ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಯಡಿಯೂರಪ್ಪ ಒಳ್ಳೇ ಕೆಲಸ ಮಾಡಿದ್ದಾರೆ: ಗಡ್ಕರಿ ಶಬ್ಬಾಸ್‌ಗಿರಿ (BJP | Yeddyurappa | Nithin Gadkari | Zilla panchayath | Congress)
Feedback
Printಯಡಿಯೂರಪ್ಪ ಒಳ್ಳೇ ಕೆಲಸ ಮಾಡಿದ್ದಾರೆ: ಗಡ್ಕರಿ ಶಬ್ಬಾಸ್‌ಗಿರಿ 
ಬೆಂಗಳೂರು, ಮಂಗಳವಾರ, 7 ಡಿಸೆಂಬರ್ 2010( 20:03 IST )
PTI
ಮಂಗಳವಾರ ರಾಜ್ಯಕ್ಕೆ ಆಗಮಿಸಿದ್ದ ನಿತಿನ್ ಗಡ್ಕರಿ ಅವರು ಸಂಜೆ ನಗರದ ಔಟರ್ ರಿಂಗ್ ರೋಡ್ ಕಾಮಗಾರಿ ಪರಿಶೀಲನೆ. ತ್ಯಾಜ್ಯ ಘಟಕ, ಕೊಮ್ಮಘಟ್ಟ ಕೆರೆ ವೀಕ್ಷಿಸಿ ಯಡಿಯೂರಪ್ಪ ಅಭಿವೃದ್ಧಿ ಕಾರ್ಯವನ್ನು ಶ್ಲಾಘಿಸಿ ಗುಡ್ ಲಕ್ ಹೇಳಿದರು.
ನಂತರ ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತ, ನಗರದ ಮೆಟ್ರೋ ಯೋಜನೆ ತುಂಬಾ ಚೆನ್ನಾಗಿದೆ. ಯಡಿಯೂರಪ್ಪ ಅಭಿವೃದ್ಧಿ ಕೆಲಸ ಚೆನ್ನಾಗಿ ಮಾಡಿದ್ದಾರೆ. ರಾಜ್ಯದ ಇ-ಆಡಳಿತವೂ ಉತ್ತಮವಾಗಿದೆ. ಹಾಗಾಗಿ ನಾಯಕತ್ವದ ಬದಲಾವಣೆಯ ಪ್ರಶ್ನೆಯೇ ಇಲ್ಲ ಎಂದು ಸ್ಪಷ್ಟಪಡಿಸಿದರು.
ಕಾನೂನು ಸುವ್ಯವಸ್ಥೆ ವಿಷಯದಲ್ಲಿ ರಾಜ್ಯ ಸರಕಾರ ಉತ್ತಮವಾಗಿ ಕಾರ್ಯನಿರ್ವಹಿಸಿದೆ. ಯಡಿಯೂರಪ್ಪ ಹಾಗೂ ಸಚಿವರ ಕಾರ್ಯವೈಖರಿಯೂ ಕೂಡ ತೃಪ್ತಿ ತಂದಿದೆ ಎಂದರು. ಯಡಿಯೂರಪ್ಪ ನೇತೃತ್ವದಲ್ಲಿ ಪಕ್ಷದ ಮತಬ್ಯಾಂಕ್ ವೃದ್ದಿಯಾಗಿದೆ. ಆ ನಿಟ್ಟಿನಲ್ಲಿ ಜಿಲ್ಲಾ ಪಂಚಾಯ್ತಿ ಮತ್ತು ತಾಲೂಕು ಪಂಚಾಯ್ತಿ ಚುನಾವಣೆಯಲ್ಲಿಯೂ ಬಿಜೆಪಿ ಗೆಲ್ಲುವುದಾಗಿ ವಿಶ್ವಾಸ ವ್ಯಕ್ತಪಡಿಸಿದರು.
ಯಾವುದೇ ಕಾರಣಕ್ಕೂ ರಾಜಕೀಯ ಅಸ್ಥಿರತೆಗೆ ಅವಕಾಶ ನೀಡಲ್ಲ. ಬಿ.ಎಸ್.ಯಡಿಯೂರಪ್ಪ ಅವರೇ ಮುಖ್ಯಮಂತ್ರಿಯಾಗಿ ಸರಕಾರ ತನ್ನ ಅವಧಿ ಪೂರೈಸಲಿದೆ ಎಂದ ಗಡ್ಕರಿ, ಚುನಾವಣೆ ನಂತರವೇ ಸಚಿವ ಸಂಪುಟ ಪುನಾರಚನೆಯಾಗಲಿದೆ ಎಂದು ಹೇಳಿದರು.
ಸಂಬಂಧಿತ ಮಾಹಿತಿ ಹುಡುಕಿ