ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಬಿಜೆಪಿ, ಎಡಪಕ್ಷ ಸಿದ್ದಾಂತಗಳು ಏನಾದವು?: ಬರಗೂರು ರಾಮಚಂದ್ರಪ್ಪ (BJP | CPI | CPI(M) | Baraguru ramachandrappa | Globalaization)
Feedback
Printಬಿಜೆಪಿ, ಎಡಪಕ್ಷ ಸಿದ್ದಾಂತಗಳು ಏನಾದವು?: ಬರಗೂರು ರಾಮಚಂದ್ರಪ್ಪ 
ಹೊಸಪೇಟೆ, ಮಂಗಳವಾರ, 21 ಡಿಸೆಂಬರ್ 2010( 11:56 IST )
NRB
ಕನ್ನಡ ವಿವಿಯ 19ನೇ ನುಡಿಹಬ್ಬದ ಪ್ರಯುಕ್ತ ವಿವಿಯ ಭುವನವಿಜಯ ಸಭಾಂಗಣದಲ್ಲಿ ಆಯೋಜಿಸಲಾಗಿದ್ದ 'ಕರ್ನಾಟಕ ರಾಜಕೀಯ ಬೆಳವಣಿಗೆ ಹಾಗೂ ಸಾಮಾಜಿಕ ಪರಿಣಾಮಗಳು' ಕುರಿತ ವಿಚಾರ ಸಂಕಿರಣ ಉದ್ಘಾಟಿಸಿ ಮಾತನಾಡಿದರು.
ಎಡಪಕ್ಷ, ಬಿಜೆಪಿಗೆ ಸಿದ್ದಾಂತಗಳಿದ್ದವು. ಆದರೆ, ಅವು ಶುಷ್ಕಗೊಂಡಿವೆ. ಈಗಾಗಲೇ ಬಿಜೆಪಿ ಸಿದ್ದಾಂತ ಶುಷ್ಕಗೊಂಡಿರುವುದು ಕರ್ನಾಟಕದ ರಾಜಕೀಯ ಬೆಳವಣಿಗೆ ಜಗಜ್ಜಾಹೀರು ಮಾಡಿದೆ. ಸಿದ್ದಾಂತಗಳನ್ನು ಶುಷ್ಕಗೊಳಿಸದೇ, ಭಾವನಾತ್ಮಕಗೊಳಿಸಬೇಕಿತ್ತು. ಸಿದ್ದಾಂತಗಳು ಮನಸ್ಸಿಗೆ ನಾಟಬೇಕು. ಅದನ್ನು ಬಿಟ್ಟು ಮಿದುಳಿಗೆ ಸೀಮಿತಗೊಳಿಸಿದರೆ, ಜಾತಿ ಲಾಬಿ ಕೆಲಸ ಮಾಡಿಬಿಡುತ್ತದೆ. ಇದರಿಂದಾಗಿ ವಿಧಾನಸೌಧದಲ್ಲಿ ಮಠಗಳು ಹಾಗೂ ಮಠದಲ್ಲಿ ವಿಧಾನಸೌಧ ಸೇರಿಕೊಂಡಿದೆ ಎಂದರು.
70-80ರ ದಶಕದಲ್ಲಿ ಸಂಪತ್ತಿನ ಸಮಾನತೆಯ ಬಗ್ಗೆ ಕೂಗು ಎದ್ದಿತ್ತು. 90ರ ದಶಕದಲ್ಲಿ ಮುಕ್ತ ಮಾರುಕಟ್ಟೆ ಹೆಸರಿನಲ್ಲಿ ಜಾಗತೀಕರಣ ಕಾಲಿಟ್ಟಿದ್ದರಿಂದ ಸಂಪತ್ತಿನ ಸಮಾನತೆ ಮರೆಮಾಚಿತು. ಹೋರಾಟಗಳು ಕಡಿಮೆಯಾದವು. ನಾಡಿನಲ್ಲಿ ಚಿಂತನೆಯ ಬರ ಎದ್ದು ಕಂಡಿತು. ಜತೆಗೆ ಬುದ್ದಿಜೀವಿಗಳ ಹೂರಣವು ಹೊರಬಿದ್ದಿತ್ತು. ಇಂದಿಗೂ ನಾಡು ಇಲ್ಲವೇ ದೇಶವನ್ನು ಸರಿದಾರಿಗೆ ತರುವ ಚಿಂತನೆಗಳು ನಡೆಯುತ್ತಿಲ್ಲ ಎಂದು ವಿಷಾದಿಸಿದರು.