Kumaraswamy | Anitha kumaraswamy | Lokayukta court | Illegal Mining | High court | Latest News in Kannada | Kannada News | Karnataka News | Latest Kar | ಸುಳ್ಳು ನೆಪ ಬೇಡ ಸೆ.7ಕ್ಕೆ ಹಾಜರಾಗಿ: ಎಚ್‌ಡಿಕೆ ದಂಪತಿಗೆ ಕೋರ್ಟ್

ಸುಳ್ಳು ನೆಪ ಬೇಡ ಸೆ.7ಕ್ಕೆ ಹಾಜರಾಗಿ: ಎಚ್‌ಡಿಕೆ ದಂಪತಿಗೆ ಕೋರ್ಟ್

ಬೆಂಗಳೂರು, ಸೋಮವಾರ, 5 ಸೆಪ್ಟೆಂಬರ್ 2011( 16:34 IST )

ಜಂತಕಲ್ ಮೈನಿಂಗ್ ಕಂಪನಿಗೆ ಅಕ್ರಮವಾಗಿ ಗಣಿ ಗುತ್ತಿಗೆ ಅನುಮತಿ ಹಾಗೂ ವಿಶ್ವಭಾರತಿ ಸೊಸೈಟಿಗೆ ನೆರವು ನೀಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸೋಮವಾರ ಮಧ್ಯಾಹ್ನವೂ ಆರೋಪಿಗಳಾದ ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಹಾಗೂ ಪತ್ನಿ, ಶಾಸಕಿ ಅನಿತಾ ಕುಮಾರಸ್ವಾಮಿ ಲೋಕಾಯುಕ್ತ ವಿಶೇಷ ಕೋರ್ಟ್‌ಗೆ ಗೈರುಹಾಜರಾಗಿರುವುದಕ್ಕೆ ತೀವ್ರ ತರಾಟೆಗೆ ತೆಗೆದುಕೊಂಡಿದ್ದು, ಇಬ್ಬರಿಗೂ 2 ದಿನ ವಿನಾಯಿತಿ ನೀಡಿ ಸೆ.7ಕ್ಕೆ ಖುದ್ದು ಹಾಜರಾಗಬೇಕೆಂದು ತಾಕೀತು ಮಾಡಿದೆ.

ತಾಜಾ ಸುದ್ದಿ, ಕನ್ನಡ ಸುದ್ದಿ, ಕನ್ನಡ ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ

ಜಂತಕಲ್ ಮೈನಿಂಗ್ ಗುತ್ತಿಗೆ ಹಾಗೂ ವಿಶ್ವಭಾರತಿ ಗೃಹ ನಿರ್ಮಾಣ ಸಹಕಾರ ಸಂಘದ ಡಿನೋಟಿಫೈ ಅವ್ಯವಹಾರ ಪ್ರಕರಣದ ಕುರಿತಂತೆ ಸೆ.5ರಂದು ಖುದ್ದು ನ್ಯಾಯಾಲಯಕ್ಕೆ ಹಾಜರಾಗುವಂತೆ ಸೂಚಿಸಿತ್ತು. ಆ ನಿಟ್ಟಿನಲ್ಲಿ ಸೋಮವಾರ ಲೋಕಾಯುಕ್ತ ವಿಶೇಷ ನ್ಯಾಯಾಲಯದಲ್ಲಿ ಬೆಳಿಗ್ಗೆ 10.50ರ ಹೊತ್ತಿಗೆ ವಿಚಾರಣೆ ಆರಂಭವಾದಾಗ, ಪ್ರಮುಖ ಆರೋಪಿಗಳಿಬ್ಬರೂ ಗೈರು ಹಾಜರಾಗಿದ್ದರಿಂದ ವಿಚಾರಣೆಯನ್ನು ಮಧ್ಯಾಹ್ನ 3ಗಂಟೆಗೆ ಮುಂದೂಡಿತ್ತು.

ಮಧ್ಯಾಹ್ನ ವಿಚಾರಣೆ ಆರಂಭವಾದಾಗ, ಕುಮಾರಸ್ವಾಮಿ ಪರ ವಕೀಲ ಹಶ್ಮತ್ ತಮ್ಮ ಕಕ್ಷಿದಾರರಿಬ್ಬರಿಗೂ ಅನಾರೋಗ್ಯ ಇರುವ ನೆಲೆಯಲ್ಲಿ ಖುದ್ದು ಹಾಜರಾತಿಗೆ 15 ದಿನಗಳ ಕಾಲ ವಿನಾಯಿತಿ ನೀಡಬೇಕೆಂದು ನ್ಯಾಯಾಧೀಶ ಸುಧೀಂದ್ರ ರಾವ್ ಅವರಲ್ಲಿ ಮನವಿ ಮಾಡಿಕೊಂಡರು.

ಆದರೆ ಕುಮಾರಸ್ವಾಮಿ ದಂಪತಿ ಆರೋಗ್ಯ ಸರಿಯಾಗಿದೆ. ಆಸ್ಪತ್ರೆಗೆ ದಾಖಲಾಗಿಲ್ಲ ಎಂದು ಅರ್ಜಿದಾರ ಪರ ವಕೀಲರು ಆಕ್ಷೇಪ ವ್ಯಕ್ತಪಡಿಸಿ, ಅವರಿಗೆ ವಿನಾಯಿತಿ ನೀಡಬಾರದು ಎಂದು ನ್ಯಾಯಪೀಠಕ್ಕೆ ಮನವರಿಕೆ ಮಾಡಿದರು.

ಆದರೆ ಪ್ರಮುಖ ಆರೋಪಿಗಳಾದ ಕುಮಾರಸ್ವಾಮಿ ಮತ್ತು ಅನಿತಾ ಕುಮಾರಸ್ವಾಮಿ ಗೈರು ಹಾಜರಾಗಿದ್ದಕ್ಕೆ ಗರಂ ಆದ ಲೋಕಾಯುಕ್ತ ವಿಶೇಷ ನ್ಯಾಯಾಲಯದ ನ್ಯಾಯಪೀಠ, ಇಂದು ಕೋರ್ಟ್‌ಗೆ ಖುದ್ದು ಹಾಜರಾಗುವಂತೆ ಸೂಚಿಸಲಾಗಿದ್ದರೂ ಯಾಕೆ ಹಾಜರಾಗಿಲ್ಲ ಎಂದು ತರಾಟೆಗೆ ತೆಗೆದುಕೊಂಡಿತು. ಕೋರ್ಟ್‌ಗೆ ಆರೋಪಿಗಳು ಗಡುವು ನೀಡುವಂತಿಲ್ಲ. ಆದರೂ ಅನಾರೋಗ್ಯದ ನೆಪವೊಡ್ಡಿರುವುದರಿಂದ ಎರಡು ದಿನಗಳ ಕಾಲಾವಕಾಶ ನೀಡಿದ ಕೋರ್ಟ್, ಸೆಪ್ಟೆಂಬರ್ 2ರಂದು ಖುದ್ದು ಹಾಜರಾಗುವಂತೆ ಸೂಚಿಸಿತು.

ಏತನ್ಮಧ್ಯೆ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಪರ ವಕೀಲರು ನಿರೀಕ್ಷಣಾ ಜಾಮೀನು ಕೋರಿ ಹೈಕೋರ್ಟ್ ಮೆಟ್ಟಿಲೇರಿದ್ದಾರೆ. ಹಾಗಾಗಿ ಅನಾರೋಗ್ಯದ ನೆಪವೊಡ್ಡಿ ಎಚ್‌ಡಿಕೆ ದಂಪತಿ ಲೋಕಾಯುಕ್ತ ಕೋರ್ಟ್‌ಗೆ ಗೈರುಹಾಜರಾಗಿದ್ದರು. ಒಟ್ಟಾರೆ ಹೈಕೋರ್ಟ್ ನಿರೀಕ್ಷಣಾ ಜಾಮೀನು ಪುರಸ್ಕರಿಸುತ್ತದೋ ಅಥವಾ ತಿರಸ್ಕರಿಸುತ್ತದೋ ಎಂಬುದನ್ನು ಕಾದು ನೋಡಬೇಕಾಗಿದೆ. ಒಂದು ವೇಳೆ ನಿರೀಕ್ಷಣಾ ಜಾಮೀನು ಅರ್ಜಿ ವಿಚಾರಣೆ ಮುಂದೂಡಲ್ಪಟ್ಟರೆ ಮಾಜಿ ಮುಖ್ಯಮಂತ್ರಿಗಳಾದ ಬಿ.ಎಸ್.ಯಡಿಯೂರಪ್ಪ, ಎಚ್.ಡಿ.ಕುಮಾರಸ್ವಾಮಿ ಹಾಗೂ ಶಾಸಕಿ ಅನಿತಾ ಕುಮಾರಸ್ವಾಮಿ ಸಾಲು, ಸಾಲಾಗಿ ಸೆ.7ರಂದು ಲೋಕಾಯುಕ್ತ ಕೋರ್ಟ್ ಕಟಕಟೆಗೆ ಏರಬೇಕಾಗಿದೆ.

ಇವನ್ನೂ ಓದಿ

ತಿರುಗುಬಾಣ: ಎಚ್‌ಡಿಕೆ ದಂಪತಿಗೆ ಜಾಮೀನು ಸಿಗುತ್ತಾ?

ಭೂಹಗರಣ: ಬಿಎಸ್‌ವೈ, ಎಚ್‌ಡಿಕೆಗೆ ಲೋಕಾಯುಕ್ತ ಸಮನ್ಸ್

ಕೋರ್ಟ್ ವಿನಾಯ್ತಿ: ಕುಮಾರಸ್ವಾಮಿಗೆ ರಕ್ತದೊತ್ತಡ, ಅನಿತಾಗೆ ಬೆನ್ನುನೋವು!

ಕುಮಾರಸ್ವಾಮಿ ಬಾಯಿ ಮುಚ್ಚಿಕೊಂಡಿರಬೇಕು: ದೇವೇಗೌಡ

ಸಾಕಪ್ಪಾ ಪಾಲಿಟಿಕ್ಸ್; ನಿವೃತ್ತಿ ಸೂಚನೆ ನೀಡಿದ ಸಿದ್ದರಾಮಯ್ಯ

ಇದನ್ನು ಸಹ ಶೋಧಿಸು: ಕುಮಾರಸ್ವಾಮಿ, ಅನಿತಾ ಕುಮಾರಸ್ವಾಮಿ, ಲೋಕಾಯುಕ್ತ ಕೋರ್ಟ್, ಅಕ್ರಮ ಗಣಿ, ಹೈಕೋರ್ಟ್, ಕನ್ನಡ ಸುದ್ದಿ, ಕರ್ನಾಟಕ ಸುದ್ದಿ, ರಾಷ್ಟ್ರೀಯ ಸುದ್ದಿ, ಬ್ರೇಕಿಂಗ್ ನ್ಯೂಸ್, ತಾಜಾ ಕನ್ನಡ ಸುದ್ದಿ, ರಾಜಕೀಯ, ಬೆಂಗಳೂರು ಸುದ್ದಿ, ಭಾರತೀಯ ಸುದ್ದಿ, ಕರ್ನ