Anna Hazare | Lokpal Bill | Vishwanath | Mysore | Congress | corruption | ಅಣ್ಣಾ ಸುತ್ತಮುತ್ತ ಇರೋರು ಪ್ರಾಮಾಣಿಕರಲ್ಲ: ವಿಶ್ವನಾಥ್ ಕಿಡಿ

ಅಣ್ಣಾ ಸುತ್ತಮುತ್ತ ಇರೋರು ಪ್ರಾಮಾಣಿಕರಲ್ಲ: ವಿಶ್ವನಾಥ್ ಕಿಡಿ

ಮೈಸೂರು, ಶುಕ್ರವಾರ, 26 ಆಗಸ್ಟ್ 2011( 15:53 IST )

ಭ್ರಷ್ಟಾಚಾರ ತಡೆಗೆ ಪ್ರಬಲ ಜನಲೋಕಪಾಲ್ ಮಸೂದೆ ಜಾರಿಯಾಗಬೇಕೆಂದು ಆಗ್ರಹಿಸಿ ಅಣ್ಣಾ ಹಜಾರೆ ಆಮರಣಾಂತ ಉಪವಾಸ ನಡೆಸುತ್ತಿದ್ದರೆ, ಮತ್ತೊಂದೆಡೆ ಅಣ್ಣಾ ಏನು ಸಾಚಾ ಅಲ್ಲ ಸ್ವತಃ ಭ್ರಷ್ಟ ಎಂದು ಹೇಳಿಕೆ ನೀಡಿದ್ದ ಕಾಂಗ್ರೆಸ್ ವಕ್ತಾರ ಮನೀಶ್ ತಿವಾರಿ ತಮ್ಮ ಹೇಳಿಕೆಗೆ ವಿಷಾದ ವ್ಯಕ್ತಪಡಿಸಿದ್ದಾರೆ. ಆದರೆ ಸಂಸದ, ಕಾಂಗ್ರೆಸ್ ಮುಖಂಡ ವಿಶ್ವನಾಥ್ ಅಣ್ಣಾ ತಂಡದ ವಿರುದ್ಧ ವಾಗ್ದಾಳಿ ಮುಂದುವರಿಸಿದ್ದಾರೆ.

ಕ್ಷಣ ಕ್ಷಣದ ತಾಜಾ ಸುದ್ದಿ, ವಿಶೇಷ ವರದಿ-ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ

ಪ್ರಧಾನಿ ಮನಮೋಹನ್ ಸಿಂಗ್ ಅವರನ್ನೇ ಭ್ರಷ್ಟ ಎಂದು ಬಿಂಬಿಸುವ ಹುನ್ನಾರವನ್ನು ಅಣ್ಣಾ ಹಜಾರೆ ತಂಡ ವ್ಯವಸ್ಥಿತವಾಗಿ ಮಾಡುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ ವಿಶ್ವನಾಥ್, ಅಣ್ಣಾ ಸುತ್ತ ಮುತ್ತ ಇರುವವರು ಪ್ರಾಮಾಣಿಕರಲ್ಲ ಎಂದು ಆರೋಪಿಸಿದ್ದಾರೆ.

ನಗರದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ಮನಮೋಹನ್ ಸಿಂಗ್ ಪ್ರಾಮಾಣಿಕ ವ್ಯಕ್ತಿ. ಈ ದೇಶ ಕಂಡ ಪ್ರತಿಭಾವಂತ ಅರ್ಥಿಕ ತಜ್ಞ. ಜಗತ್ತಿನ ಹಲವು ದೇಶಗಳು ಆರ್ಥಿಕ ಹೊಡೆತದಿಂದ ಕಂಗಾಲಾಗಿದ್ದ ಸಂದರ್ಭದಲ್ಲಿ, ದೇಶದ ಆರ್ಥಿಕ ಮಟ್ಟ ಕುಸಿಯದಂತೆ ನೋಡಿಕೊಂಡ ವ್ಯಕ್ತಿ ಅವರು ಎಂದು ಶ್ಲಾಘಿಸಿದರು.

ಅಣ್ಣಾ ಹಜಾರೆ ಪ್ರಾಮಾಣಿಕರು, ಆದರೆ ಅಣ್ಣಾ ಹಜಾರೆಗೆ ಬಹುಪರಾಕ್ ಹೇಳುವ ಅವರ ಸುತ್ತಮುತ್ತಲಿನ ವ್ಯಕ್ತಿಗಳು ಪ್ರಾಮಾಣಿಕರಾಗಿಲ್ಲ ಎಂದು ಈ ಸಂದರ್ಭದಲ್ಲಿ ದೂರಿದರು. ಪ್ರಜಾಪ್ರಭುತ್ವ ವ್ಯಸ್ಥೆಯಲ್ಲಿ ಎಲ್ಲವೂ ಸಂವಿಧಾನ ಬದ್ಧವಾಗಿಯೇ ನಡೆಯಬೇಕು. ಸಂವಿಧಾನ ವಿರೋಧಿಯಾಗಿ ನಡೆದುಕೊಳ್ಳುವುದು ಪ್ರಜಾಪ್ರಭುತ್ವಕ್ಕೆ ಕಳಂಕ ಎಂದು ಅಭಿಪ್ರಾಯಪಟ್ಟರು.

ಇವನ್ನೂ ಓದಿ

ಡಿಕೆಶಿ ಕಾಂಗ್ರೆಸ್ ಪಕ್ಷವನ್ನೇ ಮುಗಿಸಿದ್ದಾರೆ: ವಿಶ್ವನಾಥ್ ಕಿಡಿ

ಭ್ರಷ್ಟಾಚಾರ ಮಾಡ್ದೆ ಪಕ್ಷ ಕಟ್ಟಲು ಸಾಧ್ಯವಿಲ್ಲ!: ಎಚ್‌ಡಿಕೆ

ಕಾಂಗ್ರೆಸಿಗೆ ಅಣ್ಣಾ ಹಜಾರೆ ಆರೆಸ್ಸೆಸ್ ಏಜೆಂಟರಂತೆ!

ಐದಾರು ಸಾವಿರ ಮಂದಿ ಕೂಗಾಡಿದ್ರೆ ಶಾಸನ ಆಗಲ್ಲ: ಪ್ರಣಬ್

ಸರ್ಕಾರಿ ಲೋಕಪಾಲದಲ್ಲಿ ದೂರು ನೀಡಿದವರಿಗೇ ಶಿಕ್ಷೆ!

ಇದನ್ನು ಸಹ ಶೋಧಿಸು: ಅಣ್ಣಾ ಹಜಾರೆ, ಜನಲೋಕಪಾಲ್ ಮಸೂದೆ, ವಿಶ್ವನಾಥ್, ಮೈಸೂರು, ಕಾಂಗ್ರೆಸ್, ಭ್ರಷ್ಟಾಚಾರ