ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಸಚಿವ ರೇಣುಕಾಚಾರ್ಯ ಯೂ ಟರ್ನ್!: ಯಡಿಯೂರಪ್ಪಗೆ ನಿಷ್ಠೆ (Goa | Renukacharya | BJP | Congress | Yeddyurappa,)
Feedback
Printಸಚಿವ ರೇಣುಕಾಚಾರ್ಯ ಯೂ ಟರ್ನ್!: ಯಡಿಯೂರಪ್ಪಗೆ ನಿಷ್ಠೆ 
ಬೆಂಗಳೂರು, ಶುಕ್ರವಾರ, 8 ಅಕ್ಟೋಬರ್ 2010( 09:30 IST )
NRB
ತಾಜಾ ಸುದ್ದಿಗಳು ತಕ್ಷಣ ಲಭ್ಯವಾಗಲು ಟ್ವಿಟ್ಟರ್‌ನಲ್ಲಿ ನಮ್ಮನ್ನು ಫಾಲೋ ಮಾಡಿ
ಮಡಗಾಂವ್ ರೆಸಾರ್ಟ್‌ನಿಂದ ದೂರವಾಣಿ ಮೂಲಕ ಟಿ.ವಿ.ವಾಹಿನಿಯೊಂದಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ನಾವೆಲ್ಲ ಶುಕ್ರವಾರ ಒಟ್ಟಾಗಿ ಬೆಂಗಳೂರಿಗೆ ಬರುತ್ತಿದ್ದೇವೆ. ಸರಕಾರವನ್ನು ಉರುಳಿಸುವ ಪ್ರಯತ್ನ ಮಾಡಲ್ಲ. ಅ.11ರಂದು ವಿಶ್ವಾಸಮತ ಯಾಚಿಸುವ ಸಂದರ್ಭದಲ್ಲಿ ಯಡಿಯೂರಪ್ಪನವರ ನಾಯಕತ್ವವನ್ನು ಬೆಂಬಲಿಸಿ ಮತ ನೀಡಲಿದ್ದೇವೆ ಎಂದು ಹೇಳಿ ರಾಜ್ಯರಾಜಕಾರಣದ ಹಾವು-ಏಣಿ ಆಟಕ್ಕೆ ಮತ್ತೊಂದು ತಿರುವು ನೀಡಿದ್ದಾರೆ.
ನಾವು ಯಾವುದೇ ಬೇಡಿಕೆ ಇಟ್ಟಿಲ್ಲ, ನಮ್ಮಿಂದ ಯಾವುದೇ ಷರತ್ತುಗಳೂ ಇಲ್ಲ. ಏನೆಲ್ಲ ನಡೆಯಿತು ಎನ್ನುವುದನ್ನು ಯಡಿಯೂರಪ್ಪ ಅವರನ್ನು ಭೇಟಿ ಮಾಡಿ ವಿವರಿಸುತ್ತೇವೆ ಎಂದು ರೇಣುಕಾಚಾರ್ಯ ಹೇಳಿದರು. ನಮ್ಮಲ್ಲಿ ಯಾವುದೇ ಭಿನ್ನಮತ ಇಲ್ಲ. ಎಲ್ಲರೂ ಒಟ್ಟಾಗಿದ್ದೇವೆ. ಗೋವಾದಲ್ಲಿ ಗೂಂಡಾಗಿರಿ ನಡೆದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
ವಿಶ್ವಾಸಮತ ಖಚಿತ-ಯಡಿಯೂರಪ್ಪ: ಅ.11ರಂದು ವಿಧಾನಸಭೆಯಲ್ಲಿ ನಡೆಯಲಿರುವ ವಿಶ್ವಾಸಮತ ಯಾಚನೆಯಲ್ಲಿ ಬಹುಮತವನ್ನು ಸಾಬೀತುಪಡಿಸುವುದು ಖಚಿತ ಎಂದು ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ವಿಶ್ವಾಸವ್ಯಕ್ತಪಡಿಸಿದ್ದಾರೆ.
ಕೇರಳದ ತಳಿಪರಂಬು ಬಳಿಯ ಪ್ರಸಿದ್ಧ ರಾಜರಾಜೇಶ್ವರ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿದ ನಂತರ ಸುದ್ದಿಗಾರರ ಜೊತೆ ಮಾತನಾಡಿದ ಅವರು, ಪಕ್ಷದ ಭಿನ್ನಮತೀಯರ ಜತೆ ಮಾತುಕತೆ ನಡೆಸಿ ಸಮಸ್ಯೆಯನ್ನು ಬಗೆಹರಿಸಲಾಗುವುದು ಹಾಗೂ ಭಿನ್ನಮತೀಯ ಶಾಸಕರು ವಿಶ್ವಾಸಮತ ಯಾಚನೆಯ ದಿನ ಸದನಕ್ಕೆ ಖಂಡಿತಾ ಹಾಜರಾಗುತ್ತಾರೆ. ನಮಗೀಗ ಯಾವುದೇ ಸಮಸ್ಯೆ ಇಲ್ಲ ಎಂದರು.