ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಅನರ್ಹತೆ ಪ್ರಕರಣ; ನ್ಯಾ.ಸಭಾಹಿತ್ ಅಂತಿಮ ತೀರ್ಪು ಏನಾಗಲಿದೆ? (High court | V.J.Sabhahith | BJP | Congress | JDS | Judgement)
Feedback
Printಅನರ್ಹತೆ ಪ್ರಕರಣ; ನ್ಯಾ.ಸಭಾಹಿತ್ ಅಂತಿಮ ತೀರ್ಪು ಏನಾಗಲಿದೆ? 
ಬೆಂಗಳೂರು, ಮಂಗಳವಾರ, 19 ಅಕ್ಟೋಬರ್ 2010( 20:17 IST )
NRB
ಯಾವುದೇ ಪ್ರಕರಣದಲ್ಲಿ ತೀರ್ಪು ನೀಡುವ ಸಂದರ್ಭದಲ್ಲಿ ಇಬ್ಬರು ನ್ಯಾಯಮೂರ್ತಿಗಳ ನಡುವೆ ಭಿನ್ನ ಅಭಿಪ್ರಾಯ ವ್ಯಕ್ತವಾದರೆ, ಆಗ ಅಂತಿಮ ತೀರ್ಪು ನೀಡುವ ಜವಾಬ್ದಾರಿಯನ್ನು ಮೂರನೇ ನ್ಯಾಯಮೂರ್ತಿಗೆ ನೀಡಲಾಗುತ್ತದೆ. ಆ ನಿಟ್ಟಿನಲ್ಲಿ 11 ಶಾಸಕರ ಅನರ್ಹತೆ ಪ್ರಕರಣದಲ್ಲಿ ಮೂರನೇ ನ್ಯಾಯಮೂರ್ತಿಯಾಗಿ ಸಭಾಹಿತ್ ಸೂಚಿಸಲ್ಪಟ್ಟಿದ್ದಾರೆ.
ಇದೀಗ 11 ಬಿಜೆಪಿ ಶಾಸಕರ ಅನರ್ಹತೆ ಪ್ರಕರಣದ ಬಗ್ಗೆ ಇಬ್ಬರು ನ್ಯಾಯಮೂರ್ತಿಗಳು ನೀಡಿದ ತೀರ್ಪು ಪರಿಶೀಲಿಸಿ ಈ ಪೈಕಿ ಒಂದು ತೀರ್ಪನ್ನು ಮೂರನೇ ನ್ಯಾಯಮೂರ್ತಿ ಒಪ್ಪಿ ನೀಡುವ ತೀರ್ಪು ಅಂತಿಮದ್ದಾಗಿರುತ್ತದೆ.
ಆದರೆ ಮೂರನೇ ನ್ಯಾಯಮೂರ್ತಿ ವಿಭಾಗೀಯ ಪೀಠದ ನ್ಯಾಯಮೂರ್ತಿಗಳು ನೀಡಿದ ತೀರ್ಪುಗಳಲ್ಲಿ ಒಂದನ್ನು ಒಪ್ಪಿಕೊಳ್ಳಬಹುದೇ ವಿನಃ ತಾವೇ ಅಂತಿಮ ತೀರ್ಪು ನೀಡಲು ಸಾಧ್ಯವಿಲ್ಲ. ಆ ನಿಟ್ಟಿನಲ್ಲಿ ಬುಧವಾರ ಸಭಾಹಿತ್ ಅವರು, ಮುಖ್ಯನ್ಯಾಯಮೂರ್ತಿ ಖೇಹರ್ ಅಥವಾ ನ್ಯಾ.ಎನ್.ಕುಮಾರ್ ಅವರು ನೀಡಿದ್ದ ತೀರ್ಪಿನಲ್ಲಿ ಯಾವುದಾದರು ಒಂದನ್ನು ಒಪ್ಪಿ ನೀಡುವ ಅಂತಿಮ ತೀರ್ಪು 11 ಶಾಸಕರ ಪಾಲಿಗೆ ವರವಾಗುತ್ತೋ ಇಲ್ಲವೇ ಮುಳುವಾಗುತ್ತೋ ಎಂಬುದು ಕುತೂಹಲದ ಪ್ರಶ್ನೆಯಾಗಿದೆ.