Illegal Mining Report | Lokayukta | BJP | Somanna | Yeddyurappa | Hegde | ನಾನು ತಪ್ಪು ಮಾಡಿಲ್ಲ, ತಲೆದಂಡಕ್ಕೂ ಸಿದ್ದ: ಸೋಮಣ್ಣ

ನಾನು ತಪ್ಪು ಮಾಡಿಲ್ಲ, ತಲೆದಂಡಕ್ಕೂ ಸಿದ್ದ: ಸೋಮಣ್ಣ

ಬೆಂಗಳೂರು, ಗುರುವಾರ, 28 ಜುಲೈ 2011( 08:59 IST )

ನಾನು ಯಾವುದೇ ಪಾಪದ ಕೆಲಸ ಮಾಡಿಲ್ಲ. ನನ್ನ ಜೀವನದಲ್ಲಿ ನಾನು ಯಾವುದೇ ತಪ್ಪು ಮಾಡಿಲ್ಲ. ಅಕ್ರಮ ಗಣಿಗಾರಿಕೆ ವರದಿಯಲ್ಲಿ ಯಾಕಾಗಿ ನನ್ನ ಹೆಸರು ಬಳಕೆ ಮಾಡಿದಾರೋ ಗೊತ್ತಿಲ್ಲ. ವರದಿ ಪೂರ್ಣ ಪರಿಶೀಲಿಸಿದ ನಂತರ ಈ ಬಗ್ಗೆ ಪ್ರತಿಕ್ರಿಯಿಸಿಸುತ್ತೇನೆ'...ಇದು ವಸತಿ ಸಚಿವ ವಿ.ಸೋಮಣ್ಣ ಪ್ರತಿಕ್ರಿಯೆ.

ರಾಜ್ಯದಲ್ಲಿ ನಡೆದಿರುವ ಅಕ್ರಮ ಗಣಿಗಾರಿಕೆಗೆ ಸಂಬಂಧಿಸಿದಂತೆ ಲೋಕಾಯುಕ್ತರ ಅಂತಿಮ ವರದಿಯಲ್ಲಿ ವಿ.ಸೋಮಣ್ಣ ಅವರ ಹೆಸರು ಕೂಡ ಪ್ರಸ್ತಾಪವಾಗಿದ್ದು, ಈ ಬಗ್ಗೆ ಮಾಧ್ಯಮದವರು ಪ್ರಶ್ನಿಸಿದಾಗ ಅವರು ಈ ರೀತಿ ಪ್ರತಿಕ್ರಿಯೆ ನೀಡಿದರು.

ಅಕ್ರಮ ಗಣಿಗಾರಿಕೆಗೂ ನನಗೂ ಯಾವುದೇ ಸಂಬಂಧವಿಲ್ಲ. ನಾನು ಕಾಯಕಕ್ಕೆ ಹೆಚ್ಚಿನ ಆದ್ಯತೆ ನೀಡಿದವನು. ವರದಿಯಲ್ಲಿ ನನ್ನ ಹೆಸರಿದೆ ಎಂಬ ಅಂಶ ಆಘಾತ ತಂದೊಡ್ಡಿರುವುದಾಗಿ ಹೇಳಿದರು.

ವರದಿಯಲ್ಲಿ ಯಾಕಾಗಿ ನನ್ನ ಹೆಸರು ಸೇರ್ಪಡೆಗೊಂಡಿದೆ ಎಂಬುದು ಗೊತ್ತಿಲ್ಲ. ಒಂದು ವೇಳೆ ನನ್ನ ವಿರುದ್ಧದ ಆರೋಪ ಸಾಬೀತಾದರೆ ತಲೆದಂಡಕ್ಕೆ ಸಿದ್ದ ಎಂದು ಸೋಮಣ್ಣ ಈ ಸಂದರ್ಭದಲ್ಲಿ ತಿಳಿಸಿದರು.

ಇವನ್ನೂ ಓದಿ

ಗಣಿ ವರದಿ, ಬಿಜೆಪಿ ತಲ್ಲಣ: ಕ್ಷಣ, ಕ್ಷಣದ ಮಾಹಿತಿ ಇಲ್ಲಿದೆ ನೋಡಿ...

ಗಣಿ ವರದಿ ಸೋರಿಕೆ; ಸುದ್ದಿಗೋಷ್ಠಿಯಲ್ಲಿ ಕಣ್ಣೀರಿಟ್ಟ ನ್ಯಾ.ಹೆಗ್ಡೆ

'ಸಿಎಂ ರಾಜೀನಾಮೆ ಕೇಳೋ ಹಕ್ಕು ಲೋಕಾಯುಕ್ತರಿಗಿದೆ'

ಗಣಿ ವರದಿ; ಕತ್ತಿ ಹರಿತ ಮಾಡಿಕೊಳ್ಳುತ್ತಿರುವ ಗವರ್ನರ್

ಅಕ್ರಮ ಗಣಿ :ರಾಜ್ಯದ ಬೊಕ್ಕಸಕ್ಕೆ 16 ಸಾವಿರ ಕೋಟಿ ನಷ್ಟ!

ಇದನ್ನು ಸಹ ಶೋಧಿಸು: ಅಕ್ರಮ ಗಣಿ ವರದಿ, ಲೋಕಾಯುಕ್ತ, ಬಿಜೆಪಿ, ಸೋಮಣ್ಣ, ಸಂತೋಷ್ ಹೆಗ್ಡೆ, ಯಡಿಯೂರಪ್ಪ