ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ತಪ್ಪು ಮಾಡಿದ್ರೆ ಜೈಲಿಗೆ ಹೋಗಲು ಸಿದ್ದ: ಶ್ರೀರಾಮುಲು ಸವಾಲ್ (Sri ramulu | BJP | Yeddyurappa | Congress | Siddaramaiah | Ballary)
Feedback
Printತಪ್ಪು ಮಾಡಿದ್ರೆ ಜೈಲಿಗೆ ಹೋಗಲು ಸಿದ್ದ: ಶ್ರೀರಾಮುಲು ಸವಾಲ್ 
ಬಳ್ಳಾರಿ, ಶನಿವಾರ, 10 ಜುಲೈ 2010( 13:31 IST )
ಬಳ್ಳಾರಿಯಲ್ಲಿ ಕಾಂಗ್ರೆಸ್ ಸಮಾವೇಶ ನಡೆಸಿಯೇ ಸಿದ್ದ ಎಂಬ ವಿಧಾನಸಭೆಯ ವಿಪಕ್ಷ ನಾಯಕ ಸಿದ್ದರಾಮಯ್ಯ ಅವರ ಸವಾಲನ್ನು ಸ್ವಾಗತಿಸುವುದಾಗಿ ಆರೋಗ್ಯ ಸಚಿವ ಶ್ರೀರಾಮುಲು ತಿಳಿಸಿದ್ದು, ಕಾಂಗ್ರೆಸ್ ಸಮಾವೇಶಕ್ಕೆ ತಾವೇ ಶಾಮೀಯಾನದ ವ್ಯವಸ್ಥೆ ಮಾಡಿಕೊಡುವುದಾಗಿ ತಿರುಗೇಟು ನೀಡಿದ್ದಾರೆ.
ಶನಿವಾರ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ವಿಪಕ್ಷಗಳು ಸದನದಲ್ಲಿ ನಡೆದುಕೊಳ್ಳುತ್ತಿರುವ ರೀತಿಗೆ ಆಕ್ರೋಶ ವ್ಯಕ್ತಪಡಿಸಿದರು. ಅಲ್ಲದೇ ಶುಕ್ರವಾರ ಕಲಾಪದಲ್ಲಿ ನಡೆದ ಘಟನೆಯಿಂದ ತುಂಬಾ ನೋವಾಗಿದೆ ಎಂದರು. ಒಂದು ವೇಳೆ ನಾವು ತಪ್ಪು ಮಾಡಿದ್ರೆ ಜೈಲಿಗೆ ಹೋಗಲು ಸಿದ್ದ ಎಂದರು.
ವಿರೋಧ ಪಕ್ಷಗಳು ಗಣಿಗಾರಿಕೆ ನೆಪವೊಡ್ಡಿ ಪದೇ, ಪದೇ ಟೀಕೆ ಮಾಡುವುದು ಸರಿಯಲ್ಲ. ಬಳ್ಳಾರಿ ಸಂಸ್ಕೃತಿ ಎಂಬ ಶಬ್ದ ಬಳಸಿದ್ದಕ್ಕೆ ನಮಗೆ ಸಿಟ್ಟು ಬರಿಸಲು ಕಾರಣವಾಗಿತ್ತು. ಆ ರೀತಿ ಹೇಳಿದ್ದಕ್ಕೆ ನಾವು ಕೂಡ ಆಕ್ಷೇಪ ವ್ಯಕ್ತಪಡಿಸಿದ್ದೇವೆ ಎಂದು ಶ್ರೀರಾಮುಲು ಸಮಜಾಯಿಷಿ ನೀಡಿದರು.
ಬಳ್ಳಾರಿ ಸಂಸ್ಕೃತಿ ಅಂದ್ರೆ ಏನು? ನಾವು ಗೂಂಡಾಗಳಲ್ಲ, ಕಾಂಗ್ರೆಸ್ ಮುಖಂಡರು ಆ ರೀತಿ ಶಬ್ದ ಬಳಸಿರುವುದರಿಂದ ಜಿಲ್ಲೆಯ ಶಾಸಕರಿಗೆ, ಜನರಿಗೆ ತುಂಬಾ ಬೇಸರವಾಗಿದೆ. ಕಳೆದ ಐವತ್ತು ವರ್ಷಗಳ ಕಾಲ ಬಳ್ಳಾರಿಯಲ್ಲಿ ಕಾಂಗ್ರೆಸ್ಸಿಗರೇ ಆಡಳಿತ ನಡೆಸಿದ್ದಾರೆ. ಆ ರೀತಿಯ ಸಂಸ್ಕೃತಿಯನ್ನು ಹುಟ್ಟು ಹಾಕಿದವರು ಕಾಂಗ್ರೆಸ್ ಪಕ್ಷದವರೇ ಎಂದು ದೂರಿದರು.
ಶನಿವಾರ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ವಿಪಕ್ಷಗಳು ಸದನದಲ್ಲಿ ನಡೆದುಕೊಳ್ಳುತ್ತಿರುವ ರೀತಿಗೆ ಆಕ್ರೋಶ ವ್ಯಕ್ತಪಡಿಸಿದರು. ಅಲ್ಲದೇ ಶುಕ್ರವಾರ ಕಲಾಪದಲ್ಲಿ ನಡೆದ ಘಟನೆಯಿಂದ ತುಂಬಾ ನೋವಾಗಿದೆ ಎಂದರು. ಒಂದು ವೇಳೆ ನಾವು ತಪ್ಪು ಮಾಡಿದ್ರೆ ಜೈಲಿಗೆ ಹೋಗಲು ಸಿದ್ದ ಎಂದರು.
ವಿರೋಧ ಪಕ್ಷಗಳು ಗಣಿಗಾರಿಕೆ ನೆಪವೊಡ್ಡಿ ಪದೇ, ಪದೇ ಟೀಕೆ ಮಾಡುವುದು ಸರಿಯಲ್ಲ. ಬಳ್ಳಾರಿ ಸಂಸ್ಕೃತಿ ಎಂಬ ಶಬ್ದ ಬಳಸಿದ್ದಕ್ಕೆ ನಮಗೆ ಸಿಟ್ಟು ಬರಿಸಲು ಕಾರಣವಾಗಿತ್ತು. ಆ ರೀತಿ ಹೇಳಿದ್ದಕ್ಕೆ ನಾವು ಕೂಡ ಆಕ್ಷೇಪ ವ್ಯಕ್ತಪಡಿಸಿದ್ದೇವೆ ಎಂದು ಶ್ರೀರಾಮುಲು ಸಮಜಾಯಿಷಿ ನೀಡಿದರು.
ಬಳ್ಳಾರಿ ಸಂಸ್ಕೃತಿ ಅಂದ್ರೆ ಏನು? ನಾವು ಗೂಂಡಾಗಳಲ್ಲ, ಕಾಂಗ್ರೆಸ್ ಮುಖಂಡರು ಆ ರೀತಿ ಶಬ್ದ ಬಳಸಿರುವುದರಿಂದ ಜಿಲ್ಲೆಯ ಶಾಸಕರಿಗೆ, ಜನರಿಗೆ ತುಂಬಾ ಬೇಸರವಾಗಿದೆ. ಕಳೆದ ಐವತ್ತು ವರ್ಷಗಳ ಕಾಲ ಬಳ್ಳಾರಿಯಲ್ಲಿ ಕಾಂಗ್ರೆಸ್ಸಿಗರೇ ಆಡಳಿತ ನಡೆಸಿದ್ದಾರೆ. ಆ ರೀತಿಯ ಸಂಸ್ಕೃತಿಯನ್ನು ಹುಟ್ಟು ಹಾಕಿದವರು ಕಾಂಗ್ರೆಸ್ ಪಕ್ಷದವರೇ ಎಂದು ದೂರಿದರು.
ಸಂಬಂಧಿತ ಮಾಹಿತಿ ಹುಡುಕಿ