ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ವಿಶಿಷ್ಟ ಪ್ರತಿಭಟನೆ: 'ಕೈ' ಕೊಟ್ಟ ಶಾಸಕರಿಬ್ಬರ ತಿಥಿ! (Congress | BJP | Yeddyurappa | JDS | Narayana swamy | Rama chandra)
Feedback
Printವಿಶಿಷ್ಟ ಪ್ರತಿಭಟನೆ: 'ಕೈ' ಕೊಟ್ಟ ಶಾಸಕರಿಬ್ಬರ ತಿಥಿ! 
ಚಿಕ್ಕಮಗಳೂರು, ಬುಧವಾರ, 27 ಅಕ್ಟೋಬರ್ 2010( 13:43 IST )
WD
ರಾಜಕೀಯ ಹಗ್ಗ ಜಂಗೀಕುಸ್ತಿಯಲ್ಲಿ ವೈಯಕ್ತಿಕ ಕಾರಣ ನೀಡಿ ನಾರಾಯಣ ಸ್ವಾಮಿ ಮತ್ತು ರಾಮಚಂದ್ರ ಅವರು ತಮ್ಮ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು. ಅವರು ಬಿಜೆಪಿಯ ಆಮಿಷಕ್ಕೆ ಒಳಗಾಗಿ ಕಾಂಗ್ರೆಸ್ ಪಕ್ಷಕ್ಕೆ ಗುಡ್ ಬೈ ಹೇಳಿ ರಾಜೀನಾಮೆ ನೀಡಿದ್ದಾರೆಂದು ಈ ಸಂದರ್ಭದಲ್ಲಿ ಕಾಂಗ್ರೆಸ್ ಕಾರ್ಯಕರ್ತರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ವೈಯಕ್ತಿಕ ಲಾಭ, ಅಧಿಕಾರದ ಮೋಹಕ್ಕೆ ಸಿಲುಕಿ ಆಯ್ಕೆಯಾದ ಪಕ್ಷಕ್ಕೆ ರಾಜೀನಾಮೆ ನೀಡುವುದು ಕ್ಷೇತ್ರದ ಜನರಿಗೆ ದ್ರೋಹ ಬಗೆದಂತಾಗಿದೆ ಎಂದು ಪ್ರತಿಭಟನಾಕಾರರು ಕಿಡಿಕಾರಿದ್ದಾರೆ. ಆ ನಿಟ್ಟಿನಲ್ಲಿ ಇಂದು ಇಬ್ಬರು ಶಾಸಕರ ತಿಥಿಯನ್ನು ಸಾಂಕೇತಿಕವಾಗಿ ನಡೆಸಿ ತಮ್ಮ ಆಕ್ರೋಶವನ್ನು ಹೊರಹಾಕಿದರು.
ಆಯ್ಕೆಯಾದ ಪಕ್ಷಕ್ಕೆ ರಾಜೀನಾಮೆ ನೀಡುವುದು ಕ್ಷೇತ್ರದ ಜನರಿಗೆ ದ್ರೋಹ ಬಗೆದಂತೆ, ಇದು ಪ್ರಜಾಪ್ರಭುತ್ವ ವ್ಯವಸ್ಥೆಗೆ ಉತ್ತಮವಾದ ಬೆಳವಣಿಗೆಯಲ್ಲ. ಹಾಗಾಗಿ ಜನರಲ್ಲಿ ಜಾಗೃತಿ ಮೂಡಿಸುವ ನೆಲೆಯಲ್ಲಿ ಈ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಕಾಂಗ್ರೆಸ್ ಮುಖಂಡ ಎಂ.ಎಲ್.ಮೂರ್ತಿ ಪ್ರತಿಕ್ರಿಯೆ ನೀಡಿದ್ದಾರೆ.
'ನಮ್ಮನ್ನಗಲಿದ ಶಾಸಕರ ತಿಥಿ ಹಾಗೂ ಅನ್ನಸಂತರ್ಪಣೆ ಕಾರ್ಯಕ್ರಮ' ಇದು ಕಾಂಗ್ರೆಸ್ ಕಾರ್ಯಕರ್ತರು ಪ್ರತಿಭಟನೆ ನಡೆಸುತ್ತಿರುವ ಸ್ಥಳದಲ್ಲಿ ಕಟ್ಟಿದ ಬ್ಯಾನರ್‌ನಲ್ಲಿ ಈ ರೀತಿ ಬರೆಯಲಾಗಿತ್ತು. ಅಲ್ಲದೇ ಇಬ್ಬರು ಶಾಸಕರ ಫೋಟೋಗಳಿಗೆ ಹೂವಿನ ಹಾರ ಹಾಕಿ, ತಿಥಿ ಕಾರ್ಯ ನೆರವೇರಿಸಿದರು. ನಂತರ ಬಾಳೆಎಲೆಯಲ್ಲಿ ಇಟ್ಟ ಅನ್ನವನ್ನು ನಾಯಿಗಳಿಗೆ ಕೊಡಲಾಯಿತು!
ಸಂಬಂಧಿತ ಮಾಹಿತಿ ಹುಡುಕಿ