BJP | Ananth kumar | Yeddyurapap | Election | Congress | JDS | ಸರಕಾರ ಪತನವಾಗಲ್ಲ-ಸಿಎಂ ಬದಲಾಗಬಹುದು:ಅನಂತ್ ಟಾಂಗ್

ಸರಕಾರ ಪತನವಾಗಲ್ಲ-ಸಿಎಂ ಬದಲಾಗಬಹುದು:ಅನಂತ್ ಟಾಂಗ್

ಬೆಂಗಳೂರು, ಶನಿವಾರ, 12 ಫೆಬ್ರವರಿ 2011( 11:51 IST )

PTI

ರಾಜ್ಯರಾಜಕಾರಣದಲ್ಲಿ ಮಧ್ಯಂತರ ಚುನಾವಣೆ ನಡೆಯಲಿದೆ ಎಂದು ಪ್ರತಿಪಕ್ಷಗಳ ಮುಖಂಡರು ಭವಿಷ್ಯ ನುಡಿಯುತ್ತಿದ್ದರೆ, ಮತ್ತೊಂದೆಡೆ ಯಾವುದೇ ಕಾರಣಕ್ಕೂ ವಿಧಾನಸಭೆ ವಿಸರ್ಜಿಸಿ ಮಧ್ಯಂತರ ಚುನಾವಣೆ ನಡೆಯುವ ಪ್ರಶ್ನೆಯೇ ಇಲ್ಲ. ಆದರೆ ತುಂಬಾ ಅನಿವಾರ್ಯವಾದರೆ ಮುಖ್ಯಮಂತ್ರಿಗಳು ಬದಲಾಗಬಹುದೇ ಹೊರತು, ಸರಕಾರ ಪತನವಾಗಲ್ಲ ಎಂದು ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಅನಂತ್ ಕುಮಾರ್ ತಿಳಿಸಿದ್ದಾರೆ.

ಸಮಾವೇಶದ ಪೂರ್ವ ತಯಾರಿ ಹಿನ್ನೆಲೆಯಲ್ಲಿ ಶುಕ್ರವಾರ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದ ಅವರು, ಜನರು ಭಾರತೀಯ ಜನತಾ ಪಕ್ಷಕ್ಕೆ ಐದು ವರ್ಷ ಪೂರ್ಣ ಅವಧಿಗೆ ಆಡಳಿತ ನಡೆಸುವ ಅವಕಾಶ ಕಲ್ಪಿಸಿದ್ದಾರೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಕಳೆದ ಕೆಲವು ಚುನಾವಣೆಗಳಲ್ಲಿ ಕಾಂಗ್ರೆಸ್ ಮತ್ತು ಜೆಡಿಎಸ್ ಮುಖಭಂಗ ಅನುಭವಿಸಿವೆ. ಆದರೂ ಅಧಿಕಾರದಿಂದ ವಂಚಿತರಾಗಿರುವ ಪ್ರತಿಪಕ್ಷಗಳು ಮಧ್ಯಂತರ ಚುನಾವಣೆ ನಡೆಯಲಿದೆ ಎಂದು ಬೊಬ್ಬೆ ಹೊಡೆಯುತ್ತಿದ್ದಾರೆ. ಆದರೆ ಯಾವುದೇ ಕಾರಣಕ್ಕೂ ಪ್ರತಿಪಕ್ಷಗಳ ಕನಸು ನನಸಾಗುವುದಿಲ್ಲ ಎಂದು ತಿರುಗೇಟು ನೀಡಿದರು.

ಪ್ರತಿಪಕ್ಷಗಳು ಹಿಂಬಾಗಿಲ ಮೂಲಕ ಅಧಿಕಾರದ ಗದ್ದುಗೆ ಏರಲು ಪ್ರಯತ್ನಿಸುತ್ತಿವೆ. ಅವರ ಪ್ರಯತ್ನಗಳಿಗೆ ರಾಜಭವನವೇ ಕೇಂದ್ರ ಸ್ಥಾನ. ಗುಜರಾತ್‌ನಲ್ಲಿ ಬಿಜೆಪಿ ಜಯಗಳಿಸಿದಾಗ ಅಲ್ಲಿನ ವಿರೋಧ ಪಕ್ಷಗಲು ಇದೇ ರೀತಿ ತೇಜೋವಧೆ ಮಾಡುವ ಕೆಲಸ ಮಾಡಿದ್ದವು. ಆದರೆ ಅಲ್ಲೀಗ ಬಿಜೆಪಿ ಹ್ಯಾಟ್ರಿಕ್ ವಿಜಯ ಸಾಧಿಸಿದೆ ಎಂದರು.

ಇವನ್ನೂ ಓದಿ

ಕಾಂಗ್ರೆಸ್, ಜೆಡಿಎಸ್ ಬಿಕ್ಕಟ್ಟು ಬಿಜೆಪಿಗೆ ಲಾಭ: ಅನಂತ್ ಕುಮಾರ್

ಎಲ್ಲಾ ಪಿತೂರಿಗೂ ಅನಂತ್ ಕುಮಾರ್ ಕಾರಣ!: ಸಿಎಂ ಪತ್ರ

'ಕೈ' ಪಾಳಯದಲ್ಲಿ ಇರೋದು ನಕಲಿ ಕಾಂಗ್ರೆಸ್ಸಿಗರು: ಅನಂತ್ ಕುಮಾರ್

ವಿಪಕ್ಷಗಳಿಗೆ ತಕ್ಕ ಉತ್ತರ-ಬಿಜೆಪಿಗೆ ಜಯ; ಯಡಿಯೂರಪ್ಪ

ಬಿಜೆಪಿ ಸೋತ ಗ್ರಾಮಕ್ಕೆ ಕಾಲಿಡಲ್ಲ: ಯಡಿಯೂರಪ್ಪ ಶಪಥ

ಇದನ್ನು ಸಹ ಶೋಧಿಸು: ಬಿಜೆಪಿ, ಅನಂತ್ ಕುಮಾರ್, ಯಡಿಯೂರಪ್ಪ, ಚುನಾವಣೆ, ಕಾಂಗ್ರೆಸ್, ಜೆಡಿಎಸ್