಸಂಬಂಧಿಸಿದಂತೆ ಷರತ್ತು ಬದ್ಧ ಜಾಮೀನು ನೀಡುವ ಸಂದರ್ಭದಲ್ಲಿ ಹೈಕೋರ್ಟ್ ಹಾಲಪ್ಪಗೆ, ನಗರ ಪ್ರದೇಶ ಬಿಟ್ಟು ಹೋಗದಂತೆ ವಿಧಿಸಿದ್ದ ಕಟ್ಟನಿಟ್ಟಿನ ಷರತ್ತನ್ನು ಹೈಕೋರ್ಟ್ ಶುಕ್ರವಾರ ಸಡಿಲಗೊಳಿಸಿದ್ದು, ಹಾಲಪ್ಪ ಅವರು ಕೋರಿದ್ದ ವಿನಾಯಿತಿಗೆ ಅಸ್ತು ಎಂದಿದೆ.
ಹಾಲಪ್ಪ ಅವರು ಸ್ವಕ್ಷೇತ್ರ ಸೊರಬಕ್ಕಾಗಲಿ ಅಥವಾ ಯಾವುದೇ ಸ್ಥಳಗಳಿಗಾಗಲಿ ಅವರು ಹೋಗಬಹುದು. ಆದರೆ ತಿಂಗಳಿಗೊಮ್ಮೆ ಸಿಐಡಿ ಅಧಿಕಾರಿಗಳ ಕಚೇರಿಗೆ ಭೇಟಿ ನೀಡಿ ಸಹಿ ಹಾಕಬೇಕು ಮತ್ತು ತನಿಖೆಗೆ ಸಹಕರಿಸಬೇಕು ಎಂದು ಸೂಚನೆ ನೀಡಿದೆ.
ನ್ಯಾಯಮೂರ್ತಿ ಸುಭಾಷ್ ಬಿ.ಆದಿ ಅವರ ಏಕಸದಸ್ಯಪೀಠ ಈ ಆದೇಶ ನೀಡಿದ್ದು, ಹಾಲಪ್ಪನವರಿಗೆ ಈಗ ಪೂರ್ಣ ಸ್ವಾತಂತ್ರ್ಯ ನೀಡಿದಂತಾಗಿದೆ.
PTI
ನಿತ್ಯಾನಂದ ಅವರು ಧಾರ್ಮಿಕ ಪ್ರವಚನ ನೀಡುವಂತಿಲ್ಲ, ಪ್ರತಿ 15 ದಿನಕ್ಕೊಮ್ಮೆ ಬಿಡದಿ ಠಾಣೆಗೆ ತೆರಳಿ ಸಹಿ ಹಾಕಬೇಕು ಎಂದು ವಿಧಿಸಿದ್ದ ಷರತ್ತನ್ನು ಹೈಕೋರ್ಟ್ ಏಕಸದಸ್ಯಪೀಠ ಅನೂರ್ಜಿತಗೊಳಿಸಿದೆ. ಅಲ್ಲದೇ ತಿಂಗಳಿಗೊಮ್ಮೆ ಬಿಡದಿ ಠಾಣೆಗೆ ಹಾಜರಾಗುವಂತೆ ಸೂಚಿಸಿ, ಪ್ರವಚನಕ್ಕೆ ಅವಕಾಶ ನೀಡಿರುವುದಾಗಿ ತಿಳಿಸಿದೆ.