Governor | BJP | Congress | JDS | Madikeri | Yugadi | Yeddyurappa | ನಾನು ಬಿಜೆಪಿ ವಿರೋಧಿಯಲ್ಲ: ಹಂಸರಾಜ್ ಭಾರದ್ವಾಜ್

ನಾನು ಬಿಜೆಪಿ ವಿರೋಧಿಯಲ್ಲ: ಹಂಸರಾಜ್ ಭಾರದ್ವಾಜ್

ಮಡಿಕೇರಿ, ಸೋಮವಾರ, 4 ಏಪ್ರಿಲ್ 2011( 19:49 IST )

ಆಡಳಿತಾರೂಢ ಬಿಜೆಪಿ ಸರಕಾರದ ಜತೆ ಯಾವುದೇ ಭಿನ್ನಾಭಿಪ್ರಾಯವಿಲ್ಲ. ಸರಕಾರ ತಪ್ಪು ಮಾಡಿದಾಗಲೆಲ್ಲ ಎಚ್ಚರಿಸಿದ್ದೇನೆ. ಹಾಗಂತ ಅದನ್ನೇ ಮುಂದಿಟ್ಟುಕೊಂಡು ನಾನು ಸರಕಾರದ ವಿರೋಧಿ ಎಂದು ಹೇಳುವುದು ಸರಿಯಲ್ಲ ಎಂದು ರಾಜ್ಯಪಾಲ ಹಂಸರಾಜ್ ಭಾರದ್ವಾಜ್ ತಿಳಿಸಿದ್ದಾರೆ.

ಯುಗಾದಿ ಸಂಭ್ರಮದ ಹಿನ್ನೆಲೆಯಲ್ಲಿ ಸೋಮವಾರ ರಾಜ್ಯಪಾಲ ಹಂಸರಾಜ್ ಭಾರದ್ವಾಜ್ ಅವರು ಕುಟುಂಬ ಸದಸ್ಯರೊಡನೆ ಇಲ್ಲಿನ ದುಬಾರೆ ಆನೆ ಶಿಬಿರಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಸುದ್ದಿಗಾರರ ಜತೆ ಮಾತನಾಡುತ್ತ ಈ ರೀತಿ ಪ್ರತಿಕ್ರಿಯಿಸಿದರು.

ಸರಕಾರದ ತಪ್ಪುಗಳನ್ನು ಹೇಳಿ ತಿದ್ದಿಕೊಳ್ಳುವಂತೆ ಸಲಹೆ, ಸೂಚನೆ ನೀಡಿದ್ದೇನೆ. ಆದರೆ ಸರಕಾರದ ಜತೆ ನನಗೆ ಯಾವುದೇ ಭಿನ್ನಾಭಿಪ್ರಾಯವಿಲ್ಲ. ಅಲ್ಲದೆ, ಈ ಸಂದರ್ಭದಲ್ಲಿ ಎಲ್ಲರೂ ಚುನಾವಣೆಯ ಪ್ರಚಾರದಲ್ಲಿ ನಿರತರಾಗಿದ್ದಾರೆ. ಹಾಗಾಗಿ ಈ ಸಂದರ್ಭದಲ್ಲಿ ಯಾವುದೇ ಟೀಕೆ-ಟಿಪ್ಪಣಿ ಮಾಡಲಾರೆ ಎಂದು ಹೇಳಿದರು.

ರಾಜ್ಯಪಾಲನಾಗಿ ಸಂವಿಧಾನದ ಚೌಕಟ್ಟಿನಲ್ಲಿಯೇ ಕಾರ್ಯನಿರ್ವಹಿಸಿದ್ದೇನೆ. ಪ್ರತಿಯೊಂದಕ್ಕೂ ರಾಜ್ಯಪಾಲರು ಪ್ರತಿಪಕ್ಷಗಳ ಕೈಗೊಂಬೆಯಂತೆ ವರ್ತಿಸುತ್ತಿದ್ದಾರೆಂಬ ಆರೋಪ ಸರಿಯಲ್ಲ ಎಂದರು.

ಇವನ್ನೂ ಓದಿ

ಸಿಎಂ ಯಡಿಯೂರಪ್ಪ ದೆಹಲಿ ಭೇಟಿ ರಹಸ್ಯ ಏನು ಗೊತ್ತಾ?

ಅಬಾರ್ಷನ್ ಕಮಲ, ಆಪರೇಷನ್ ಕಮಲ; ಯಾವುದು ಸರಿ?

ರಾಜ್ಯಪಾಲರ ಜತೆ ರಾಜಿಗೆ ಮುಂದಾದ ಯಡಿಯೂರಪ್ಪ

ಯಡಿಯೂರಪ್ಪ ಸಿಎಂ ಸ್ಥಾನಕ್ಕೆ ರಾಜೀನಾಮೆ ನೀಡ್ಲಿ: ರೇವಣ್ಣ

ಭ್ರಷ್ಟಾಚಾರದಲ್ಲಿ ರಾಜ್ಯ ನಂ.1, ಸಿಎಂಗೆ ಕೀರ್ತಿ: ಸಿದ್ದು ವ್ಯಂಗ್ಯ

ಇದನ್ನು ಸಹ ಶೋಧಿಸು: ಗವರ್ನರ್, ಬಿಜೆಪಿ, ಕಾಂಗ್ರೆಸ್, ಜೆಡಿಎಸ್, ಮಡಿಕೇರಿ, ಯುಗಾದಿ, ಯಡಿಯೂರಪ್ಪ