ರಾಷ್ಟ್ರೀಯ | ಅಂತಾರಾಷ್ಟ್ರೀಯ | ರಾಜ್ಯ ಸುದ್ದಿ | ಪ್ರಚಲಿತ | ವಿಮಾನ ದುರಂತ | ಸರ್ವಜ್ಞ
ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಐವರು ಪಕ್ಷೇತರರ ಅನರ್ಹತೆ: ಮಂಗಳವಾರ ಹೈಕೋರ್ಟ್ ತೀರ್ಪು (High court | Independent MLA | S Khehar | BJP government)
Bookmark and Share Feedback Print
 
ಐವರು ಪಕ್ಷೇತರರ ಅನರ್ಹತೆ: ಮಂಗಳವಾರ ಹೈಕೋರ್ಟ್ ತೀರ್ಪು  
ಬೆಂಗಳೂರು, ಸೋಮವಾರ, 1 ನವೆಂಬರ್ 2010( 20:14 IST )
 
ತಮ್ಮ ಶಾಸಕತ್ವವನ್ನು ಸ್ಪೀಕರ್ ಕೆ.ಜಿ.ಬೋಪಯ್ಯ ಅನರ್ಹಗೊಳಿಸಿದ್ದನ್ನು ಪ್ರಶ್ನಿಸಿ ಐವರು ಪಕ್ಷೇತರ ಶಾಸಕರು ಸಲ್ಲಿಸಿದ್ದ ಮೇಲ್ಮನವಿಯ ವಿಚಾರಣೆ ಕುರಿತಂತೆ ಮಂಗಳವಾರ ಹೈಕೋರ್ಟ್ ಅಂತಿಮ ತೀರ್ಪನ್ನು ನೀಡಲಿದೆ.

ಆಡಳಿತಾರೂಢ ಬಿಜೆಪಿ ಸರಕಾರಕ್ಕೆ ನೀಡಿದ್ದ ಬೆಂಬಲವನ್ನು ಐವರು ಪಕ್ಷೇತರ ಶಾಸಕರು ವಾಪಸ್ ಪಡೆದಿದ್ದರು. ತದನಂತರ ಸ್ಪೀಕರ್ ಅವರನ್ನು ಶಾಸಕತ್ವದಿಂದ ಅನರ್ಹಗೊಳಿಸಿದ್ದರು. ಸ್ಪೀಕರ್ ಅವರ ಆದೇಶವನ್ನು ಪ್ರಶ್ನಿಸಿ ಪಕ್ಷೇತರ ಶಾಸಕರು ಹೈಕೋರ್ಟ್ ಮೆಟ್ಟಿಲೇರಿದ್ದರು. ಅಕ್ಟೋಬರ್ 30ರಂದು ಹೈಕೋರ್ಟ್ ಮುಖ್ಯನ್ಯಾಯಮೂರ್ತಿ ಕೆ.ಎಸ್.ಖೇಹರ್ ಅವರು ನೇಮಿಸಿರುವ ನ್ಯಾಯಮೂರ್ತಿಗಳಾದ ಮೋಹನ್ ಶಾಂತನಗೌಡರ್, ಎಸ್.ಅಬ್ದುಲ್ ನಜೀರ್ ಹಾಗೂ ಎ.ಎಸ್.ಬೋಪಣ್ಣ ನೇತೃತ್ವದ ಹೈಕೋರ್ಟ್ ಪೀಠ ವಿಚಾರಣೆ ವಿಚಾರಣೆ ನಡೆಸಿತ್ತು.

ಏತನ್ಮಧ್ಯೆ ಬಿಜೆಪಿಯ 11 ಮಂದಿ ಶಾಸಕರನ್ನು ಸ್ಪೀಕರ್ ಅನರ್ಹಗೊಳಿಸಿದ್ದನ್ನು ಪ್ರಶ್ನಿಸಿ ಹೈಕೋರ್ಟ್‌ಗೆ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ್ದ ಮುಖ್ಯನ್ಯಾಯಮೂರ್ತಿ ಜೆ.ಎಸ್.ಖೇಹರ್ ಹಾಗೂ ನ್ಯಾ.ಎನ್.ಕುಮಾರ್ ಅವರು ವಿಭಿನ್ನ ನಿಲುವು ವ್ಯಕ್ತಪಡಿಸಿದ್ದರು. ಆ ಹಿನ್ನೆಲೆಯಲ್ಲಿ ಪ್ರಕರಣವನ್ನು ಮೂರನೇ ನ್ಯಾಯಮೂರ್ತಿ ವಿ.ಜಿ.ಸಭಾಹಿತ್ ಪೀಠಕ್ಕೆ ವರ್ಗಾಯಿಸಲಾಗಿತ್ತು. ಎರಡು ದಿನಗಳ ಕಾಲ ವಾದ-ಪ್ರತಿವಾದವನ್ನು ಆಲಿಸಿದ್ದ ಸಭಾಹಿತ್ ಸ್ಪೀಕರ್ ಅವರ ಆದೇಶವನ್ನು ಎತ್ತಿ ಹಿಡಿದ್ದರು. ಈ ಮೂಲಕ ಯಡಿಯೂರಪ್ಪ ನೇತೃತ್ವದ ಸರಕಾರ ಕಂಟಕದಿಂದ ಪಾರಾಗಿತ್ತು.

ಇದೀಗ ಮೂವರು ನ್ಯಾಯಮೂರ್ತಿಗಳನ್ನ ಒಳಗೊಂಡ ಹೈಕೋರ್ಟ್ ವಿಭಾಗೀಯ ಪೀಠ ಮಂಗಳವಾರ ನೀಡಲಿರುವ ತೀರ್ಪಿನ ಆಧಾರದ ಮೇಲೆ ಪಕ್ಷೇತರ ಶಾಸಕರ ಭವಿಷ್ಯ ನಿರ್ಧಾರವಾಗಲಿದೆ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಹೈಕೋರ್ಟ್, ಪಕ್ಷೇತರ ಶಾಸಕರು, ಬಿಜೆಪಿ, ಯಡಿಯೂರಪ್ಪ, ಕಾಂಗ್ರೆಸ್
ಮತ್ತಷ್ಟು
• ಎಂಇಎಸ್ ಉದ್ದಟತನ; ಎಚ್ಚರಿಕೆ ಧಿಕ್ಕರಿಸಿ ಕರಾಳ ದಿನಾಚರಣೆ
• ಮತ್ತೆ ಬಂಡಾಯ; ಮುಖ್ಯ ಸಚೇತಕ ಸ್ಥಾನಕ್ಕೆ ಜೀವರಾಜ್ ರಾಜೀನಾಮೆ
• ರವಿ, ವರ್ತೂರ್‌ ಸೇರಿ ನಾಲ್ವರಿಗೆ ಮಂತ್ರಿಗಿರಿ; ಮತ್ತೆ ಕಾನೂನು ತೊಡಕು?
• ಪ್ರತಿಪಕ್ಷಗಳಿಗೆ ಇನ್ನೂ 20 ವರ್ಷ ಅಧಿಕಾರವಿಲ್ಲ: ಯಡಿಯೂರಪ್ಪ
• ಬಿಜೆಪಿಗೆ ಯಾವ ಇತಿಹಾಸ, ಪರಂಪರೆ ಇದೆ: ಪರಮೇಶ್ವರ್
• ಎಂಇಎಸ್ ಕರಾಳ ದಿನಾಚರಣೆ; ಅನುಮತಿ ರದ್ದುಪಡಿಸಿದ ಸಿಎಂ