Anna Hazare | anti-corruption movement | Lokpal Bill | Deve gowda | JDS | Ashok | 'ಅಣ್ಣಾ ಹಜಾರೆ' ಸಮರಕ್ಕೆ ದೇವೇಗೌಡ, ಅಶೋಕ್, ಬೆಂಬಲ

'ಅಣ್ಣಾ ಹಜಾರೆ' ಸಮರಕ್ಕೆ ದೇವೇಗೌಡ, ಅಶೋಕ್, ಬೆಂಬಲ

ಬೆಂಗಳೂರು, ಗುರುವಾರ, 7 ಏಪ್ರಿಲ್ 2011( 12:39 IST )

ಭ್ರಷ್ಟಾಚಾರದ ವಿರುದ್ಧ ಹೋರಾಟ ಆರಂಭಿಸಿರುವ ಗಾಂಧಿವಾದಿ, ಸಾಮಾಜಿಕ ಕಾರ್ಯಕರ್ತ ಅಣ್ಣಾ ಹಜಾರೆ ಅವರಿಗೆ ರಾಜ್ಯಾದ್ಯಂತ ವ್ಯಾಪಕ ಬೆಂಬಲ ವ್ಯಕ್ತವಾಗಿದ್ದು, ಹಜಾರೆ ಭ್ರಷ್ಟಾಚಾರದ ಸಮರಕ್ಕೆ ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡ, ಗೃಹ ಸಚಿವ ಆರ್.ಅಶೋಕ್, ಸಂಸದ ಅನಂತ್ ಕುಮಾರ್, ಶಾಸಕ ಹ್ಯಾರಿಸ್ ಸೇರಿದಂತೆ ಸಾರ್ವಜನಿಕರು ಬೆಂಬಲ ನೀಡಿದ್ದಾರೆ.

ಭ್ರಷ್ಟಾಚಾರ ಮಟ್ಟಹಾಕಲು ಜನಲೋಕಪಾಲ್ ಮಸೂದೆ ಜಾರಿಗೆ ಆಗ್ರಹಿಸಿ ಅಣ್ಣಾ ಹಜಾರೆ ಕಳೆದ ಮೂರು ದಿನಗಳಿಂದ ನವದೆಹಲಿಯ ಜಂತರ್ ಮಂಥರ್‌ನಲ್ಲಿ ಉಪವಾಸ ಸತ್ಯಾಗ್ರಹ ನಡೆಸುತ್ತಿದ್ದಾರೆ. ಅಣ್ಣಾ ಅವರ ಹೋರಾಟಕ್ಕೆ ದೇಶಾದ್ಯಂತ ವ್ಯಾಪಕ ಬೆಂಬಲ ವ್ಯಕ್ತವಾಗಿದೆ.

ಏತನ್ಮಧ್ಯೆ ಅಣ್ಣಾ ಹಜಾರೆ ಅವರ ಭ್ರಷ್ಟಾಚಾರ ವಿರುದ್ಧದ ಹೋರಾಟಕ್ಕೆ ರಾಜ್ಯದ ವಿವಿಧೆಡೆ ಬೆಂಬಲ ನೀಡಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಗದಗದಲ್ಲಿ ಸಾರ್ವಜನಿಕರು ಗಾಂಧಿ ಪ್ರತಿಮೆ ಬಳಿ ಸತ್ಯಾಗ್ರಹ ನಡೆಸುತ್ತಿದ್ದರೆ, ಗುಲ್ಬರ್ಗಾದಲ್ಲಿನ ಜಿಲ್ಲಾಧಿಕಾರಿ ಕಚೇರಿ ಸಮೀಪ ಪ್ರತಿಭಟನೆ ನಡೆಸುತ್ತಿದ್ದಾರೆ. ಅದೇ ರೀತಿ ಕೊಪ್ಪಳ, ಶಿವಮೊಗ್ಗ, ಬೆಂಗಳೂರಿನ ಫ್ರೀಡಂ ಪಾರ್ಕ್ ಬಳಿಯೂ ಪ್ರತಿಭಟನೆ ನಡೆಯುತ್ತಿದೆ.

ಅಲ್ಲದೇ ಮುರುಘಾಶ್ರೀಗಳು ಸೇರಿದಂತೆ ಸಚಿವ ಆರ್.ಅಶೋಕ್, ಸಂಸದ ಅನಂತ್ ಕುಮಾರ್, ಶಾಂತಿನಗರದ ಶಾಸಕ ಹ್ಯಾರಿಸ್, ದೇವೇಗೌಡರು ಭ್ರಷ್ಟಾಚಾರದ ವಿರುದ್ಧ ಸಮರ ಹೂಡಿರುವ ಅಣ್ಣಾ ಹಜಾರೆ ಅವರ ಹೋರಾಟಕ್ಕೆ ಸಂಪೂರ್ಣ ಬೆಂಬಲ ಇರುವುದಾಗಿ ತಿಳಿಸಿದ್ದಾರೆ.

ಇವನ್ನೂ ಓದಿ

ಭ್ರಷ್ಟಾಚಾರ ವಿರುದ್ಧ ನೀವೂ ಬನ್ನಿ, ಹೋರಾಡೋಣ: ಪ್ರಧಾನಿಗೆ ಹಜಾರೆ

ಹಲ್ಲಿಲ್ಲದ ಲೋಕಪಾಲ ಮಸೂದೆಗೆ ಆಕ್ರೋಶ: ಹಜಾರೆ ಉಪವಾಸ

ಬೇಕಿದ್ರೆ ಉಪವಾಸ ಮಾಡ್ಲಿ, ತಡೆಯಲ್ಲ ಎಂದಿತು ಕಾಂಗ್ರೆಸ್!

ಈಗ ಬಿಜೆಪಿ ಶಾಸಕ ನಾಪತ್ತೆ; ಜೆಡಿಎಸ್ ತೆಕ್ಕೆಯೊಳಗೆ!

ಭ್ರಷ್ಟ ಸರಕಾರದಿಂದ ಭ್ರಷ್ಟರಿಗೆ ರಕ್ಷಣೆ: ದೊರೆಸ್ವಾಮಿ

ಇದನ್ನು ಸಹ ಶೋಧಿಸು: ಅಣ್ಣಾ ಹಜಾರೆ, ದೇವೇಗೌಡ, ಆರ್ಅಶೋಕ್, ಭ್ರಷ್ಟಾಚಾರ, ಲೋಕಪಾಲ್ ಮಸೂದೆ, ಕರ್ನಾಟಕ